Бир яхши чизадиган рассом деворга пивобарни расмини чизиб, олдида одамлар навбатда турганини чизиб қўйибди. Бир маст келиб, эрталабгача навбат кутиб турибди.
Янги йил куни ёш қиз хомуш ўтириб:
— Қорбободан совғага "Эртаклардагидек, шаҳзода мени қидириб келсин!" деб сўраган эдим. Пиёниста қўшним Тимур ака эшигимни тақиллатиб келишини назарда тутмагандим...
Автобусга маст одам чиқди. Кондуктор йўлкирани сўради.
— Пулим йўқ.
— Ароққа топилибди-ку!
— Дўстим қуйиб берди.
— Йўлга бермадими?
— Берди, мана! - маст шундай деб қўйнидан битта ароқ чиқариб кўрсатди.
— Қанақа одамсиз ўзи? Яна эрталаб соат 5да ичиб келдизми?
— Нима қилибди хотин? Оилам болларим билан бирга нонушта қиламан деб келсам буни нимаси ёмон?
Бир алкаш поезд йўлидан кетаркан, ўзига ўзи:
— Агар шу нарвондан тушвосам, қайтиб ичмайман, - дермиш.
Уч оғайни алкаш ичмоқчи бўлиб, зўрға бир бутилка ароққа пул йиғибди. Энди ичамиз деганда, қарашса - газаги йўқ эмиш.
Шунда биттаси чўнтагини ковлаб-ковлаб, бир кичкина чеснок донасини топибди. "Мана закуска ичиб, ҳидлаб қўямиз", деб ўзи биринчи ичиб ҳидлаб чеснокни иккинчи шеригига берибди. У эса ароқ ичибди-да, чеснокни еб қўйибди.
Шунда учинчи шериги унга қараб:
— Нима сан aҳмoқ, фақат овқат егани келганмисан? - дермиш.
— Мастмисан? Яна ичдингми?
— Ичмадим. Ким сенга айтди?
— Кўзларинг айтиб турибди-ку!
— Ўзинг ғирт мастмисан дейман. Кўз ҳам гапирар эканми?!
— Статистик маълумотларга қараганда кўп сут истеъмол қилса, одам кучли бўлар экан.
— Хўп, 5 литр сутни ичиб, шкафни жилдириб кўрчи?
— Сангамаааас. Энди 1 литр ароқни охиригача ич.
— Ана холос. Шкаф ўзидан-ўзи силжиб кетвоттику...
Физика ўқитувчиси Азизга ер шари қандай айланишини тушунтириб берибди.
Ароқхўр қўшниси Тошпўлат ака эса Азизга ер нима учун айланишини гапириб берибди.
Ярим тунда бир аёлнинг телефони жиринглабди:
— Алло, ким бу?
Гўшакдан маст эркакнинг овози келибди:
— Ҳозир мен телефонда гапиряпманми?
Аёл асабийлашиб:
— Йўқ, телевизорда гапиряпсан!
— Вой, жонли эфирга кийимсиз чиқдимми?!