Чойхонада йигитлар зиёфат қилиб ўтиришса, бир отахон нариги супада йигитларга ҳавас билан қараб ўтирган экан.
— Отахон, биз ҳам сизга ўхшаб юрайлик, бир дуо қилинг, - дебди йигитлар.
Отахон:
— Омин, мени ёшимга киринглар, аммо мен қилган ишни қилманглар! – дебди.
Йигитлар:
— Нега унақа деяпсиз? – деса, отахон:
— Чунки ҳаётимда 25 йил қамоқ ҳам бор-да, - деган экан.
Эр-хотин дам олгани далаҳовлига кетаётишса, хотини уйдаги ҳамма пулларни сумкага солаётганмиш. Буни кўрган эри:
— Бор-йўғи 2 кунга кетяпмиз. Нима қиласан шунча пулни? – деб сўрабди ҳайрон бўлиб.
Хотини дебди:
— Тўғри, далаҳовлига биз кетяпмиз. Лекин ўғлимиз 2 кун уйда қолади-ку...!
Товуқ беданага мақтаниб:
— Мени тухумим 500 сўм, сеники 300 сўм. Мени тухумим сеникидан каттароқ...
Сен ҳам менга ўхшаб 500 сўмлик туғсанг бўлмайдими? – деса, бедана дебди:
— Энди..., 200 сўм учун жонимни оғритиб нима қиламан?!
— Топишмоқ айтсам топасанми?
— Айт-чи...
— Бир хонада тўрттаси, ишлар фақат биттаси.
— Билмадим...!?
— Ишхонада 3 та ходим ва 1 та кондиционер.
Бир одам дўстидан қарзга пул сўрабди.
Дўсти унга:
— Пулни нима қиласан? – деса, ҳалиги одам:
— Даволанаман. Тилим синиб қолди. Тилимни гипс қилдиришим керак, - дермиш.
Талаба бу - ...
— Ўзи макарон, горох шўрва ичса ҳам, севган қизини қиммат кафеларга олиб борадиган жентельмен!
— Ҳеч бир фандан дафтар тутмасдан, 150 минг сўмлик портфель кўтариб юрадиган, ичида йўл кира учун 1400 сўм солиб қўядиган 120 минг сўмлик клачь сотиб оладиган олифта!
— 6 ой умуман дарс қилмасдан, бир кеча-кундузда 6 ойлик маърузани кўчириб чиқа оладиган профессор!
— Ҳисобидан бир цент бўлмаса ҳам, энг сўнгги русумдаги Iphone ишлатадиган бойвачча!
— Дарс қилиб ўтириб ҳам қулоқчинларда ашула эшитадиган, ҳам маърузани кўчирадиган, ҳам интернетда ўтириб ёзиша оладиган Юлий Цезарь!
— Атиги 400 минг сўм стипендия олиб, 10 миллион сўм контракт тўлайдиган саҳий одам!
Бир куни командир постда турган аскар ёнига борибди:
— Фараз қил, сен турган постга душман келяпти. Сени ҳаракатинг? – деса, аскар:
— Фараз қилинг, мен акопдаман, - дермиш.
Цех бошлиғи ишчиларидан сўрабди:
— Директор келмадими?
— Йўқ, - дебди ишчилар.
— Ҳа майли. Мен хонамда бироз ухлаб оламан.
Бироздан кейин яна чиқиб сўрабди:
— Директор келмадими?
— Йўқ, ҳали келгани йўқ! – деб жавоб берибди ишчилар.
Цех бошлиғи дебди:
— Ҳа яхши. Мен хонамга кириб ухлаб тураман. Хабар олиб туринглар...
Бироздан кейин директор келиб қолибди. Ҳамма ишчилар директорга қараб:
— Қаерларда юрибсиз?! Сизни деб 2 соатдан бери цех бошлиғимиз уйғона олмаяптилар, - дермиш.
Бир ўзбек футболчимиздан сўрашибди:
— Нега ўйин вақтида бунча кўп гапирасиз?
У дебди:
— Ўйинчиларимиз чет тилини билмайди. Шунинг учун рақибларимиз қандай тактика қўллаб ўйнаётганини уларга тушунтираман.
Бир одам русларга тобут ясар экан. Кунларни бирида тайёр тобутни етказиб бераман деса, машинаси бузилиб қолибди. “Буюртмани кечиктириб бўлмайди!” дебди-да, тобутни кўтариб олиб боришга қарор қилибди.
Кўчада кетаётса, милиция тўхтатиб сўрабди:
— Тобут бошингизга кўтариб олиб қаёққа кетяпсиз?
Тобут ясовчи одам милицияга:
— Кўмилган жойим ёқмаяпти. Бошқа жой қидириб кетяпман, - деган экан.
Latifa.uz лойиҳаси ҳақида
Latifa.uz - ҳар куни янги ва сара ичакузди латифалар, ҳангомаларни тақдим қиламиз. Турли мавзуларда энг зўр латифалар: эр-хотин, севишганлар, дўстлар, ишхона, бозор, ҳайдовчилар, ўқитувчилар, шифокорлар, 8 март, янги йил, футбол, афанди ва яна кўплаб мавзуларда латифалар биринчи бўлиб бизнинг сайтимизда чиқади. Вақтингиз мароқли ўтади, дўстлар давраси, чойхона ва гапларда бизнинг латифаларни айтиб даврани бемалол қиздира оласиз. Долзарб мавзуларда кулгули расмлар, юморга бой диалоглар ҳам сизни мутлақо бефарқ қолдирмайди.
Ижтимоий тармоқларда тарқалган латифаларнинг аксарияти айнан Latifa.uz сайтининг канал ва саҳифаларидан олинади. Телеграм, Инстаграм, Фейсбук, Твиттерда бизнинг латифалар орқали одамлар бир-бирига ҳуш кайфият улашадилар. Шу билан бирга сайтимиз одамларни кайфиятини кўтарган ҳолда ёшларнинг саводхонлик даражасини ошириш, сифатли матнлар билан уларни кўпроқ мутоалаа қилишга қизиқтириш. Биз интернетда секс, порно, зўравонлик ҳамда 18+ матнларни тарқалишига мутлақ қаршимиз. Белдан пастга тушмаган самимий юмор билан одамларнинг ҳордиғини мазмунли ўтишига ҳисса қўшиш учун астойдил ҳаракатдамиз, ёшлар орасида эротика ва порнография тарқалишини олдини олишни тўлиқ қўллаб қувватлаймиз.
Агарда бирон-бир латифа бўйича эътирозлар бўлса, бизга ҳабар берсангиз сайтдан ўчириб ташлаймиз.