— Алло, мен эълон бўйича қўнғироқ қиляпман. Ишга олишингиз учун нима талаб этилади?
— Олий маълумотдан ташқари, ўрта мактаб ўқувчисининг билими ва мактабгача бўлган боланинг тарбиясига эга бўлишингиз керак.
Катта йўлдан такси машинаси кетаётса, ЙПҲ назоратчиси қўлини кўтариб, ишора қилиб машинани тўхтатибди. Такси ҳайдовчиси тўхтаб, ойнадан қараб:
— Қаерга экан? – деса, назоратчи:
— Ҳеч қаерга! – дебди.
Шунда таксичи:
— Унда нега овора қилиб таксини тўхтатяпсиз!? – деб юриб кетварган экан.
Бир маст киши милицияга телефон қилиб:
— Манави ерда 300 та одам ўлиб ётибди, - дебди.
Милиция:
— Тез манзилни айтинг! – деса, маст киши:
— Шаҳар қабристонида, - дермиш.
— Дўстим, мен 4G ни айрим ташкилотларнинг раҳбарларига ўхшатаман.
— Нега?
— Савлати бор-у, қиладиган иши йўқ!
Чойхонада йигитлар зиёфат қилиб ўтиришса, бир отахон нариги супада йигитларга ҳавас билан қараб ўтирган экан.
— Отахон, биз ҳам сизга ўхшаб юрайлик, бир дуо қилинг, - дебди йигитлар.
Отахон:
— Омин, мени ёшимга киринглар, аммо мен қилган ишни қилманглар! – дебди.
Йигитлар:
— Нега унақа деяпсиз? – деса, отахон:
— Чунки ҳаётимда 25 йил қамоқ ҳам бор-да, - деган экан.
Эр-хотин дам олгани далаҳовлига кетаётишса, хотини уйдаги ҳамма пулларни сумкага солаётганмиш. Буни кўрган эри:
— Бор-йўғи 2 кунга кетяпмиз. Нима қиласан шунча пулни? – деб сўрабди ҳайрон бўлиб.
Хотини дебди:
— Тўғри, далаҳовлига биз кетяпмиз. Лекин ўғлимиз 2 кун уйда қолади-ку...!
Товуқ беданага мақтаниб:
— Мени тухумим 500 сўм, сеники 300 сўм. Мени тухумим сеникидан каттароқ...
Сен ҳам менга ўхшаб 500 сўмлик туғсанг бўлмайдими? – деса, бедана дебди:
— Энди..., 200 сўм учун жонимни оғритиб нима қиламан?!
— Топишмоқ айтсам топасанми?
— Айт-чи...
— Бир хонада тўрттаси, ишлар фақат биттаси.
— Билмадим...!?
— Ишхонада 3 та ходим ва 1 та кондиционер.
Бир одам дўстидан қарзга пул сўрабди.
Дўсти унга:
— Пулни нима қиласан? – деса, ҳалиги одам:
— Даволанаман. Тилим синиб қолди. Тилимни гипс қилдиришим керак, - дермиш.
Талаба бу - ...
— Ўзи макарон, горох шўрва ичса ҳам, севган қизини қиммат кафеларга олиб борадиган жентельмен!
— Ҳеч бир фандан дафтар тутмасдан, 150 минг сўмлик портфель кўтариб юрадиган, ичида йўл кира учун 1400 сўм солиб қўядиган 120 минг сўмлик клачь сотиб оладиган олифта!
— 6 ой умуман дарс қилмасдан, бир кеча-кундузда 6 ойлик маърузани кўчириб чиқа оладиган профессор!
— Ҳисобидан бир цент бўлмаса ҳам, энг сўнгги русумдаги Iphone ишлатадиган бойвачча!
— Дарс қилиб ўтириб ҳам қулоқчинларда ашула эшитадиган, ҳам маърузани кўчирадиган, ҳам интернетда ўтириб ёзиша оладиган Юлий Цезарь!
— Атиги 400 минг сўм стипендия олиб, 10 миллион сўм контракт тўлайдиган саҳий одам!
