Oʻqish-maktab haqida latifalar

Ilmu tolib piru komildan so‘rabdur:
— Aytingchi ustoz, nechun sessiya yiliga ikki marotaba bo‘lur?
Piru komil javob beribdir:
— Agar sessiya yilda uch marotaba bo‘lsa, u talabaga og‘irlik qiladir. Agar sessiya yilda bir marotaba bo‘lsa, bu domullaga og‘irlik qilgan bo‘lardi.
O‘qituvchi:
— Valijon, Vatan bu nima?
Vali:
— Vatan - bu o‘rmonlar, dalalar, bog‘lar....
O‘qituvchi:
— Yo‘q sen adashding! Vatan - bu sening onang. Qani endi, Anvarjon, sen ayt-chi, Vatan nima ekan?
Anvar:
— Vatan Valining onasi ekan.
O‘qituvchi:
— Yo‘q, sen ham adashding! Vatan sening ham onang. Tushundingmi?
Anvar:
— Ha, tushundim.
O‘qituvchi:
— Nimani tushunding?
Anvar:
— Men Vali bilan aka-uka ekanligimni tushundim.
Ona uyga kelsa, o‘g‘lining kundaligi burchakda tik turgan ekan. Hayron bo‘lib so‘rabdi:
— O‘g‘lim, nega kundaliging u yerda turibdi?
O‘g‘li:
— Bugun u “2” baho oldi. Shunga jazolayapman, - dermish.
Boyning o‘g‘li imtihonda:
— Birinchi jahon urushi qachon bo‘lgan?
— 1914-1918 yillarda.
— O‘tiring, besh!
O‘rtahol oilaning farzandi imtihonda:
— Birinchi jahon urushi qachon bo‘lgan?
— 1914-1918 yillarda.
— Nechta odam halok bo‘lgan?
— Bir million uch yuz mingga yaqin.
— O‘tiring, besh!
Kambag‘al oilaning farzandi imtihonda:
— Birinchi jahon urushi qachon bo‘lgan?
— 1914-1918 yillarda.
— Nechta odam halok bo‘lgan?
— Bir million uch yuz mingga yaqin.
— O‘lganlarning familiyasini sana!
O‘qituvchi o‘quvchilarga:
— Kim 2 yoki 3 baho olsa, to‘g‘ri do‘zaxga tushadi. Kim 4 yoki 5 baho olsa, jannatga...
— Vali o‘rnidan turib:
— Ustoz maktabni tirik tugatishga umid bormi?
Geografiya darsida:
— Boltavoy, qani bizga Panama kanali haqida gapirib ber-chi!
— Ustoz , televizorimiz Milliy, Sevimli, My5 kanallarini ko‘rsatadi, lekin bunaqa kanalni ko‘rsatmaydi.
— Esingdami? Sen bilan maktab paytlarida tanishgan edik. Men seni har kuni belingdan quchib, bo‘sa olardim. Sen esa qizarib ketar eding. Sensiz bir zum ham yurmasdim, doim yonimda bo‘larding.
Bir kuni bizni labaratoriya xonasida birga ko‘rib qolishdi. Men seni 2-qavatdan tashlab yuborishga majbur bo‘ldim.
Meni kechir aziz SIGARETIM...
Firma rahbari sekretariga:
— Bir haftaga komandirovkaga boramiz, uyingizga xabar bering, - debdi.
Sekretar eriga telefon kilib:
— Men bir haftaga komandirovkaga ketayapman, - debdi.
Er paytdan foydalanib o‘ynashiga telefon qilib:
— Bir hafta menikida turasan, xotinim yo‘q, - debdi.
O‘ynashi repititor ekan, o‘quvchisiga telefon qilib:
— Bir hafta o‘qitolmayman, bir oz dam olgin, - debdi.
O‘quvchi bobosiga telefon qilibdi:
— Bobojon meni bir hafta darsim yo‘q ekan, meni shahar aylantiring.
O‘quvchining bobosi haligi firma rahbari ekan, yo‘q deya olmabdida sekretariga:
— Komandirovka qoldirildi, - debdi.
Sekretar eriga telefon qilib:
— Komandirovka qoldirildi, - debdi.
Er o‘qituvchi o‘ynashiga telefon qilib:
— Endi iloji yo‘q, xotinim komandirovkaga bormaydigan bo‘ldi.
O‘qituvchi o‘quvchiga telefon qilib:
— Dars o‘tadigan bo‘ldik, - debdi.
O‘quvchi, bobosi firma rahbariga telefon qilib:
— Bobo shahar aylanish qoldirildi, boshqa safarga.
Firma rahbari sekretarga:
— Tayyorlaning komandirovkaga boramiz...
3456 - yil. O‘zbekiston tarixi fani. O‘qituvchi qizil tayoqni ko‘rsatib, so‘radi:
— Bolalar, bilasizlarmi bu nima?
O‘quvchilar javob berdi:
— Ha bilamiz. Bu tayoq bilan GAI qabilasi ov qilgan va oilasini boqqan.
O‘qituvchi so‘rayapti:
— Ho‘sh Asad, do‘sting sendan 5000 so‘m pul olib, 4000 so‘mini sarfladi. Senga necha pul qaytaradi?
— Bir so‘m ham qaytarmaydi, ustoz!
— O‘tir joyingga, bahoing "ikki"! Matematikani umuman bilmaysan!
— Yo‘q ustoz, siz meni do‘stlarimni mutlaqo bilmas ekansiz...