— Eshitdingmi? Endi korrupsiyaga qarshi kurash emas, jang olib borilarkan...
— Ha! Jangda qurbonlarning mulklari jangchilarga qolib ketishini ham bilasanmi?!
#Qisqa
0
Ikki sinfdosh suhbatlashmoqda:
— Nega seni otang tushlikka bunchalik ko‘p pul beradi?
— Aslida adam buncha pul bermas edilar. Ular mendan maktab oshxonamizni telefon raqamini so‘ragandilar, men ataylab ko‘chaning narigi tarafidagi restoranning raqamini berdim. Adam restornga qo‘ng‘iroq qilib, tushlik necha pul turishini so‘rabdilar. O‘sha kundan beri menga shunaqa ko‘p pul beradigan bo‘lganlar.
#Bolalar
0
Advokatga murojat qilgan ayol:
— Ayting-chi, agar erim bilan ajrashsam, qonun bo‘yicha menga boylikning yarmi qoladimi?
— Ha. Teng yarmi! O‘zi nima uchun ajrashmoqchi bo‘lyapsiz? – debdi advokat.
— Yo‘q... Men hali-yam badavlat erkakni qidirib yuribman, - degan ekan ayol.
#Ayollar #Uddaburonlar
0
Erining yomon odatlaridan to‘yib ketgan xotin debdi:
“Sizni birinchi ko‘rishimdayoq, butun umrimni sizsiz o‘tkazishni istayotganimni his qilgandim”.
#Er-xotin #Ayollar #Haqiqat-adolat #Oila
0
Kecha tunda bir notanish telefon qildi va qabristonda uchrashuv belgiladi. G‘alati odam ekan. Kelmadi...
#Qisqa #Boshqalar
0

Hukumat vakillari «Chernobil» AES dan bo‘shab qolgan yerlarga nima ekish mumkinligi haqida muhokama qilmoqda:
— Daraxt ekib bo‘lmaydi. Yer zaharlangan. Mevali ko‘chatlarni gapirmasa ham bo‘ladi...
— Men bilaman! Bu yerlarda tamaki yetishtirish kerak. Tamakini yig‘ib olib, undan sigaret tayyorlanadi va sigaret qutisini ustiga shunday yozuv yozib qo‘yiladi:
“Sog‘liqni saqlash vazirligi oxirgi marta ogohlantiradi! Chekish sog‘liq uchun xavfli!”

#Qora-yumor #Salomatlik
0
Bir yigit yo‘lda ketayotib chiroyli qizga qarabdi.
Yonidagi o‘rtog‘i unga:
— Qarama! Bu qizga kecha men qaragan edim, - dermish.
#Ayollar #Sevishganlar
0
Soliq idorasida:
— Nima uchun yillik daromadingizni berkitdingiz?
— Bo‘lmagan gap! Nima qilay, “daromad” katakchasiga barcha raqamlar sig‘mas ekan.
#Uddaburonlar #Soliq
0
Bir odam o‘rmonda adashib qolib qo‘rqanidan “A-u-u, a-u-u” deb qichqirar edi. Shunda bir ayiq odamning yoniga kelib:
— Muncha qichqirasan?! Hamma yoqni boshingga ko‘tarib, - debdi.
Haligi odam:
— Adashib qoldim. Kimdir eshitarmikan deb baqirayotgan edim, - desa, ayiq:
— Men eshitdim, yaxshi bo‘ldimi!? - debdi.
#Hayvonot #Boshqalar
0
Bir xonadon qiziga ikkita yigitdan baravar sovchi kelibdi.
Yigitlardan birining onasi debdi:
— Qizingizni meni o‘g‘limga bering.
Ikkinchi yigitni onasi debdi:
— Yo‘q, qizingizni meni o‘g‘limga bering.
Ikki yigitning onasi uzoq tortishibdi. Bundan charchab ketgan qizning otasi har ikkala qaynonaga debdi:
— Hozir qizimni olib chiqib ikkiga bo‘lib tashlaymanda, bir qismini sizga, ikkinchisini esa sizga beraman!
Birinchi qaynona rozi bo‘lib:
— To‘g‘ri! Shunday qilish kerak! – debdi.
Ikkinchi qaynona:
— Bu nima deganingiz?! Unday qilmang, axir qizda gunoh yo‘q, - debdi.
Shunda qizning otasi:
— Bo‘ldi qizimni birinchi yigitga beraman, - desa, ikkinchi yigitning onasi:
— Nega axir? U hozirgina sizni qizingizni ikkiga bo‘lishga rozi edi-ku!? – desa, qizning otasi:
— Ana!!! Shu ayol qizimni haqiqiy qaynonasi ekan! Chunki qaynonalar har doim kelinini burdalab tashlashga tayyor turishadi, - dermish.
#Ayollar
0

Latifa.uz loyihasi haqida

Latifa.uz - har kuni yangi va sara ichakuzdi latifalar, hangomalarni taqdim qilamiz. Turli mavzularda eng zo'r latifalar: er-xotin, sevishganlar, do'stlar, ishxona, bozor, haydovchilar, o'qituvchilar, shifokorlar, 8 mart, yangi yil, futbol, afandi va yana ko'plab mavzularda latifalar birinchi bo'lib bizning saytimizda chiqadi. Vaqtingiz maroqli o'tadi, do'stlar davrasi, choyxona va gaplarda bizning latifalarni aytib davrani bemalol qizdira olasiz. Dolzarb mavzularda kulguli rasmlar, yumorga boy dialoglar ham sizni mutlaqo befarq qoldirmaydi.

Ijtimoiy tarmoqlarda tarqalgan latifalarning aksariyati aynan Latifa.uz saytining kanal va sahifalaridan olinadi. Telegram, Instagram, Facebook, Twitter'da bizning latifalar orqali odamlar bir-biriga hush kayfiyat ulashadilar. Shu bilan birga saytimiz odamlarni kayfiyatini ko'targan holda yoshlarning savodxonlik darajasini oshirish, sifatli matnlar bilan ularni ko'proq mutoalaa qilishga qiziqtirish. Biz internetda seks, porno, zo'ravonlik hamda 18+ matnlarni tarqalishiga mutlaq qarshimiz. Beldan pastga tushmagan samimiy yumor bilan odamlarning hordig'ini mazmunli o'tishiga hissa qo'shish uchun astoydil harakatdamiz, yoshlar orasida erotika va pornografiya tarqalishini oldini olishni to'liq qo'llab quvvatlaymiz.

Agarda biron-bir latifa bo'yicha e'tirozlar bo'lsa, bizga habar bersangiz saytdan o'chirib tashlaymiz.

Boshqa loyihalarimiz

TVinfo.uz — Телепрограмма на сегодня, завтра и ближайшую неделю.
tvinfo.uz
DostavkaInfo — Каталог сервисов, предлагающих доставку еды, лекарств, книг и товаров для дома.
dostavkainfo.uz
Imlo.uz — Орфографический словарь узбекского языка позволяющий проверить правописание узбекских слов на латинице и кириллице. В базе более 87 000 слов.
imlo.uz
Lotin.uz — поможет транслитерировать с узбекской кириллицы на латиницу и обратно. Легко!
lotin.uz
Самая большая коллекция пословиц и поговорок на трёх языках (узбекский, русский, английский).
maqollar.uz
Полное, подробное значение, происхождение, формы узбекских имен. Узнайте значение имен себя и своих близких.
ismlar.com
Ежедневно только отборные анекдоты, смешные картинки. Кузница юмора на узбекском языке!
latifa.uz
Самый большой каталог телеграм каналов в Узбекистане. Только активные каналы по категориям и с подробной статистикой.
uztelegram.com
Bosh sahifaDodalariQidirishRuknlarQo'shish