— Бюджет пулларини ўғирлайсизми?
— Ҳа, нима эди?
— Билиб қолишса-чи?
— Мана сиз билдингиз-ку, хўш?!

Апрелдан буён туппа-тузук тақиб юрган бир мартталик маскамни иплари узилиб кетса бўладими...!

Бир кун рақамлар баҳслашиб қолишибди.
— Мен азалдан бахтсизлик олиб келганман. Мендан ҳамма қўрқади, - дебди 13 рақами.
— Мен келган йилимда вабо тарқалган. Мен омадсиз йил бўлганман, - дебди 1872 рақами.
— Мен эса чечак касаллиги билан келиб, кўпчиликни ёстиғини қуритганман, - дебди 1901 рақами.
Бир пайт ўртага 2020 рақами чиқибди. Ҳамма жим бўлиб қолибди.
— Қайси бирини айтай?! - дебди у.
Бир йигит музқаймоқ еб ўтирса, чиройли қиз ўтиб қолибди:
— Яхши қиз, чиройли экансиз! Танишсак бўладими? - деса, қиз:
— Мен қўлингиздаги музқаймоқ эмасман, яхши гапларга эриб кетадиган, - деб ўтиб кетибди.
Кобра илон ўзини боласига дебди:
— Бизни заҳаримиз жудаям кучли. У истаган мавжудодни ўлдиради.
Боласи дебди:
— Ойи, унда мен ўлдим! Ҳозиргина тилимни тишлаб олдим.
Овчилар бир-бирига ўлжасини мақтана бошлашибди:
— Катта айиқ овладим, - дебди ёш овчи.
— Қандай овладинг? - сўрабди овчилар ундан.
— Биринчи ўқни отдим, тегмади. Иккинчи ўқни отдим, яна тегмади. Учинчи ўқни ҳам отдим. У ҳам тегмади, - дебди.
— Унда қандай қилиб айиқни ўлдирдинг? - дейишса, ёш овчи:
— Айиқ кулавериб ўзи ўлиб қолди, - дермиш.
Карантин даврида тиббий ниқоблардан фойдаланилаётганлиги учун аёллар лаб бўёқларини ишлаб чиқариш кескин қисқартирилди.
Арманистонга яҳудий оиласи кўчиб келибди.
— Хотин, қўшнилардан 2 дона тухум олиб тур, - дебди яҳудий.
Яҳудий хотин қўшнига чиқиб 2 та тухум сўраса, қўшниси тухумларни тарозида тортиб бераётганмиш.
— Нега тухумларни тарозида ўлчаяпсиз? - деса, қўшниси:
— Қайтариб бераётганингизда ҳам ўлчам оламан-да, - дебди.
Яҳудий хотин уйига чиқиб эрига:
— Кетдик бу ердан! Тухумларни тарозида ўлчаб берадиган жойда бизга нон йўқ, - дебди.
Бир киши 5 сонини эсидан чиқариб қўйибди.
Дўконга кириб:
— Менга 6 та нон беринг. Биттаси керакмас! - дебди.
Футбол ишқибози ўғлини эркалатиб дебди:
— Мени ёлғизим, ширин болам, келажагим мени! Сен мени ҳаёт ўйинимда урган голимсан!
Шунда хотини эрига қараб дебди:
— Менчи дадаси?
— Сен ҳам урган голимсан. Фақат автоголсан-де, - дермиш эри.