Latifa.uz saytida eng ko'p ovoz olgan latifalar ro'yxati.
Choli-kampir televizor ko‘rishyapti. Kampir boshqa kanalga olayotsa, futbol chiqib qolibdi.
— To‘xta! Shuni ko‘ramiz! - debdi chol. Kampiri:
— E, bu o‘tib ketgan, eski o‘yin-ku! - desa, chol ko‘zoynagini taqib, televizorga biroz tikilib turib:
— Eski o‘yinga shuncha muxlis kiribdimi-a!? - dermish.
Bir chol ko‘chada eshak minib kelayotsa, GAI inspektori hazillashmoqchi bo‘lib, shartta to‘xtatib debdi:
— Siz nega boyadan beri bu jonivorni tayoq bilan urib kelyapsiz?
— Yurmaganidan keyin uraman-da, - javob beribdi chol.
— Qani tez kechirim so‘rang! - debdi GAI xodimi.
Shunda chol eshakka qarab:
— Seni GAIda tanishlaring borligini bilmas ekanman... - dermish.
Sher bilan buqa restoranda ichib o‘tirgan ekan, buqani xotini telefon qilib qolibdi.
— Nimalar deyaverasan!? Ishing nima qayerda yurganim bilan!? - deb baqirib, telefonni o‘chiribdi buqa.
Shu payt sherni telefoni jiringlabdi:
— Hozir, hozir yetib boraman, - deb javob qaytaribdi sher.
Buqa kulib:
— Hayvonlar podshohi - sher bo‘lsang! Xotiningdan ham shunchalik qo‘rqasanmi?! - desa, sher javob beribdi:
— Ey buqa, seni uyda mol kutyapti. Meni esa sher kutyapti!
Yigit qizga debdi:
— Senga bir taklifim bor.
O‘zida yo‘q xursand bo‘lib ketgan qiz shosha-pisha yigitga termulib:
— Ayting, ko‘p kuttirmang! - desa, yigit:
— Meni tinch qo‘ygin-a!!! - degan ekan.
Dugonalar hasratlashmoqda:
— Erimni qara! Vaqt allamahal bo‘ldi, haligicha qayerlardadir mast bo‘lib sang‘ib yuribdi.
— Meni erimdan o‘rnak olsa bo‘lmaydimi?! Uni allaqachon olib kelib tashlashgan...
Bir boy va chiroyli qiz chekka qishloqqa ko‘chib kelibdi. Mashinasidan tushayotsa, hamma yigitlar anqayib qarab turishsa qiz nozlanib debdi:
— Kim menga yetib olsa, o‘shanga turmushga chiqaman, - debdi-da avtomobiliga o‘tirib haydab ketibdi.
Hamma yigitlar ortidan yugura boshlashibdi. Hatto orasida bitta cho‘loq ham aravachasida quvlay boshlabdi. Qiz tezlikni oshirgan sari, birin-ketin yigitlar orqada qolaverishibdi. Lekin boyagi aravachadagi cho‘loq yigit mashinani ortidan izma-iz yetib kelibdi.
Qiz oxiri avtomobilini to‘xtatib, tushibdi-da debdi:
— Hamma yigitlar qolib ketishdi. Bitta siz yetib keldingiz. Endi sizga turmushga chiqishimga to‘g‘ri keladi.
Cho‘loq yigitni jahli chiqib:
— Turmushga chiqasizmi, yo‘qmi bunisini bilmadim-u, lekin meni aravachamni mashinangizga bog‘lab qo‘ygan odamni dab-dalasini chiqarishim aniq! - dermish.
Mendeleyev davriy jadvaliga yangi kimyoviy element qo‘shildi. Element nomi: Ayol. Kodi: Fm. Og‘irligi: yashashdan umidingiz bo‘lsa, so‘ramaganingiz ma’qul!
Fizikaviy xossasi: kutilmagan payt qaynab ketadi, o‘ylamagan vaqtingizda muzlashi mumkin. Yuqori darajada portlash xususiyatiga ham ega. Kimyoviy xossasi: pul, oltin, kumush, platina va hakozolar bilan yolg‘iz qoldirib bo‘lmaydi. Tez reaksiyaga kirishib ketadi. Kamchiligi: juda ishonuvchan. Ko‘p uchraydigan joylar: ko‘zguni oldida, telefonni oldida va bozorda. Qo‘shimcha ma’lumot: ochilmagan qirralari ko‘p. Yashash muddati: qo‘rqmang, erkaklarnikidan ko‘p.
Ikkita qari futbolchilar suhbatlashmoqda:
— Qaysi birimiz birinchi bo‘lib olamdan o‘tsak, u dunyoda futbol o‘yini bor yoki yo‘qligi to‘g‘risida xabar beramiz, kelishdikmi?
Futbolchilar kelishib olishibdi-da, ko‘p o‘tmay ulardan biri vafot etibdi.
Tirik qolgan futbolchini tushiga 3 kun o‘tib, marhum do‘sti kirib debdi:
— Qalesan do‘stim? Bu yerda ham futbol bor ekan! Lekin senga yomon xabarim bor! Kelayotgan juma kuni bo‘lib o‘tadigan o‘yinda seni ham familiyang turibdi.