Онаси:
— Нега кундалигингда фақат 2 ва 3 баҳолар турибди. 5 оласанми ўзи ё йўқми?!
Бола:
— Ахир 2 га 3 ни қўшсак 5 ку ойижон!

Бойиб кетиш ниятида тадбиркор бўлишни режа қилдим. Бизнес режа ҳам ишлаб чиқдим. Кейин билсам, солиқ кодексида мен учун режалар аллақачон ёзиб қўйилган экан.

Синф раҳбари ўқувчиларга:
— Эртага синф хонасини таъмирлашга 50 минг сўмдан олиб келинглар, - деса, ўқувчилар:
— Устоз, нега бунча қиммат? – дейишибди.
Шунда устози:
— 30 минг сўмни менга берасизлар, қолгани ўзингизга. Ота-онангизга 50 мингдан йиғдим деб айтаман, - дебди.
Ўқувчилар бир овоздан:
— Келишдик, устоз! – дейишибди.

Мен Гагарин ва Ньютоннинг кимлигини энди билдим. Биринчиси Ердан “сурмоқчи” бўлган. Иккинчиси эса бу ишдан бирор фойда йўқлигини исботлаб берган.

Фил йўлда кетаётса, йўлидан чумоли чиқиб қолибди.
— Қаердан келяпсан чумоли? – дебди.
— Тоғдан, - дебди чумоли.
— Тоғда ўт-ўланлар қанақа экан? – сўрабди фил ундан.
— Тизза бўйи, - дебди чумоли.

— Бугун мени портфелингизни қаҳвахонада қолдириб келибсиз деб мазҳара қилмайдиган бўлдинг! – мақтанди эр.
— Қизиқмисиз!? – ҳайратланди хотини. — Ахир эрталаб ишга портфелсиз кетгандингиз-ку!

Беморни синчиклаб текширган врач беморни ўзига эшиттирмайдиган секингина хотини томонга ўгирилиб:
— Биласизми, эрингиз менга ёқмаяпти, - деса, хотини ҳам паст товушда врачга:
— Шуни айтинг! Менга ҳам ёқмайди. Лекин болаларим уни яхши кўради-да! – дебди.

— Дўстим, мен фарзандли бўлдим.
— Ие, зўр-ку! Табриклайман! Хотининг хурсандми?
— Хотинимга ҳали айтганим йўқ. Билса, ўлдиради мени.

— Салом дўстим! Эшитишимча урушда сен ярадор бўлган экансан?
— Ҳа, чап кўкрагимга ўқ теккан.
— Унда қандай қилиб тирик қолгансан, юрагингга тегмаганми ўқ?
— Йўқ! Ўқ теккан пайтда юрагим товонимга тушиб кетганди.

Бир тимсоҳни узунлиги бошидан думигача 10 метр, думидан бошигача эса 7 метр чиқармиш.
Ҳафта кунлари ҳам шундай. Душанбадан жумагача 5 кун, жумадан душанбагача 3 кун.