Latifa.uz saytida eng ko'p ovoz olgan latifalar ro'yxati.
Dunyodagi 95 foiz qizlar bir xil turdagi yigitni orzu qilishadi:
Ichmaydigan, chekmaydigan, oliyjanob, haddan ziyod tartibli, juda kelishgan, badavlat, quvnoq, farosatli, aqilli, ...
Lekin shuncha ijobiy xislatlari bo‘la turib, hanuzgacha bo‘ydoq yurgan yigitni hech kim ko‘rmagan...!
Bir odam ikkinchisiga debdi:
— Sen menga kimligingni aytsang, sening do‘sting kim ekanini aytib beraman.
Ikkichisi:
— Men millionerman, - debdi.
Birinchisi:
— Sening do‘sting menman! - dermish.
Qizlar ikki xil bo‘lishadi:
Birinchisi, biror joyda chang ko‘rsa, darrov uni tozalab tashlashadi.
Ikkinchisi, chang ko‘rsa, uni ustiga "yurakcha"ni rasmini chiza boshlashadi.
Institutda imtihon ketmoqda. Hamma talabalar test variantlarini ishlab o‘tirishibdi. Faqat bir talaba tanga tashlab, variantlarni belgilayotgan ekan. Domla uni kuzatib turib, hammadan oldin tamomlasa kerak, deb o‘ylab qo‘yibdi.
Barcha talabalar imtihon javoblarini topshirib ketishibdi. Haligi talaba hali ham tanga tashlab o‘tirganmish. Domlani sabri chidamay, talabani yoniga borib:
— Imtihon vaqti tugadi. Javoblarni belgilashga ulgurdingizmi, - desa, talaba:
— Ha ulgurdim, - debdi, - qayta tekshirib chiqyapman, - dermish.
— Meni eng yaqin do‘stimni nega sharmanda qilding? Seni sinf rahbaring bilan hiyobonda qo‘l ushlashib o‘tirganini hammaga gapirib berish shartmidi, o‘g‘lim?
— Sinf rahbarimni o‘zlari iltimos qildilar-da!
— Qanaqasiga axir?
— Ahmedov, nega orqa partada xingillab o‘tiribsan. Doskaga chiqib sababini ayt! Bizlar ham kulaylik, - dedilar o‘qituvchim. Keyin men gapirib berdim...