Telefon haqida latifalar

Bir kuni, bir yigit, yangi iPhone 7plus olib, shimining orqa cho‘ntagiga solib, taksiga chiqsa, "tirs" etgan ovoz eshitilibdi.
Yigit haydovchiga qarab:
— Ishqilib belim singan bo‘lsinda — dermish.
Xotin eriga:
— Dadasi, bugun tushimda menga Galaxy olib beribsiz.
— Xotinjon, senga necha marta aytaman, yomon tush suvga aytiladi, boshqa hech kimga aytilmaydi deb!
Uzoq yo‘lga qatnaydigan avtobusda yigit bilan qiz yonma-yon o‘tribdi. Yo‘l bo‘yi yigit oynadan tashqariga qarab xayol surib ketaveribdi. Uning indamasligidan siqilib ketgan qiz telefoniga o‘zining raqamini terib yigitni turtibdi.
Yigit qarasa qiz narigi tomonga qarab turgan ekan. Qo‘lidagi telefonda esa raqamlar yozilganmish. Buni ko‘rgan yigit telefonidan hisobni tekshirish raqamini teribdi. So‘ng telefonini qizga qaratib o‘zi yuzini nari buribdi. Qiz uning telefonida: –(minus) 2.66$ degan yozuvni o‘qib:
— Ey, xudo nima bo‘lsa ham tekin gudok tashlab o‘ynamasinda, – dermish.
Yarim tunda bir kishining telefoni jiringlab, go‘shakdan:
— Allo, bu hayvonlarni himoya kilish jamiyatimi?, - degan ovoz kelibdi.
Boyagi kishi g‘azabdan:
— Gapir eshak. Kim seni yarim kechasi xafa qildi?, - degan ekan.
Bir ayolga SMS xabar kelibdi. Ochib o‘qisa: "Men siz yashaydigan uyni ro‘parasida yashayman. Tanishsak bo‘ladimi?"
Ayol javob yozibdi: "Meni uyim qabristonni ro‘parasida. Sizdaka tanishlar menga umuman kerak emas!"
Meni yangi Xitoy telefonim soatdek aniq ishlaydi.
Lekin telefondek ishlamaydi!
Hozir kimdir o‘z sevgan qizini qo‘lini ushlab turibdi. Sen bo‘lsa telefonni ushlab o‘tiribsan...
Tog‘da cho‘pon qo‘ylarini haydab ketayotsa, qo‘l telefoni jiringlab qolibdi.
Telefon ovozini eshitgan qo‘ylar taqqa to‘xtab, cho‘pon tomonga qarashibdi. Cho‘pon esa, kim bilandir gaplashib bo‘lgach, telefonni cho‘ntagiga solib, qo‘ylariga:
— Xavotirlanmanglar, meni so‘rashibdi! - degan ekan.
— Allo, adasi, qayerdasiz?
— Bekatda, avtobus kutyapman...
— Tezroq keling!
— Xo‘p, sal tezrok kutaman!
Hozirgi qizlarning sevgisidan, mening telefonim batareykasi ko‘pga yetadi.