Bir ayol pul topib olibdi, sanaychi deb qo‘liga tupursa pulga tegib ikki baravar ko‘payibdi, yana tupursa ko‘payib borarmish. Tupuraveribdi, tupuraveribdi. Bir payt qars etib qulogi ostiga shapaloq tushibdi. Qarasa eri o‘tirganimish:
— Hamma joyni tupurib rasvo qilding-ku, uyg‘on, padaringa la’nat!
Bir kuni, bir yigit, yangi iPhone 7plus olib, shimining orqa cho‘ntagiga solib, taksiga chiqsa, "tirs" etgan ovoz eshitilibdi.
Yigit haydovchiga qarab:
— Ishqilib belim singan bo‘lsinda — dermish.
Qamoqxonadagi ikki mahbus suhbatidan:
— Nima jinoyat qilganding?
— Bankdan pul o‘g‘irlaganim uchun 8 yil berdi. O‘zingni nega olib kelishdi?
— Toza havo kirsin deb deraza ochganimga 20 yil berdi
— Shunga xam yigirma yil beradimi, bu jinoyat emasu
— Ha, to‘g‘ri, men suv osti kemasida ishlardimda!
Ayolni tushunish judayam oson. U xuddi ochiq kitobga o‘xshaydi: xitoy tilida yozilgan kvant fizikasi kitobi... Lekin har holda u ochiq.
Televizorda futbol ko‘rishga oshiqqan eriga xotin dedi:
— O‘yin natijasini radiodan eshitdim, istasangiz aytishim mumkin.
— Jim o‘tir! O‘zim ko‘rmoqchiman...
— Ko‘rsangiz ko‘ravering, menga nima, baribir gol urishmaydi.
Bir taksist qorong‘ida uyiga qaytayotsa, bir kampir to‘xtatib:
— O‘g‘lim meni qabristonga oborib qo‘y, - desa
Taksist o‘ziga o‘zi:
— Bu arvohmi yoki odammi?
Yo‘q yo‘lim boshqa tomonga deb ketibdi. Ozgina yurib qarasa, kampir yonida yugurib ketayotganmish. Tezrok haydab ko‘rsa, tengma-teng ketayotganmush. Taksist bu arvoh avariya qilib mendan alamini olmoqchi deb, mashinani to‘xtatib, eshiklarini qulflab, ko‘zini yumib o‘tirsa.
Bir payt o‘zini ozgina rostlagan kampir oynani taqillatib:
— Eshigingni och ko‘ylagimni eshiging qisib qoldi, - dermish.
2 ta student yotoqxonada turadigan bo‘libdi. Biri qiz, biri o‘g‘il bola ekan. Xonaga kirib qarashsa, xonada bitta karavat bor ekan.
Bola:
— Bir karavatga ikkalamiz, qandoq yotamiz man ketaman, - desa
Qiz:
— O‘rtamizga yostiq qo‘yib yotamiz, debdi
Ertasi kuni kinoga tushmoqchi bo‘lishibdi, borishsa bitta bilet qolgan ekan. Biletni bola qizga berib, siz eshikdan kiring debdi.
Shunda qiz:
— Siz kirmiysizmi, - desa
— Man devoldan oshib o‘taman, - debdi
Shunda qiz:
— Yostiqdan o‘ta olmadiz, devoldan qanaqa qilib o‘tasiz, dermish
Bir yigit sevgan qiziga qarab:
— Jonim svetni o‘chirgin, zo‘r fokus qilaman, - desa.
Qiz ham unga qarab:
— Ha, keyin o‘sha fokusingizni boqasizmi?, - dermish..
Bir kishi shoshilib kirib xotinini chaqirdi-da, ko‘ylagini ko‘tarib “Belimga tupur”, deb buyurdi. Xotin uning bu amridan ajablandi.
— Bo‘laqol, belim og‘rib, jonimni olyapti. Do‘xtirga borgan edim, ilonning zahrini surting dedi. Dorixonada bunaqasi yo‘q ekan. O‘zing tupurib qo‘ya qol, tilingga tegib chiqqan tupuging o‘nta ilonning zahriga tatiydi.
Yoshi ellikdan oshgan, soch-soqoli oqargan odam yosh bir qizga uylanibdi, sartaroshga borib:
— Usta, yaqinda uylandim. Sizga malol kelmasa, shu sochimdagi, soqolimdagi oqlarni olsangiz, - debdi.
Sartarosh pinagini buzmay mijozning soch-soqolini tagidan qirtishlab olibdi. So‘ng olingan sochlarni haligi kishining oldiga qo‘ydi.
— Kechirasiz, juda shoshilinch ishim chiqib qoldi. Sizga malol kelmasa, oqlarini ajratib tursangiz, - deb chiqib ketibdi.
Latifa.uz loyihasi haqida
Latifa.uz - har kuni yangi va sara ichakuzdi latifalar, hangomalarni taqdim qilamiz. Turli mavzularda eng zo'r latifalar: er-xotin, sevishganlar, do'stlar, ishxona, bozor, haydovchilar, o'qituvchilar, shifokorlar, 8 mart, yangi yil, futbol, afandi va yana ko'plab mavzularda latifalar birinchi bo'lib bizning saytimizda chiqadi. Vaqtingiz maroqli o'tadi, do'stlar davrasi, choyxona va gaplarda bizning latifalarni aytib davrani bemalol qizdira olasiz. Dolzarb mavzularda kulguli rasmlar, yumorga boy dialoglar ham sizni mutlaqo befarq qoldirmaydi.
Ijtimoiy tarmoqlarda tarqalgan latifalarning aksariyati aynan Latifa.uz saytining kanal va sahifalaridan olinadi. Telegram, Instagram, Facebook, Twitter'da bizning latifalar orqali odamlar bir-biriga hush kayfiyat ulashadilar. Shu bilan birga saytimiz odamlarni kayfiyatini ko'targan holda yoshlarning savodxonlik darajasini oshirish, sifatli matnlar bilan ularni ko'proq mutoalaa qilishga qiziqtirish. Biz internetda seks, porno, zo'ravonlik hamda 18+ matnlarni tarqalishiga mutlaq qarshimiz. Beldan pastga tushmagan samimiy yumor bilan odamlarning hordig'ini mazmunli o'tishiga hissa qo'shish uchun astoydil harakatdamiz, yoshlar orasida erotika va pornografiya tarqalishini oldini olishni to'liq qo'llab quvvatlaymiz.
Agarda biron-bir latifa bo'yicha e'tirozlar bo'lsa, bizga habar bersangiz saytdan o'chirib tashlaymiz.