Millioner qariya betob bo‘lib qolsa, hamma qarindoshlari yig‘ilib olibdi.
— Ayting doktor, umid qilsak bo‘ladimi? - deyishsa, doktor:
— Umid qilmanglar! Bu oddiy shamollash, o‘tib ketadi, - dermish.
Qarilikning belgilari:
1. Oq sochlar
2. Yuzdagi ajinlar
3. Korpusi singan uyali telefoningizdagi pulni rezinkasi yoki allaqachon ekrani singan sensor telefoningiz.
Qaynonaning xasrati:
Uyga Wi-Fi o‘rnatganimizdan buyon kelinim ovqatlarni tayyorlashni internetdan bemalol ko‘rib olyapti.Faqat endi pishirishga vaqti bo‘lmayapti. Qo‘shni ayollar "Wi-Fi ni o‘chirib qo‘ying" deyishyapti. Tushunolmadim...?!
Nafaqaga chiqayotganingda, bir umr pul to‘lanadigan ta’tilni orzu qilganingni esla!
Noutbukimni unutib, gilam ustida qoldiribman.
Qaynonam uni tarozi deb o‘ylab ustiga chiqib olsa bo‘ladimi!?
Qariya yosh yigitga debdi:
— Aqling bo‘lsa, chiroyli qizga uylanma!
— Nimaga? – so‘rabdi yigit.
— Chiroylisi tashlab ketadi.
— Xunuk qizlar ham tashlab ketsa-chi?
— E xunugi daf bo‘lib ketmaydimi!?
Bozorda qari onaxon baliq sotuvchisini yoniga kelgan:
— Bolam, balig‘ing yangimi? - deb so‘rasa, sotuvchi:
— Yozib qo‘yibdi-ku, tirik baliq deb onaxon, - debdi.
Onaxon unga:
— Men ham tirikman bolam, lekin yangi emasman, - debdi.
Qari otaxon bankdagi omonat pullarini hammasini olib ketibdi-da, yarim soatdan keyin kelib yana bankka qo‘ymoqchiligini aytibdi.
— Axir pullaringizni hozirgina olib ketdingiz-ku?! - debdi bank xodimi.
Otaxon unga:
— Hamma pullarim joyida turganmikan deb sanab ko‘rdim-da bolam, - dermish.
Buvimni telegram haqidagi fikrlari:
"Yaxshi narsa ekan. Qarindosh-urug‘ing bilan gaplashasan, ko‘rishasan-u, dasturxon, tog‘ora deganlarini qilish shart emas ekan".