Танишув ҳақида латифалар

Йигит қиз билан танишмоқчи:
— Яхши қиз, ёшингиз нечида?
— Қиз болани ёшини сўраш одобсизлик...
— Унақада, туғилган кунингиз қачон?
— 22 декабрда.
— Қайси йили?
— Ишонасизми, ҳар йили!
Телеграмдаги суҳбатда:
— Сиз жуда-ям гўзал қиз бўлсангиз керак?!, - сўрабди йигит.
Қиз:
— Нега унақа деб ўйлаяпсиз?, - дебди қиз нозланиб.
Йигит:
— Табиат бундай аҳмоқлик билан фақат гўзалликни уйғунлаштира олади-да...
Телеграмда:
— У мендан машинангиз борми? - деб сўради. Мен эса:
— Ҳа албатта, - дедим. Шундан сўнг у:
— Ростанми? - деди.
— Ҳа, фақат у менга эмас, онамга тегишли. Агар менга турмушга чиқсанг, у сеники бўлади, - дедим.
У хурсанд бўлди. Кейин мендан машинани расмини жўнатишимни сўради. Мен ваннага кириб кир ювадиган машинани расмга олиб жўнатдим. 2 дақиқадан кейин қарасам, у мени блоклаб қўйибди. Балки, унга тикув машинаси бор йигитлар ёқар???
Бир йигит қизни орқасидан югуриб:
— Яхши қиз, сиз билан танишсам бўладими?
Қиз ортига ўгирилиб:
— Йўқ, - деса, йигит қўрқиб кетиб:
— Вой, худога шукур-ей, - дермиш.
Нафақага чиқган иккита чол истироҳат боғидаги ўриндиқда ўтиришса, ёнларидан чиройли қиз ўтиб кетибди. Бири иккинчисига қараб:
— Қара анави қизни. Ҳозир йигирма ёшли йигит бўлсам танишардим, - деса, иккинчиси:
— Эсингни еганмисан, яна йигирма йил ишламоқчимисан? - дермиш.
Бир йигит йўлда кетаётиб, чиройли қизни учратиб қолибди.
— Яхши қиз, гугуртингиз борми? – деса, қиз:
— Йўқ, мен носга ўтганман, - деган экан.
Қиз болани уйига совчилар келиб-кетибди.
Онаси:
— Нимаси ёқмади? Туппа-тузук йигит-ку!
Қиз:
— Ёқмади! Сариқ-машак! Сочини қаранг, сап-сариқ!
Қўшни хонада қизини гапини эшитиб ўтирган адаси:
— Тегавер, зарари йўқ! Сен билан 1 йил яшаса, сочи оппоқ бўлади-ку!
Тошкентни сайёҳат қилиб қайтган хитойликдан сўрашибди:
— Хўш, Тошкент қандай шаҳар экан?
Хитойлик дебди:
— Чиройли шаҳар! Одам ҳам жуда кам экан.
Совчилардан қизни онаси сўрабди:
— Ўғлингиз қаерда ишлайди?
Совчилар:
— GM автосалонида, договор тарқатувчи бўлиб ишлайди..
Буни эшитиб қолган қизни отаси:
— Қизимиз сизларники, - дермиш.
Иккита қашшоқ дайди аҳлатхонада ўтиришибди.Бири:
— Эшитдингми? Мамлакатда кризис бошланибди.
— Йўқ эшитмадим. Кризис ўзи нима у?
— Кризис бу... масалан сени бой одамлардан танишинг борми?
— Йўқ!
— Энди бўлади!