— Менга қара, оғайни, мендан юз минг сўм қарзинг борлиги эсингдами?
— Эсимда. Мана, қара ён дафтаримга катта-катта ҳарфлар билан ёзиб қўйибман.
— Кўрдим.
— Агар шунақа эслатавериб жиғимга тегаверсанг, умуман ўчириб ташлайман.
Одамни ёши ўтган сайин хотираси ёмонлашар экан. Кимни пуллари қаерда сақланишини билса ҳам, унутиб қўяди.
Кейин пулдан қийналиб юради...
Бугун бошлиғимни олдига кириб, маошим икки баравар ошишини истаётганимни айтсам, у менга шундай деди:
— Кўзгуни ёнига пулларингни қўйгин-да санаб чиқ! Аниқ ошади!
Бошлиқ хонасига кирган ишчига раҳбар дебди:
— Сизни аризангизни кўриб чиқдим. Маошингизни ошириб бера олмайман!
Ходим асабийлашиб:
— Оширмасангиз-оширманг! Фақат ўз вақтида ойлик беришни ўрганинг!
Бир эркак ҳар доим хизмат сафаридан қайтишда хотинига қўнғироқ қилиб:
— Азизам, мен бир соатда бораман, - деб қўяркан.
Бир сафар эри қўнғироқ қилмасдан, тўппа-тўғри уйга келаверибди. Эшикни очиб кирса, хотини жазмани билан ўтирган эмиш.
Секин оёқ учида кўчага чиқибди-да, қўнғироқ қилиб:
— Азизам мен етиб келдим, ҳозир уйга кираман, - дебди. Кирса, уйда хотинидан бошқа ҳеч ким йўқ! Шунда ҳалиги эркак чуқур ҳўрсиниб:
— Икки "цент"ни тежайман деб, оилам бузилиб кетай деди-я, - деган экан.
Ер ости ўтиш йўлида: фолбин лўли ва гитара чалувчи мусиқачи туришибди. Одам кам, иккиси ҳам зерикишмоқда.
Лўли:
— Менга қара, йигит, кел фол очиб қўяман!
— Менда сенга берадиган пул ҳам йўқ...
— Мен сен учун текинга фол очаман!
— Унда майли... деб гитарачи қўлини узатибди.
— Қўлингдаги чизиқлар тақдирингдаги икки нарса — яхши ва ёмон ҳолатдан хабар бермоқда. Хўш, қайсинисидан бошлай?
— Яхшисидан!
— Ўлганингдан кейин нариги дунёда барча давр ва замонларнинг энг яхши машшоқларидан иборат энг катта симфоник оркестрида дирижёрлик қиласан.
— Бунақасини ҳаёлимга ҳам келтирмаган эканман... Ёмон янгилингинг қанақа?
— Илк репетиция — эртага белгиланган!
Бир болакай дўконга келиб сотувчига дебди:
— Кеча менга қайтим беришда 5000 мингга адашибсиз!
Жаҳли чиққан сотувчи болакайга ўдағайлаб:
— Кеча шуни айтмайсанми?! Энди кеч бўлди. Қаердан олиб бераман сенга 5000 минг пулингни?! - деса, болакай орқасига ўгирилиб:
— Майли, 5000 мингни сизга қайтариб бермоқчи эдим-да..., - деб кетиб қолибди.
— Оғайни, сен чет элларга тез-тез бориб турасан. Айтчи, Парижга бориб-келиш қанчага тушади?
— Агар хотининг билан борсанг, тахминан бир ярим минг евро кетади. Агар ёлғиз борсанг, беш-олти минг евродан кам пул олма!
Чет эллик йирик тадбиркор ҳомийлик қилмоқчи бўлган корхонага келиб, қизиқарли воқеа айтиб берибди. Залда ўтирганларни ҳаммаси кулиб юборишибди. Шунда бадавлат тадбиркор таржимонга:
— Қандай қилиб аниқ таржима қила олдинг? Ҳамма росса куляпти? - деса, таржимон дермиш:
— Сизларни ҳомийингиз латифа айтяпти, кулишингиз шарт! - дедим холос...
— Айтгинчи дўстим, пулларимни қаерда сақласам бўлади? Банкдами ёки уйдами?
— Эҳ оғайни, мени чўнтакларим хизматингга тайёр!!!