Дўкон-бозор ҳақида латифалар

Битта одам 4 рақамини айта олмас экан.
Нон дўконига кириб "Менга 6 та нон беринг. 2 таси керакмас" дер экан.

Карантин пайти бир аёл эри билан бозорлик қилиб, уйга қайтибди. Пиёда ҳориб-чарчаб келиб, уйда ниқобларни ечишса ёнида бегона эркакмуш. У ҳам ҳайрон эмуш. Бозорда қайси пайт алмашиб қолишган - эслашолмабди.
Шу учун кўча-кўйда ҳушёрроқ бўлиб юрайлик.

Хотин эрига:
— Бўлди, мен кетяпман.
Эр:
— Ўзи анчадан бери қовоқ-тумшуқ қилиб юрганингни сезгандим. Қаёққа кетасан? Онангни уйига борасанми яна?
Хотин:
— Адаси, нималар деяпсиз? Дўконга кетяпман...
Эр:
— Ҳа, шунақами!? Қайтишингда менга ҳам бирор нарса олиб келарсан...!
Бозорда ишбилармон одам тарвуз сотаётган экан.
Уни ишбилармонлигини қаранг! 1 та тарвуз 3 минг, 3 та тарвуз 10 минг деб ёзиб қўйибди.
Бир харидор ёнига келиб:
— Сен харидорни чалғитмоқчи бўлдингми?! Ҳозир мен 1 тадан 3 та тарвуз сотиб оламан 9 минг сўм бўладими? - дебди.
Сотувчи:
— Ҳа, шунақа бўлади, - деб 3 та тарвузни сотиб юборибди.
Харидор кетаётиб:
— Савдо қилишни билмас экансан! - деб кулиб кетибди.
Сотувчи бўлса:
— Менга ақл ўргатишини қара! 1 та тарвузни ўрнига 3 тадан сотиб юборяпман-ку! - дебди.
Бир киши 5 сонини эсидан чиқариб қўйибди.
Дўконга кириб:
— Менга 6 та нон беринг. Биттаси керакмас! - дебди.

Қўқонда ишлаб чиқарилаётган аёллар кийимини бир одам жуда катта миқдорда сотиб оларкан.
Бир тикувчи қизиқиб ундан сўрабди:
— Хотинингиз киядими ҳаммасини ёки опа-сингилларингизга ҳам совға қиласизми?
— Йўғ-е! Хотинимни телеграмда "Турецкий" кийимлар сотадиган группаси бор.

Мўйнали пальто дўконига эр-хотин харидорлар киришса, ёнига сотувчи қиз югуриб келибди:
— Бирор нима қидиряпсизми? - дебди хушфеъллик билан.
Харидор эр:
— Куя капалагига емиш қидиряпмиз, - деган экан.
Дўконга бир йигит кириб 5 кг гўшт, 5 кг гуруч, ёғ, колбаса, қизил икра ва яна бир талай тансиқ масаллиқларни сотиб олса, дўкончи бола "Энди мени ҳам олиб кетинглар" дебди.
Бозорда бир она боласини гўшт сотадиган амакини ёнига юбориб дебди:
— Бориб айт, мана бу пулга 2 та оёқ берар экансиз дегин.
Болакай бироздан кейин молни оёқларини кўтариб келиб онасига:
— Ойи, шунча кутдим, амаки ўзини туёғини ечмади. , - деган экан.
Бир қиз дўконга кириб дебди:
— Банан борми? Яхши пишганидан 1 та беринг.
Сотувчи:
— Нима қиласиз? Яна ҳар доимгидекми?
Қиз:
— Йўқ, бу сафар егани оляпман.
Сотувчи:
— Банандан юзга ниқоб тайёрлаш жонга тегдими?