Оила ҳақида латифалар

Хотин эридан сўрабди:
— Энг бахтли кунларингиз қачон бўлган адаси?
Эр дебди:
— Тўйимиз бўлган кунни эслайсанми?... Ўша куни бахтли кунларим тугаган экан...
Милиция таянч пунктида эркак тушунтириш хати ёзиб ўтирибди:
"Ўта кучли психотроп воситачилар таъсирида эдим..."
Ички ишлар ходими эркакка:
— "Воситачилар" деб эмас "восита" деб тўғри ёзинг!
Эркак:
— Йўқ, бу ерда мен хотиним ва қайнонамни назарда тутдим.
— Дўстим, нега хотининг қўшиқ хиргойи қилаётганда кўчага чиқиб ўтирасан?
— Қўшнилар эри хотинини дўппослаяпти-ю, хотини дод солиб йиғлаяпти деб ўйламасликлари учун.
Ўғил онасига:
— Кечаси устимга кўрпани ёпаверманг!
Она:
— Ахир шамоллаб қолишинг мумкин.
Ўғил:
— Лекин ёнимдаги хотинимни усти очилиб қоляпти!
Ақлли ота ўғли мактабда сўкиниб гапирмаётганини текшириш учун болға билан ўғлини бармоғига уриб кўради.
Туғилган кунида эридан совға олмаган аёл эрига дийдиё қилибди:
"Бир ҳафтадан бери туғилган кунимга ҳеч нарса керакмас деб жаврайман. Барибир бугун туғилган куним экани ёдингиздан чиқиб қолди! - деган экан.