Болалар haqida latifalar

Онаси ишга кетаётиб:
— Сигирларга қараб ўтиринглар, - дебди болаларига.
Ишдан қайтса, сигирлар оч қолган эмиш.
— Нега сигирга ҳашак бермадинглар? - деса, болалари:
— Унақа деб айтмадингиз. Қараб ўтирдик фақат, - дейишибди.

Бир киши ўғли 18 ёшга киргунча алимент тўлабди.
Ўғли 18 га тўлган куни уни чақириб:
— Бориб онангга айт! Энди алимент олиб бўпти мендан. Шу гапни эшитганда онангни юзини бир кўрай! - дебди.
Бола онасига келиб гапни айтибди. Онаси:
— Ҳозир бориб адангга айт. 18 йилдан бери аниқ ўзини ўғлига алимент тўлабдимикан? Шу гапни айтганингда адангни юзини бир кўрай! - деган экан.

Иккита синфдош:
— Чанқадим, сув ичиб келаман.
— Мен учун ҳам ичиб кел.
Бироздан сўнг:
— Ичиб келдим.
— Мен учун ҳам ичдингми?
— Ўзим учун сувни жўмракдан, сен учун ариқдан ичдим...

— Hello baby.
— Hello
— Where are you from?
— I'm from Uzbekistan. And where are you from?
— America.
— Aldama.
— Hudo haqqi!

— Ада, менга ҳам бирорта йигит уйланармикин?
— Уйланади қизим! Онангдан сўра-чи, сеҳр-жоду қилиб йигитларни бошни айлантирадиган дуо эсидан чиқиб кетмаганмикин?!
— Ойим шундай дуони биладиларми?
— Албатта билади. Шу пайтгача қанақа қилиб унга уйланганимни тушунолмаяпман-ку!

— Бундан буён ўғлимизни тарбияси билан ўзим шуғулланаман,
— Жуда яхши. Фақат ўғлимиз эмас, қизимиз бор.

Мени укам пул топишни йўлини катталардан яхшироқ билади.
Мактабда олган ҳар бир "5" баҳосига адам 10 минг сўмдан берадилар.
Ўша 10 минг сўмдан 5 мингини устозига берса, устози яна "5" баҳо қўйиб беради.
Қарабсизки, укамга ўз-ўзидан пул келиб тураверади-да!

Физика дарсида ўқитувчи:
— Аҳмедов, айт-чи! Ёруғликни тезлиги каттами ёки товушними?
— Товушни тезроқ...
— Нега?
— Ойлик маошим ошади деб адам айтганларига анча бўлди, лекин ҳалиям ёруғлик чиқмади.

Қари отахон набираси билан овқатланиб ўтиришса, набираси гапирмоқчи бўлиб, энди оғиз очса, бобоси:
— Овқат пайтида гапириб бўлмайди, - деб танбеҳ берибди.
Овқатланиб бўлгач, "Энди гапир" деса, набираси:
— Боя овқатингизга пашша тушиб қолганди, шуни айтмоқчи эдим, - дермиш.