Интернет ҳақида латифалар

Мижозларни қўлллаб қувватлаш марказига қўнғироқ
— Алло, эшитаман?
— Кимдир борми?
— Мен ўша кимдирман...! Эшитаман сизни!?
Эълонлар сайтидан:
— Жуда-ям ақилли кучукча йўқолиб қолди. Шарик, агар ушбу эълонни ўқиётган бўлсанг, уйга қўнғироқ қил ёки телеграммдан хабар жўнат!
"Биз ёшларни олифтагарчиликлари орқасидан миллиардлар ишлаб оляпмиз!"
Apple ва Samsung компаниялари.
— Банкоматни бузиб, пул олиш учун хакер қандай йўл тутади?
— Қўлига болға ва ноутбукни олади ва банкоматга келиб, уни болға билан уриб бузади ва пулларни олади.
— Ие, унда ноутбук нега керак?
— Ноутбуксиз хакер - хакерми?!
— Салом
— Салом
— Нима қиляпсан?
— Пресс качать қиляпман
— Нима у?
— Соғлиқ учун, фигура учун фойдали.
— Ссылкасини бер, мен ҳам качать қиламан.
Мини юбка ва калта майкадаги бир хотин нарвон қўйиб, ойна артаяпти. Ўн минутдан кейин унинг эри бақирибди:
— Йиғиштир ишингни, пастга туш. Сенинг шу аҳволда ойна артаётган расмингни, Telegram'даги каналларга чиқариб юборишибди!
— Telegramдаги беҳаё суратларга қандай қарайсиз?
— Уларни ёмон кўраман!
— Нега?
— Расмлари хира-да. Шунга ёмон кўраяпман. Яқинлаштирсам баттар хиралашиб кетаяпти.
Севги бу юқумли касаллик бўлиб, у одатда гап отишдан, телефон ва смс орқали юқади. Касаллик аломатлари: кечаси ухламаслик, тез-тез пайнетга бориш. Бу касаллик оқибатида бош оғрийди, юрак сиқилади, ундан сўнг аста-секин пастга тушиб, чўнтакни қуритиб чиқиб кетади.
Талаба бу — аҳоли қатламининг қиммат телефон тутувчи, аммо ҳисобида маблағи йўқ кишисидир.
Йигит билан қиз телеграмда ёзишмоқда.
Йигит:
“Кечқурун ресторанга борсак,...”
Қиз:
“Ростанми!? Қаерга борамиз?”
Йигит:
“Шошмай тур! Охиригача ёзиб олай! Кечқурун ресторанга борсак, ҳамма дўстларим йиғилиб бўлишган экан. Фақат мен билан Азизни кутиб туришган экан.”