18 yoshga to‘lgan o‘g‘li bilan otasi gaplashib o‘tirib debdi:
— Eh o‘g‘lim, bizni davrimizda ham telegram, feysbuk, instagramlaring bo‘lgan.
— Qanaqasiga?
— Yo‘laklarga ismimizni yozib ketardik, ertasi kuni yonida izohlar qoldirib ketishardi...
Bir kuni afandi militsiyaga qo‘ng‘iroq qilib:
— 715 raqamli oq rangli Neksiyani topib beringlar, - debdi.
Militsiya:
— Mashinangizni o‘g‘rilar ketishdimi? - desa, afandi:
— Yo‘q. Shu mashinani orqasiga eshagimni bog‘lab qo‘ygan edim. Mashinani haydab ketib qolishibdi, - dermish.
Arab shayxi yurtidan chiqib ketayotib, bojxona ko‘rigidan o‘tmoqda.
Bojxona xodimi:
— O‘zingiz bilan qimmatbaho narsalarni olganmisiz?
Arab shayxi:
— Ha. 145 kg oltinim bor. Olib ketsam bo‘ladimi?
Bojxona xodimi:
— Yo‘q, mumkin emas!
Arab shayxi yonida turgan xotiniga qarab:
— Eshitdingmi? Sen qoladigan bo‘lding.
Uch toshbaqa toqqa dam olgani chiqishibdi. Tog‘ni uchiga chiqqunlaricha 20 kun o‘tibdi. Endi o‘tirib gulhan yoqamiz deyishsa, gugurt pastda qolib ketgan ekan. Toshbaqalardan biri debdi:
— Men pastga tushib gugurt olib chiqaman.
Oradan 3 kun, 5 kun, 1 hafta o‘tibdi. Ikkita toshbaqa bir-biriga qarab:
— Endi qachon keladi? Juda sekin yuradi-da! – deb turishsa, sal nariroqdan sherigining ovozi kelibdi:
— Agar meni yomonlayversanglar bormayman! O‘zlaring tushib gugurt olib kelaverasanlar!
Nabira buvasiga:
— Bobo, 1990-yillar yaxshimidi yoki hozirmi? – debdi.
Buvasi:
— Eh bolam, o‘sha paytlar yaxshi edi-da albatta. Buving yosh va chiroyli edi, - dermish.
Suv ostida uzoq vaqt turib bo‘yicha xalqaro musobaqa o‘tkazilibdi.
Amerikalik sportchi suv ostida 5 daqiqa turibdi. “Muvafaqqiyatimning siri doimiy mashg‘ulotlarda!” deb maqtanibdi.
2-bo‘lib yaponiyalik sportchi suv ostiga kirib ketib, 10 daqiqada chiqibdi. “Bunchalik uzoq suv ostida qolishimning sababi aqlim va qobiliyatimda!” deb intervyu beribdi.
3-navbat o‘zbek sportchisiga berilibdi. O‘zbek sportchi suvga kalla tashlagan ekan hamma sanay boshlabdi. 5 daqiqa, 10 daqiqa, 15 daqiqa, ... 30 daqiqa deganda chiqib kelibdi. Jurnalistlar yugurib kelib so‘rashibdi:
— Qanday qilib...? Qanaqasiga...? Bunchalik uzoq tura olasiz deb hech kim o‘ylamagan edi... – deyishsa, o‘zbekistonlik sportchi:
— O‘zim ham o‘ylamagandim. Suv tagida kiyimim bir nimaga ilinib qolmaganda allaqachon chiqardim, - degan ekan.
— O‘qituvchi xalqi juda-yam sodda, nima desang o‘shanga ko‘naveradi. Ishonmasang sinab ko‘ramiz, - deyishibdi.
Bir kuni hamma o‘qituvchilarni yig‘ib:
— Bugun soat 14:00da sizlarni dorga osamiz. Kelish majburiy! - deyishibdi.
Aytilgan vaqtga yetib kelgan o‘qituvchilar birortasi ham indamasmish.
— Ana ko‘rdingmi, bularga baribir. Bittasi ham qarshi chiqmaydi. Nima desang ham ko‘naveradi. Chopiqqa ham, qurilishga ham, dalaga ham, ko‘cha tozalashga ham yo‘q demay ketaveradi. Qara hech biri indamayapti, -deb turishsa, bitta o‘qituvchi asta qo‘l ko‘taribdi.
— Hayriyat! Ana bor ekan-ku, o‘z huquqini biladigani. Qani, marhamat gapiring! - deyishsa, qo‘l ko‘targan o‘qituvchi:
— Bir nimani so‘rasam bo‘ladimi? – debdi.
— So‘rang, eshitaman.
— Osish uchun ipni o‘zlaring berasizlarmi yoki o‘zimiz bilan olib kelaylikmi? - dermish.
Milliarder Roman Abramovich jangari va detektiv filmlarni tomosha qilishni yoqtirmaydi. Chunki u arzimagan 10 million dollar uchun bir-birini o‘ldirishga tayyor bo‘lgan odamlarni umuman tushunmaydi.
— Bitta odam 109 yil umuman doktorga bormabdi.
— Ho‘sh, keyin-chi?
— O‘sha odam 110 ga kirib o‘libdi... Ahmoq, shunaqa-yam qiladimi!?
Bir kishi barga kirib 10 ta stakanga aroq quydiribdi. Stakanlarni 2-sidan boshlab 9-stakangacha ichib “Qancha bo‘ladi?” deb pulini to‘labdi.
Barmen bo‘lsa:
— Aka nega bunday qildingiz? – desa, kishi:
— Bu aroqni birinchisini ketishi qiyinda savil! Shuning uchun birinchini ichmadim, - debdi.
— O‘ninchi nega qoldi? – debdi barmen.
— Oxirgisi ortiqchada! – dermish kishi.
Latifa.uz loyihasi haqida
Latifa.uz - har kuni yangi va sara ichakuzdi latifalar, hangomalarni taqdim qilamiz. Turli mavzularda eng zo'r latifalar: er-xotin, sevishganlar, do'stlar, ishxona, bozor, haydovchilar, o'qituvchilar, shifokorlar, 8 mart, yangi yil, futbol, afandi va yana ko'plab mavzularda latifalar birinchi bo'lib bizning saytimizda chiqadi. Vaqtingiz maroqli o'tadi, do'stlar davrasi, choyxona va gaplarda bizning latifalarni aytib davrani bemalol qizdira olasiz. Dolzarb mavzularda kulguli rasmlar, yumorga boy dialoglar ham sizni mutlaqo befarq qoldirmaydi.
Ijtimoiy tarmoqlarda tarqalgan latifalarning aksariyati aynan Latifa.uz saytining kanal va sahifalaridan olinadi. Telegram, Instagram, Facebook, Twitter'da bizning latifalar orqali odamlar bir-biriga hush kayfiyat ulashadilar. Shu bilan birga saytimiz odamlarni kayfiyatini ko'targan holda yoshlarning savodxonlik darajasini oshirish, sifatli matnlar bilan ularni ko'proq mutoalaa qilishga qiziqtirish. Biz internetda seks, porno, zo'ravonlik hamda 18+ matnlarni tarqalishiga mutlaq qarshimiz. Beldan pastga tushmagan samimiy yumor bilan odamlarning hordig'ini mazmunli o'tishiga hissa qo'shish uchun astoydil harakatdamiz, yoshlar orasida erotika va pornografiya tarqalishini oldini olishni to'liq qo'llab quvvatlaymiz.
Agarda biron-bir latifa bo'yicha e'tirozlar bo'lsa, bizga habar bersangiz saytdan o'chirib tashlaymiz.