Бир аёл шилқим эркакка:
— Агар яна бир мартта мени қоматим устидан кулсанг, мана шу ўқлов билан тушираман.
— Тушундим!
— Нимани тушундинг?!
— Сени қоматинг менга аниқ тахдид солишини-да...
Дўконга чиқиб келишини сўраган хотин эрининг қўлига харид рўйхатини тутқазибди:
1. Нон
2. Тухум
3. Қуруқ чой
4. Совун
5. Пиво
Эр дўкондан қайтгач, хотин харид қилинган нарсаларни халтадан ола бошлабди: Битта нон, иккита тухум, уч қути қуруқ чой, тўртта совун ва беш шиша пиво.
Жаҳли чиққан хотин эрига ҳеч қандай эътироз билдиролмабди-ю, лекин кейинги сафар пивони рўйхатнинг бошига ёзишни ёдидан чиқармабди.
Бадавлат бир одам касал бўлиб қолибди. Яқин қариндоши врачга:
— Айтингчи доктор, умид қилсам бўладими?
Врач унга:
— Умид қилманг, бу бор-йўғи оддий шамоллаш...
Бир қиз фолбин ёнига бориб:
— Нега мени бахтим очилмаяпти? Мен ҳам бахтли бўлсам, яхши йигитга турмушга чиқсам дейман, - деб дардини айтибди.
Фолбин қизни қўлини ушлаб дебди:
— Сиз хафа бўлманг. Бир яхши йигитга турмушга чиқасиз ва 5 нафар фарзандингиз бўлади.
Орадан йиллар ўтиб, қиз фолбинни ёнига келибди.
— Эсингиздами, менга 5 та фарзандинг бўлади дегандингиз...
— Ҳали ҳам фарзандингиз бўлмадими?, - сўрабди фолбин.
— Йўқ, 5 фарзандга эгаман, лекин айтинг опажон, қачон эрга тегаман, - дермиш.
Бир чол балиқ овлаб ўтирган экан, унинг олдига милиция келиб деди:
— Отахон, бу ерда балиқ тутиш таъқиқланган!
— Мен балиқ овламаяман, чувалчанг чўмилтиряпман, - дебди чол.
Милиция ходими:
— Ахир сиз чувалчангни таъқиқланган жойда қип яланғоч чўмилтиряпсиз!
Хирургия бўлимида операция кетяпти. Шу пайт чироқ ўчиб қолибди. Бироздан сўнг чироқ ёнганида қарашса бемор йўқ эмиш. Асисентлар ғала-ғовур кўтара бошлабди. Хирург эса хотиржам ҳолда:
— Бўлди тинчланинглар. Биринчидан, бемор наркозда узоққа боролмайди, иккинчидан, жигари мени қўлимда қолди, - дермиш.
Қуён дўконга кириб айиқдан сўрабди:
— Кофе борми?
— Йўқ, бизда унақа нарса сотилмайди - дебди айиқ.
Эртасига қуён яна келиб?
— Кофе борми?
— Йўқ дедимку сенга, - дебди жаҳл билан айиқ.
Учинчи куни яна шу ҳолат такрорланган экан, айиқ:
— Агар яна бир мартта кириб кофе сўрасанг қўлоғингга мих қоқиб, деворга илиб қўяман, - деб бақирибди.
Қуён қўрққанидан олди-орқасига қарамай қочибди.
Уч кундан сўнг қуён дўконга секин кирибди-да дебди:
— Мих борми?
— Йўқ.
— Бўлмаса кофе борми? - дермиш.
— Алло, бу жиннихонами?
— Ҳа!
— 18-палата бўшми?
— Ҳа, бўш!
— Ураа, демак мен қочибман!
— Туғилган кунингга нима совға қилсам экан, неварагинам?
— MP3 қўшиқ ёзилган диск совға қила қолинг, энажон.
— Сенга қанақаси ёқишини билмайман-да.
— Эшитиб қўринг-да, ўзингизга ёқмаганларини танлаб олаверинг.
Ота бола ўтирган экан. Бола отасидан сўрабди:
— Дада, негрлар нимага шоколад ейишмайди?
— Чунки улар қўлини тишлаб олишдан қўрқишади...
Latifa.uz лойиҳаси ҳақида
Latifa.uz - ҳар куни янги ва сара ичакузди латифалар, ҳангомаларни тақдим қиламиз. Турли мавзуларда энг зўр латифалар: эр-хотин, севишганлар, дўстлар, ишхона, бозор, ҳайдовчилар, ўқитувчилар, шифокорлар, 8 март, янги йил, футбол, афанди ва яна кўплаб мавзуларда латифалар биринчи бўлиб бизнинг сайтимизда чиқади. Вақтингиз мароқли ўтади, дўстлар давраси, чойхона ва гапларда бизнинг латифаларни айтиб даврани бемалол қиздира оласиз. Долзарб мавзуларда кулгули расмлар, юморга бой диалоглар ҳам сизни мутлақо бефарқ қолдирмайди.
Ижтимоий тармоқларда тарқалган латифаларнинг аксарияти айнан Latifa.uz сайтининг канал ва саҳифаларидан олинади. Телеграм, Инстаграм, Фейсбук, Твиттерда бизнинг латифалар орқали одамлар бир-бирига ҳуш кайфият улашадилар. Шу билан бирга сайтимиз одамларни кайфиятини кўтарган ҳолда ёшларнинг саводхонлик даражасини ошириш, сифатли матнлар билан уларни кўпроқ мутоалаа қилишга қизиқтириш. Биз интернетда секс, порно, зўравонлик ҳамда 18+ матнларни тарқалишига мутлақ қаршимиз. Белдан пастга тушмаган самимий юмор билан одамларнинг ҳордиғини мазмунли ўтишига ҳисса қўшиш учун астойдил ҳаракатдамиз, ёшлар орасида эротика ва порнография тарқалишини олдини олишни тўлиқ қўллаб қувватлаймиз.
Агарда бирон-бир латифа бўйича эътирозлар бўлса, бизга ҳабар берсангиз сайтдан ўчириб ташлаймиз.