Онаси ишга кетаётиб:
— Сигирларга қараб ўтиринглар, - дебди болаларига.
Ишдан қайтса, сигирлар оч қолган эмиш.
— Нега сигирга ҳашак бермадинглар? - деса, болалари:
— Унақа деб айтмадингиз. Қараб ўтирдик фақат, - дейишибди.
Агар дунёдаги барча давлатларни аёллар бошқарганда эди,
жанглар бўлмас эди. Шунчаки, давлатлар бир-бири билан гаплашмас эдилар.
Мен бир умр аёлимни ишлаб пул топишига қарши бўлганман.
Шунинг учун ҳам биз камбағалмиз.
Уйлари сув тошқинида ҳаробага айланган аҳолини кўнглини кўтариш учун ҳокимият вакиллари гуруҳ-гуруҳ бўлиб бориб, уларни тез-тез томоша қилиб келишарди.
Рональдо болаларига "Ишга кетяпман" деб, футбол ўйнагани бораркан.
Юртимизда меҳмон бўлиб юртига қайтаётган чет элликдан аэропортда сўрашибди:
—Хўш қалай, Ўзбекистон сизга ёқдими?
У жавоб берибди:
—Ҳа, жуда-ям! Ҳамма урф-одат ва анъаналарингиз ёқди-ю, шу оммавий чироқ ва газларни ўчириб қўйиш удуми ёқмади, - деган экан.
Шогирд устозидан сўради:
—Устоз, ўзимдаги камчиликларни қандай билиб олсам бўлади?
Устоз жавоб берди:
—Хотинингни бирорта камчилигини уни ўзига айтсанг, нафақат сени камчиликларинг, балки бутун уруғ-аймоғингни камчиликларини билиб оласан.
— Имтиҳонлар қалай бўлди ўғлим?
— Яхши ада. Нархлар ошиб кетибди.
Ёмон хотин МИБ ходимига ўхшайди.
Бор нарсангни олиб қўяди. Кайфиятингни бузади. Ўз жонингга қасд қилишгача олиб келади.
Иккита эшак учрашиб қолибди.
— Ишларинг яхшими?
— Яхши. Ўзингники-чи?
— Хўжайиним ўғлини ҳар куни сўкади. Хотинини ва мени аралаштирмасдан сўкса бўлади-ку!