Интернет ҳақида латифалар

— Бошлиғимиз иш вақтида интернетда ўйин ўйнаб ўтирганим учун мукофот пулидан мени маҳрум қилди.
— Нега унга ўйин ўйнаб ўтирганингни сездирдинг?
— Қанақасига сезмасин. Интернетдаги ўйинда рақибим бошлиғим бўлиб чиқди.
Эри ухлаётган пайтда хотин унинг телефонидаги барча ёзишмаларини қараб чиқди ва ўзининг ижтимоий тармоқлардаги шахсий ҳолатини "бева" деб белгилаб қўйди😌🤦‍♂️

Қўқонда ишлаб чиқарилаётган аёллар кийимини бир одам жуда катта миқдорда сотиб оларкан.
Бир тикувчи қизиқиб ундан сўрабди:
— Хотинингиз киядими ҳаммасини ёки опа-сингилларингизга ҳам совға қиласизми?
— Йўғ-е! Хотинимни телеграмда "Турецкий" кийимлар сотадиган группаси бор.

— Кўпчилик ёшлар Интернетдан чиқиб кета олишмаяпти.
— Нега? Нима ҳалақит беряпти?
— Буни хоҳлашмаяпти.
Ижтимоий тармоқларнинг энг яхшилари:
1. Телеграм.
2. Инстаграм.
3. Фейсбук.
4. Маҳалладаги хотинлар.
— Ижтимойи тармоқларда фаол экансан?!
— Ҳа, жудаям.
— Тентак эканингни ҳамма биларкан-да!
Ҳозирги ёшларни бир сутка 25 соат вақти "интернетда ўтириш"га кетади.
Бир ойда 30 кун санъаткорларни ёмонлаб комментарий ёзишга кетади.
35 йил умри бекорга ўтиб кетяпти. Лекин... 4 қатор шеърни ёдлай олишмайди.
Қоронғу кечада "Одно"га кириб,
Онлайн турган қиздан исмини сўрайман.
Ул қиз уялиб, бошини эгиб,
Аслида мен ўғил боламан дейди.
Икки дўст суҳбатидан:
— Ўртоқ, ҳаётингда йўл қўйган энг катта хато қайси?
— Тунов куни ўзим яхши кўрган мобил ўйинини 98% бўлганида "отменить" қилиб чиқиб кетгандим. Уни 98% бўлишини мен 3 соат кутгандим...