Doda latifalar

Tort pishiruvchi qiz dugonasiga:
— Doktorlarga hayron qolamanda, dugonajon.
— Nimaga bunaqa deyabsan?
— O‘tgan hafta ko‘z doktorini tug‘ilgan kuni deb, ko‘z shaklidagi tort zakaz qilishgandi, bugun roddomni bosh vrachi bo‘lmish akusher ginekologni yubileyi ekan... Tortmisan-tort bo‘ldi-da!

O‘zbek mobil maqollari:
Eldan chiqsang ham, xizmat doirasidan chiqma.
Yigit kishiga 40 sim-karta ham oz.
Yangi raqam olmay, eskisini sotma!

Qizlar yigitila ichmasa, chekmasa, qizla bilan gaplashmasa, har yarim soatda tel qilib tursa, SMSilaga hali dostavleno kemasidan otvet yozsa, silarga xiyonat qilmasa, ko‘chada daydib yurmasa, faqat silani sevsa, ertalabdan kechgacha yonilada yursa, ko‘zi boshqa qizlarni ko‘rmasa --> turtib ko‘rilachi o‘lib qomaganmikan.

Afandi sartarosh bo‘lib podshoning sochini olar edi. Qo‘rqqanidan qo‘li qaltirab, podshoning boshini kesib oldi.
Podsho qichqirdi:
— Ko‘zingga qara, yaramas, boshimni kesding!
— Tovba, kesilgan boshning gapirishini umrim bo‘lib endi ko‘rishim,— dedi ajablanib Afandi.

Hayvonot bog‘ida.
— Oyijon, filni sotib olaylik!
— Iye, uni qanday qilib boqamiz?
— Boqmaymiz! Ana yozib ko‘yishgan-ku "Filga ovqat berish taqiqlanadi”, - deb

Shifokorlar xonasida jarrohlar choy ichib suhbatlashib o‘tirishgan edi. To‘satdan xonaga yosh jarroh hovliqib kirib keldi:
— Iltimos, yordamlashvoringlar! Operatsiya xonasida bemorning qornini yorib qo‘ydim, endi u yog‘ini nima qilishni bilmayapman.

O‘qituvchi:
— Endi men sizlarga Pifagorning ushbu nazariyasini isbotlab beraman. Orqa partada o‘tirgan Murod:
— Shart emas, ustoz. Biz sizga shundoq ishonamiz.

Titanikni ko‘rib ezilib yig‘lab o‘tirgan lo‘lidan so‘rashibdi:
— Film juda ta’sirlimi?
— E, e yo‘q, essiz shuncha metallom bekorga ketti, - dermish

Qiz yigitga qarab:
— Bitta topishmoq aytaman topsangiz sizga tegaman. Vaq-vaq qilib sakrab yuradi, suvni yaxshi ko‘radi.
Yigit: Sigir - topdimmi?
Qiz: Ha, to‘g‘ri topdingiz!

Podsho Afandiga buyurib qoldi:
— Bugun ta’bim tirriq. Endi o‘zingdan ham qiziq, kuldiradigan odam topib kel!
Afandi «xo‘p» deb chiqib ketdi. Bir ozdan keyin bir jinnini olib keldi. Jinni poyma-poy, almoyi-aljoyi gaplarni gapiraverib, podshoning battar ta’bini tirriq qildi. Uning g‘azabi qo‘zg‘ab, mulozimiga buyurdi:
— Bor, jinniga yuz tayoq ur, jinni keltirganga ikki yuz tayoq ur!
— Ana xolos,— dedi Afandi xandon tashlab kularkan,— jinnining o‘zi bitta edi, jinni keltirgan bilan ikkita bo‘ldi, mana, ur degan bilan uchta bo‘ldi.