Ёш йигитча китоб дўконида сотувчидан сўрабди:
— Сизларда "Қандай қилиб 1 ой ичида миллионер бўлиш мумкин?", - деган китоб борми?
— Бор! Мана, марҳамат! Лекин сизга тавсиямиз — бу китобга қўшиб "Жиноят кодекси"ни ҳам сотиб олинг.
Япон олимлари робот ихтиро қилишибди. У робот жиноятчи-ўғриларни ушлар экан.
Россияда синовдан ўтказишса, бир кунда 40 та ўғрини қўлга олибди.
Америкада синовдан ўтказишса, 50 та ўғрини қўлга олибди.
Ипподром бозорига олиб боришган экан, роботни ўзини 1 соат ичида топа олмай қолишибди.
Дўконга кириб Elma туалет қоғозини харид қилдим-да, халтага жойлаётсам, ортимдан кимдир келиб:
— Юмшоқ эканми? - деб сўради.
— Ҳа, жуда-ям сифатли, - дедим ўгирилмасдан.
— Ўтган сафар ҳудди шунисидан харид қилгандим, афсусландим... Шунақанги қаттиқ экан, ишлата олмадим, чидаб бўлмайди!
Ўгирилиб қарасам, бир ёш йигит тиш тозалагич танлаяпти.
Суҳбатимизни эшитиб турган кассир қиз кулгидан ўзини боса олмай қолди...!
Харидор сўраяпти:
— Соябонингизни сифати яхшими?
Сотувчи:
— Ҳа, албатта, беш йилга кафолати бор, факат уни ёмғирдан ва қуёшдан сақлаш тавсия этилади.
Бир киши сотувчидан сўрабди:
— Сизда бокс қўлқопи борми?
— Йўқ.
— Баскетбол коптоги-чи?
— Йўқ унақа нарса!
— Конькилар борми?
— Бу спиртли ичимликлар дўкони! Сиз сўраган нарсаларнинг бирортаси бўлмайди бу ерда!, - дебди асабийлашган сотувчи.
— Унда бир шиша ароқ беринг!, - дебди-ю, паст овозда пичирлаб, — Хотинимни гапини ерда қолдирмадим. Нима қилай, спорт билан шуғулланишга ҳеч нарса бўлмаса...?
— Дугонажон, одамларга ҳам ҳайронман-да. Кеча бир дўконга кириб купальник сотиб олмоқчи
бўлиб "примерочной"га кирсам, орқа томонидан бир тешик тешиб қўйишибди. Ўша тешикдан қарасам, бир барзанги йигит олма сотиб ўтирибди. Ўша барзангини тешикдан томоша қилиш кимга қизиқ экан, шунга ҳайронман-да?!
Дўкон кассасида турган қизни ёнига бир киши келиб мулойимлик билан:
— Яхши қиз, икки пачка беринг. Йўқ, уч пачка, тўрттасини берақолинг! - дебди.
— Нимани пачкасини? Антибиотик? Сироп? Ёки... Қаериз оғрияпти ўзи?
— Ҳозир кўрсатаман сенга қаерим оғриётганини! - деб шимини чўнтагидан қурол чиқариб:
— Кассадаги ҳамма пулларни бер бу ёққа! Биз ўғрилармиз!!!
Пештокида «Кўнгил сирингизни гул воситасида изҳор этинг!» шиори осилган гуллар дўконига бир йигит кирибди.
— Менга бир дона атиргул беринг, - дебди у сотувчига.
— Атиги биттами?
— Ҳа... Мен жуда камгапман!
Супермаркетда эр қўхликкина сотувчи жувонга дебди:
— Биласизми, рафиқам дўконда йўқолиб қолди. Сиз менга бир-икки дақиқа диққатингизни ажрата олмайсизми?
— Нега? — хайрон бўлибди сотувчи.
— Биласизми, мен чиройли аёл билан гаплаша бошласам бас, хотинимнинг ўзи ернинг тагидан бўлса-да, пайдо бўлади.
Харидор: — Мана бу сут кимники?
Сотувчи аёл: — Меники
Харидор: — Сигирники йўқмиди?