Doda latifalar

Qiz yigitga qarab:
— Bitta topishmoq aytaman topsangiz sizga tegaman. Vaq-vaq qilib sakrab yuradi, suvni yaxshi ko‘radi.
Yigit: Sigir - topdimmi?
Qiz: Ha, to‘g‘ri topdingiz!

Podsho Afandiga buyurib qoldi:
— Bugun ta’bim tirriq. Endi o‘zingdan ham qiziq, kuldiradigan odam topib kel!
Afandi «xo‘p» deb chiqib ketdi. Bir ozdan keyin bir jinnini olib keldi. Jinni poyma-poy, almoyi-aljoyi gaplarni gapiraverib, podshoning battar ta’bini tirriq qildi. Uning g‘azabi qo‘zg‘ab, mulozimiga buyurdi:
— Bor, jinniga yuz tayoq ur, jinni keltirganga ikki yuz tayoq ur!
— Ana xolos,— dedi Afandi xandon tashlab kularkan,— jinnining o‘zi bitta edi, jinni keltirgan bilan ikkita bo‘ldi, mana, ur degan bilan uchta bo‘ldi.

Xotin eriga:
— Dadasi, esingizdami turmush qurmasimizdan ilgari har bir uchrashuvimiz romantika edi. Kechalari tashqariga chaqirardiz, man uydagilardan bekinib oldizga chiqardim. Qanday mazza edi...
Xuddi shunday uchrashuvga taklif kiling! - desa,
Eri:
— Xo‘p Azizam, bugun kechqurun soat 22:00da bolalarni uxlatib, oshxonaga chiq choy ichamiz! - dermish.

Shu kunlarda odamlar latifa va hazillarni tushunmay qolishdi. Ular buni narx-navodagi yana bir yangilik deb o‘ylashmoqda.

Uchta erkak o‘zini xotinini maqtay boshlashibdi.
Birinchisi debdi:
— Meni xotinim shunaqa pokiza, shunaqa ozoda. Kecha ko‘ylagimni yuvib, dazmollab qo‘yibdi. Ko‘ylak xuddi yangidek, kiyilmagandek bo‘pti.
Ikkinchi erkak debdi:
— Meni xotinim shunaqa chevar-ki...! Tizzalari yirtilgan shimni tikib qo‘yibdi. Huddi yirtilmagandek...
Uchinchi erkak ham ularga qarab turib debdi:
— Meni xotinim ham juda ozoda, chevar! Uyimizni derazasini yuvib, parda ilib qo‘yibdi. Ko‘rsangiz hecham pardasi bor, yuvilgan deraza demaysiz...!

— Hamma taksi haydovchilar davlat ishida ishlasa kerak.
— Nimaga unaqa deb o‘ylaysan?
— Ularni o‘zi shunaqa deyishadi-ku! Bo‘sh vaqtimda kira qilaman, o‘zimni ishim bor, biznesim bor deyishadi-ku!

Mashhur biznes-trener katta auditoriyaga gapira boshlabdi.
Tinglovchilarni orasida bir yigit savol berish uchun qo‘lini ko‘tarib qolibdi:
— Janob, nima uchun hamma joyga borib bir xil gapni gapiryapsiz?
Trener javob beribdi:
— Siz meni orqamdan hamma joyda yurishdan boshqa ishingiz yo‘qmi?

Kredit - piyolaga quyilgan choyga o‘xshaydi.
Avval qaynoqqina bo‘ladi. Odamga yoqadi. Keyin muzdek bo‘ladi. Ichgan sari muzlatadi.

— Yur, aylanib kelamiz.
— Bormayman. Oyoqlarim og‘riyapti.
— Nima bo‘ldi?
— Yoshim 40 dan oshdi.