Salomatlik haqida latifalar

Kasalxonada yo‘lagida bir odam qattiq hayajonda, u yoqdan-bu yoqqa yuribdi. Xotinini operatsiya qilgan vrach chiqib, g‘amgin holatda gap boshlabdi:
— Xotiningizni hayotini saqlab qoldik. Lekin u komada. Yaxshi parvarish qilsangiz, yana o‘n yil yashashi mumkin.
Vrach eriga qarasa, kayfiyati butunlay tushib ketibdi. Yig‘lab yuborishiga bir bahya qolganini ko‘rib:
— Hazillashdim. Xotiningizni saqlab qola olmadik, - debdi vrach.
Bir kishi shoshilib kirib xotinini chaqirdi-da, ko‘ylagini ko‘tarib “Belimga tupur”, deb buyurdi. Xotin uning bu amridan ajablandi.
— Bo‘laqol, belim og‘rib, jonimni olyapti. Do‘xtirga borgan edim, ilonning zahrini surting dedi. Dorixonada bunaqasi yo‘q ekan. O‘zing tupurib qo‘ya qol, tilingga tegib chiqqan tupuging o‘nta ilonning zahriga tatiydi.

Ukoldan emas, doktor kassaga yozib beradigan qog‘ozdan qo‘rqsangiz, demak, ulg‘ayibsiz!

— Bu yerda Wi-Fi ni paroli qanaqa?
— Bemor, axir siz reanimatsiyadasiz!
— Voy, namuncha uzun parol!? Mayli, katta harflar bilan yozamanmi?
— Nimaga siz tabassum qilganingizda bir ko‘zingiz kulib tursa ham bir ikkinchisi g‘amgin bo‘ladi?
— Ikkinchi ko‘zim sun’iy-da!
Kecha sotib olgan dorining yo‘riqnomasini o‘qidim:
“Salbiy ta’sirlari: ko‘ngil aytishi, qayd qilish, bosh aylanishi, ... ketishi, uyqusizlik, asabiylashish, kuchli bosh og‘rig‘i, gastrit, hushdan ketish, ...
O‘ylanib qoldim. Balki shu zormandani ichmasam ham shamollashim o‘tib ketar-a!?”
Bemor va vrach:
— Kuniga uch mahal ichsangiz tuzalib ketasiz. Tushunarlimi?
— Dorini nomini aytmadingizku doktor!?
— Dorini nima aloqasi bor?
Vrach xonasiga kirib kelgan bemordan so‘radi:
— Sizni nima bezovta qilyapti?
— Doktor, meni pulim yo‘q ekani bezovta qilyapti, - debdi bemor.
— Qanday qilib yo‘q narsa sizni bezovta qilishi mumkin? - degan ekan vrach.
— A-xa, qo‘lga tushdingmi?! – dedi Nasriddin do‘stlaridan biriga. — Pivo ichyapsan! Doktor senga ichishni ta’qiqlagan edi-ku! Demak, sen byulletenni bir necha kunga cho‘zmoqchisan!
— Ta’qiqlagani to‘g‘ri. Lekin o‘sha doktor yaqinda qazo qildi. Xo‘sh, u o‘lgandan keyin ham buyrug‘iga bo‘sunishim kerakmi?! – debdi do‘sti.
Bemorni sinchiklab tekshirgan vrach bemorni o‘ziga eshittirmaydigan sekingina xotini tomonga o‘girilib:
— Bilasizmi, eringiz menga yoqmayapti, - desa, xotini ham past tovushda vrachga:
— Shuni ayting! Menga ham yoqmaydi. Lekin bolalarim uni yaxshi ko‘radi-da! – debdi.