Doda latifalar

Bir bola lo‘li qiz bilan bir birlarini sevisharkan. Bola qizga:
— Sanga uylanaman, desa
— Onamdan so‘rang, nima desalar, shu. Oloy bozoriga borsangiz, o‘sha yerda tilanchilik qiladilar, debdi.
Bola borib, qizni onasiga:
— Qizingizga uylanmoqchiman, desa
Onasi:
— Faqat bitta shartim bor, debdi. O‘rnimda 3 kun tilanchilik qilasan.
Bola rozi bo‘libdi. Oradan 3 kun, 5 kun, hatto 10 kun o‘tsa hamki bola qiznikiga bormabdi.
Oxiri qizning onasi kelib:
— Sinovimdan o‘tding. Qizim saniki, desa
Bola:
— Qizingam, sanam kerak emassan. Yo‘qollaring! Joyni hech kimga bermayman, debdi.

Bir kishi do‘konga kelib:
— Non bormi?
— Yo‘q.
— Choy bormi?
— Yo‘q.
— Shakarchi?
— Yo‘q.
— Do‘konlaringda hech nima yo‘q bo‘lsa, nega yopib qo‘ymaysizlar?
— Yopishga kalit ham yo‘q...

Bir student yigit avtobusdan tushish paytida, haydovchiga qarab, amaki meni pulim yo‘q edi, - desa
Haydovchi yigitni orqasiga qarab bir tepib tushurib yuboribdi.
Bola haydovchiga qarab:
— Amaki yana bir teping, - debdi
Haydovchi yana bir tepibdi.
Bola avtobus ichiga qarab:
— Guli sangayam to‘ladim tushaver, - dermish

— Yaxshi yigit, sizga savolni 2 marta qaytardim. Yana qaytaraman! Siz savolga «Ha» yoki «yo‘q», - deb javob bering!
— Zaldagi odamlar sizni javobingizni kutaverib charchab ketishdi axir!
— Do‘stimga qo‘ng‘iroq qilsam bo‘ladimi?
— Bu sizga «Kim millioner bo‘lishni xohlaydi» o‘yini emas yigit, bu yer "Nikoh uyi"!

Bir GAI xodimi menga qoidani buzganim rasmini jo‘natibdi. Men ham unga "jarima" to‘laganim haqdagi videoni jo‘natdim. GAI shokda.

— Assalomu alaykum doktor. Sizga ko‘zimdan shikoyat qilib keldim! Oxirgi paytda judayam qiynalib ketdim. Oshxonaga kiraman deb, molxonaga kirib ketayapman. Uyimga kiraman deb, qo‘shnimnikiga kirib ketyapman. Yaxshilab davolamasangiz bo‘midi!!!
— Sizni tezda davolamasa bo‘lmas ekan. Axir bu yer BANK-ku...

Bir o‘g‘rining qarmog‘iga oltin baliq ilinibdi. Lekin u nima qilishini bilmasdan baliqni u yog‘iga ag‘daribdi, bu yog‘iga ag‘daribdi.
— Tila tilagingni, - debdi, nihoyat, oltin baliq tilga kirib.
— Bu nima dyeganing, - debdi tushunmasdan o‘g‘ri.
— Senga qanaqa tushuntirsam ekan, kecha bir odam meni ushlab olgan edi. U mendan yuz million so‘m muhayyo qilishimni so‘radi. Men uni bir zumda bajo keltirdim. Senga nima qilay?
— O‘sha odamning uy manzilini ber.

— Ada, qornim ochdi.
— Oyinga Telegram'da yoz, kelib ovqatlantirib ketadi.

Poshsho bir kuni ziyofatda o‘tirib Afandi bilan hazillashdi:
— Mulla Nasriddin, qayerga borsangiz eshagingizdan ajralmaysiz, doim u bilan birgasiz, a?
— Taqsir, eshagimdan ajralsam, mana bunday ziyofatlardan ham mahrum bo‘lib qolaman-da,— javob berdi Afandi.

Sher chuqurga yiqilib tushib, undan chiqa olmayapti.
Daraxtda esa, maymun sakrab:
— Ajab bo‘libdi, battar bo‘lgin. E, la’nati mushuk. Endi seni changalingdan tumor, tishlaringdan esa suvenir yasab, po‘stingni esa bo‘yra qilishadi..., - deb masxara qilayotgan ekan, birdan sakrayotgan shoxi sinib, maymun sherni oldiga yiqilib tushibdi:
— Podshoxim, hatto ishonmaysiz ham, sizdan kechirim so‘rash uchun oldingizga tushdim...