Hayvonot haqida latifalar

— Sigiring qanday qilib kuniga 30 litr sut beradi?
— Bu juda oson. Men ertalab molxonaga kiraman-da, “Bugun sut ichamizmi yoki go‘sht yeymizmi?” - deyman.
Boshqa uyga adashib kirib qolgan sigir nima deyishini bilmay:
“Kechirasizlar, sut olmaysizlarmi?” debdi.
''Buzoqni yugurgani somonxonagacha'' degan maqolni eshitgan buzoq umuman yugurmaydigan bo‘libdi.
Davron yugurishni, ekstremal sport turlarini, adrenalinni, daraxtga chiqish-u, devordan oshib o‘tishni yoqtirmas edi. Biroq yangi ko‘chib kelgan qo‘shnining ikkita bulterer iti Davrondagi yashirin qobiliyatlarni ochib berdi...
Bir odam o‘rmonda adashib qolib qo‘rqanidan “A-u-u, a-u-u” deb qichqirar edi. Shunda bir ayiq odamning yoniga kelib:
— Muncha qichqirasan?! Hamma yoqni boshingga ko‘tarib, - debdi.
Haligi odam:
— Adashib qoldim. Kimdir eshitarmikan deb baqirayotgan edim, - desa, ayiq:
— Men eshitdim, yaxshi bo‘ldimi!? - debdi.
O‘qituvchi fasllar haqida gapirib, so‘rabdi:
— Olma uzishga qaysi vaqt qulay?
Sobirov javob beribdi:
— Bog‘bonning iti bog‘langan vaqt qulay.
Ikki it uchrashib qolishibdi. Biri ikkinchisiga dermish:
— Xo‘jayinimni shu qadar qo‘lga o‘rgatib oldimki, so‘rashish uchun har gal panjamni ko‘tarsam, go‘sht beradigan bo‘ldi.
Hayvonlarga qiziquvchan yigit zoodo‘konga kirib so‘rabdi:
— Sizlarda gapiruvchi hayvon bormi?
— Bor. Bizda qirqoyoq degan jonivor bor. U bemalol gaplashadi, - debdi sotuvchi.
Yigit:
— Iltimos, qirqoyoq bersangiz, - deb sotib olibdi.
Uyiga kelgach, qirqoyoqqa ovqat beribdi. Birozdan so‘ng yigit:
— Yur, ko‘chaga chiqib kelamiz, - desa, qirqoyoq indamasmush. 10 daqiqa o‘tib, yigit yana:
— Yur deyapman ko‘chaga chiqamiz, - dyebdi.
Qirqoyoq bo‘lsa:
— Shoshmay tur, poyafzallarimni kiyib olay! – dermish.
Ona-bola pashshalar devorda o‘tirsa, ona pashsha bolasiga debdi:
— Sen hadeb odamlar gavjum stolga borib ovqatlanaverma! Bir chekkada qoldiqlarni yegin!
Pashsha bolasi:
— Kecha odamlar ko‘p joyda uchib yurgandim, rossa meni orqamdan qarsak chalib, qo‘llarini silkitishdi. Menga yoqdi. Bugun ham bormoqchiman, oyijon... – debdi.
Qaysidir bir chekka qishloqda kuniga 2 ta tuxum qo‘yadigan tovuq bor ekan.
Xo‘roz uni “yengiltak” deb katakdan haydab yuborgan ekan.