Бир ҳайдовчи машинасини бошқариб кетаётса, орқасидан биттаси катта тезликда келиб урибди. Биринчи машина ҳайдовчиси тушиб:
— Бу нима қилганинг?! Шунақа-ям ҳайдайдими? – деб бақира бошлабди.
Орқадан келиб урган машинани ҳайдовчиси бўлса мулойимлик билан узр сўраб:
— Бўлди, ҳаммасини тўлайман. Жонимиз омон қолди-ку! Келинг, соғ қолганимизни нишонлаймиз, - деб дарров машинасидан ароқни олиб, бир рюмкада қуйиб, “Олинг, олинг” деб ичириб юборибди-ю ўзи ичмабди.
Ароқни ичиб юборган ҳайдовчи:
— Ўзинг нега ичмадинг? – деса, орқадан урган ҳайдовчи:
— Ана, ЙПҲ ходимлари келишяпти. Олдин ҳал қилиб олишсин аварияга ким айбдорлиги, - дермиш.
#Ҳайдовчилар #Уддабуронлар #ДАН-ходимлари
0
Бир бор экан, икки йўқ экан. Уч бор экан, тўрт йўқ экан. Беш бор экан, олтиям бор экан.
#Қисқа #Бошқалар
0
— Дўстим, энг яхши кўрган ишинг нима?
— Ишларимни кейинга қолдириш.
— Масалан, қанақа ишларни?
— Кейинроқ айтаман.
#Қисқа #Уддабуронлар
0
Уч тошбақа тоққа дам олгани чиқишибди. Тоғни учига чиққунларича 20 кун ўтибди. Энди ўтириб гулҳан ёқамиз дейишса, гугурт пастда қолиб кетган экан. Тошбақалардан бири дебди:
— Мен пастга тушиб гугурт олиб чиқаман.
Орадан 3 кун, 5 кун, 1 ҳафта ўтибди. Иккита тошбақа бир-бирига қараб:
— Энди қачон келади? Жуда секин юради-да! – деб туришса, сал нарироқдан шеригининг овози келибди:
— Агар мени ёмонлайверсанглар бормайман! Ўзларинг тушиб гугурт олиб келаверасанлар!
#Ҳайвонот #Эртаклар
0
Бир куни ўғил дадасига қараб дебди: ⠀
— Дада мен катта бўлсам юрак шифокори бўламан.
Дадаси дебди:
— Ўғлим, юрак шифокори бўлма тиш шифокори бўл!
Ўғил:
— Нега?
Дадаси:
— Чунки юрак одамда битта. Тиш эса 32 та дебди.
#Қора-юмор #Эркаклар #Шифокорлар #Саломатлик
0
— Чарчадим. Эртадан-кечгача тиним йўқ. Қўямиз, туширамиз. Кейин яна қўямиз, яна туширамиз...
— Нимани?
— Пахта қўямиз-у, қовун туширамиз.
#Қисқа #Ўзбекона
0
Ўрмоннинг подшоҳи бўлган шер узоқ сафарга отланибди.
— Ким баланд қояга чиқиб пастга сакраса-ю, тирик қолса ўша ҳайвон мени ўрнимга шоҳ бўлиб туради, - дебди.
Бирорта ҳайвон қоядан сакрай олмабди.
Бир вақт қоянинг баланд жойидан “гуп” этиб пастга бўри тушибди-ю, тирик қолибди.
— Сен жуда мард экансан! Энди мени ўрнимга шоҳ бўласан, - дебди шер.
Бўри бўлса:
— Шошмай туринг! Аввал мени қоядан итариб юборган қуённи топиб, адабини бериб келай... – дермиш.
#Ҳайвонот #Эртаклар
0
Узоқ вақт кўришмаган иккита ўртоқ кўришиб қолибди:
— Қалайсан дўстим? Нима иш қиляпсан?
— Бизнес. Ўзинг-чи?
— Мени ҳам бизнесим бор. Сенда нима бизнеси?
— Шаҳар марказида рестораним бор. Кундузи беш-олтита, кечаси сал кўпроқ мижоз киради. Сенда-чи?
— Менда тумонот одам навбатда туради. Келажакда яна кенгайтиришни ўйлаб турибман.
— Ҳавасим келяпти? Бизнесинг каттами?
— Жуда катта. 2 та бозорнинг ўртасида сомсахона очганман!
#Пул-бойлик #Уддабуронлар #Дўстлар #Дўкон-бозор #Ўзбекона
0
Чумоли филга турмушга чиқибди. Кўп ўтмай чумоли йиғлаётганмиш.
Фил:
— Нега йиғлаяпсан? – деб сўрабди.
Чумоли:
— Энди мени фарзандларим ҳам фил бўладими? – дебди.
#Ҳайвонот #Лоф-ёлғон
0
Эр:
— Хотин, сени борингга шукур қиламан.
Хотин:
— Сабабини айтинг!
Эр:
— Сабаби, шу сен бўлмаганингда маҳаллада мени ҳеч ким яхши танимасди...
#Эр-хотин #Аёллар #Эркаклар #Қўшнилар #Оила
0

Latifa.uz лойиҳаси ҳақида

Latifa.uz - ҳар куни янги ва сара ичакузди латифалар, ҳангомаларни тақдим қиламиз. Турли мавзуларда энг зўр латифалар: эр-хотин, севишганлар, дўстлар, ишхона, бозор, ҳайдовчилар, ўқитувчилар, шифокорлар, 8 март, янги йил, футбол, афанди ва яна кўплаб мавзуларда латифалар биринчи бўлиб бизнинг сайтимизда чиқади. Вақтингиз мароқли ўтади, дўстлар давраси, чойхона ва гапларда бизнинг латифаларни айтиб даврани бемалол қиздира оласиз. Долзарб мавзуларда кулгули расмлар, юморга бой диалоглар ҳам сизни мутлақо бефарқ қолдирмайди.

Ижтимоий тармоқларда тарқалган латифаларнинг аксарияти айнан Latifa.uz сайтининг канал ва саҳифаларидан олинади. Телеграм, Инстаграм, Фейсбук, Твиттерда бизнинг латифалар орқали одамлар бир-бирига ҳуш кайфият улашадилар. Шу билан бирга сайтимиз одамларни кайфиятини кўтарган ҳолда ёшларнинг саводхонлик даражасини ошириш, сифатли матнлар билан уларни кўпроқ мутоалаа қилишга қизиқтириш. Биз интернетда секс, порно, зўравонлик ҳамда 18+ матнларни тарқалишига мутлақ қаршимиз. Белдан пастга тушмаган самимий юмор билан одамларнинг ҳордиғини мазмунли ўтишига ҳисса қўшиш учун астойдил ҳаракатдамиз, ёшлар орасида эротика ва порнография тарқалишини олдини олишни тўлиқ қўллаб қувватлаймиз.

Агарда бирон-бир латифа бўйича эътирозлар бўлса, бизга ҳабар берсангиз сайтдан ўчириб ташлаймиз.

Бошқа лойиҳаларимиз

TVinfo.uz — Телепрограмма на сегодня, завтра и ближайшую неделю.
tvinfo.uz
DostavkaInfo — Каталог сервисов, предлагающих доставку еды, лекарств, книг и товаров для дома.
dostavkainfo.uz
Imlo.uz — Орфографический словарь узбекского языка позволяющий проверить правописание узбекских слов на латинице и кириллице. В базе более 87 000 слов.
imlo.uz
Lotin.uz — поможет транслитерировать с узбекской кириллицы на латиницу и обратно. Легко!
lotin.uz
Самая большая коллекция пословиц и поговорок на трёх языках (узбекский, русский, английский).
maqollar.uz
Полное, подробное значение, происхождение, формы узбекских имен. Узнайте значение имен себя и своих близких.
ismlar.com
Ежедневно только отборные анекдоты, смешные картинки. Кузница юмора на узбекском языке!
latifa.uz
Самый большой каталог телеграм каналов в Узбекистане. Только активные каналы по категориям и с подробной статистикой.
uztelegram.com
Бош саҳифаДодалариҚидиришРукнларҚўшиш