Doda latifalar

Poyezdda ketayotgan erkak chekish uchun yo‘lakka chiqibdi. Bir payt qarasa, poyezd relsdan chiqib, o‘rmon tomonga yurib va yana relsga qaytayotgan emish. Ko‘zlariga ishonmasdan mashinistni oldiga yugurib borib:
— Nima qilyapsiz?, - debdi haligi odam.
Mashinist esa:
— Poyezd relsida bir yigit o‘tirgan ekan. Shu yigitni quvladim, - debdi xotirjam.
— Xo‘sh, qochib ketdimi? - qiziqib so‘rabdi yo‘lovchi erkak.
— Yo‘q, o‘rmonga kirmasidan yetvoldim. Keyin ortimga qaytdim, - dermish mashinist.

Uyga qaytgan er oshxonada idish yuvayotgan xotiniga qarab:
— Bu uyda kim xo‘jayin?, - deb baqiribdi.
Qo‘lidagi tova bilan erini boshiga urib: — siz-da adasi, - debdi xotini.
Shu payt qo‘shni ayol kirib kelib qarasa, er burchakda hushsiz yotganmish.
— Voy, eringiz nega bu yerda yotibdi?!, - desa,
— Uyning xo‘jayini qayerda xohlasa, o‘sha yerda yotaveradi, - debdi xotini.

— Me’yorini bilmay ichganlarni o‘lguday yomon ko‘raman. Kecha meni mashinaga ko‘tarib ketayotib, yerga uch martta tushirib yuborishdi-ya, la’nati piyonistalar.

— Dadasi, meni tug‘ilgan kunimga nima sovg‘a qilasiz?
— Qo‘shnimizning Kaptivasi esingdami?
— Ha esimda, azizim, esimda...
— Huddi shu Kaptiva rangidagi paypoq sovg‘a qilmoqchiman.

Bir kuni Afandinikiga yon qo‘shnisi kirib qolibdi. Afandi:
— E, keling, keling qo‘shni.
Qo‘shni:
— Keldik qo‘shni.
— Tinchlikmi o‘zi? Kecha tunda "gurs-s-s" etgan ovoz eshitildi.
Afandi:
— Ha umi kecha tomda yotgandim, choponim pastga tushib ketdi.
Qo‘shni:
— E, qo‘ying-e, chopon tushib ketsa bunchalik ovoz chiqmaydi-ku.
Afandi:
— Gap shundaki, shu choponning ichida o‘zim ham bor edim-da, - dermish.

Marshrutkada bir qiz barmog‘i bilan oynani g‘irchillatibdi. Orqa o‘rindiqda o‘tirgan chol:
— Qizim ovozini o‘xshatding, endi hidini nima qilamiz? - debdi

Qizi otasiga gapiryapti:
— Ertaga bo‘lajak kuyov bola keladi va meni qo‘limni so‘raydi. Siz uni oyog‘iga yiqilib, qo‘llarini o‘pib “Bizni haloskorimizsiz” - demasdan, oddiygina “Men roziman” deng.

Uch og‘ayni dengizga sayohatga chiqishibdi kema to‘fonga uchrab uchalasi bir orolga tushib qolishibdi. Orolni aylanib bir chiroq topib olib ishqalashibdi, ichidan jin chikib
— Har biringizning ikkitadan tilagingizni bajaraman, desa
Birinchisi:
— Meni qornimni to‘ydir, so‘ngra uyimga oborib qo‘y, debdi
Ikkinchisi ham xuddi shunday tilak bildiribdi.
Jin ularni tilagini bajaribdi va uchinchisidan sen nima tilaysan, dyesa
— Menga bir yaщik aroq ber, desa
Jin:
— Bularni barchasini qanaqa qilib ichasan desa
— Haligi ikkala og‘aynilarimni qaytarib olib-ke o‘shalar bilan birga ichaman, dermish

Televizorda futbol ko‘rishga oshiqqan eriga xotin dedi:
— O‘yin natijasini radiodan eshitdim, istasangiz aytishim mumkin.
— Jim o‘tir! O‘zim ko‘rmoqchiman...
— Ko‘rsangiz ko‘ravering, menga nima, baribir gol urishmaydi.

Qo‘shni ayollar ziyofatda o‘tirishib erlarini avtomashinalarga qiyoslab maqtashmoqdalar.
Birinchisi:
— Mening erim bamisoli yap-yangi Mersedes 600, darrov o‘t oladi, tekis yuradi, aytgan joyizga qancha uzoq bo‘lsa ham oxrigacha olib boradi...
Ikkinchisi:
— Meni erim BMVga o‘xshaydi, o‘ziyam ko‘rkam, rangi-ro‘yi odamni rom qiladigan, xohlagan vaqtda "bez otkaz" yuradi, yo‘lda to‘xtab qolmaydi, umuman mazza, - debdi.
Uchinchisi:
— Meni erim xuddi eski Moskvich, u yog‘idan kaltak yeb, bu yog‘idan kaltak yeb pachoq joylari ko‘p, yurgizaman desangiz darrov o‘t olmaydi, kamida 15 minut podsosini tortib turish kerak, - dermish