Эр хотинини поездга жойлаб кузатяпти. Хотин юраётган поезд ойнасидан ҳайрлашяпти.
Шунда эр:
— Хотин у ёқда ҳар кимгаям ишонаверма, ҳозир ёмон одамлар кўп.
— Нима? Эшитмаяпман гапингизни...
— Эҳтиёт бўл, ўзингга маҳкам бўл. Кечаси кўчага чиқмагин...
— Нима? Барибирам эшитмаяпман...
— Эээ...Билганингни қил..
— Ҳаа, ...тушундииимм...
Афанди Самарқандда ўтган азизларни яхши биладиган мулланинг ҳужрасига меҳмон бўлган эди, мезбон кечгача азизларни гапириб, меҳмонга дастурхон ҳам ёзмади. Қорни ниҳоятда очган Афанди муллага луқма ташлади:
— Тақсир, ўша азизлар овқат ейишармиди?
Бир куни шерни ўрмонда суд қилиб 3 йилга қамашибди шерни сочини олиб қамоқхонага қўйиб юборишса, уни хеч ким шерлигига ишонмай мушук деб калака қилаверишибди бундан зерикиб бир чеккада турса, каламуш турган экан, унга:
— Каламуш илтимос уларга тушунтир мен мушук эмас шерман,- деса
Каламуш:
— Менга барибир мушукмисан шермисан, мен ҳам қамоқхонага тушишимдан олдим типратикан эдим,- дебди
Йигит тарихшунос, адабиётшунос экан. Уйлансам, тарихни биладиган, адабиётга қизиқадиган қизга уйланаман, - дебди.
Учрашувга чиққанида йигит қизга:
— Беруний ким? - дебди
Қиз индамабди.
— Фаробий ким?
Қиз яна жим.
— Қодирий ким?
Яна жим.
— Алишер Навои ким?
Қиз:
— Бўлди етар, ҳеч бирини танимайман. Анави Алишер, ўзича гап чиқарган, ҳеч ҳам у билан юрмаганман, - дермиш
Бир куни тушлик дастурхони атрофида инглиз дипломати рус сиёсатчисига шундай дебди:
— Агар мушукка озгина бўлса ҳам горчица едира олсанг, битта зиёфат мендан.
Рус сиёсатчиси шу заҳоти ўйлаб ўтирмасдан шартта мушукни бўйнидан ушлабди. Унинг оғзининг олдига қошиқ тўла горчицани олиб берган экан, мушук аччиқ ҳидидан руснинг қўлига чанг солиб, қўлини қонатибди-да, тезда пастга сакраб тушибди.
Инглиз дипломати рус дўстига маъноли қарабди мушук томон юрибди. Мушукнинг олдига бир парча гўшт ташлабди-да, мушук ея бошлаганда, аста-секин думини кўтариб, орқа тешигига озгина горчица суриб қўйибди.
Мушук орқаси қизиб, ачишиб кетаётганини сезиб, жойидан сапчиб туриб қочибди. Ресторандаги столлардан бири тагига кириб олиб, бир оёғини кўтарибди ва жон холатда шошиб орқасини ялай бошлабди.
Инглиз дипломати рус сиёсатчисига мушукни кўрсатаркан, шундай дебди:
— Баъзиларга айрим нарсаларни қандай едириш кераклигини ўрганиб олдингми?
Бир маст автобусга чиқиб ўтирди. Бироздан сўнг ёнидаги аёлнинг елкасига қийшайиб бошини қўйиб олди. Аёлнинг жаҳли чиқиб кесатди:
— Балки, устимга ҳам чиқиб оларсиз?!
— У-ҳў, - деди маст ғўлдираб, - кўнгиллари яна нимани тусайди?
Беш ёшлардаги бола онасига:
— Ойижон, сиз синглимни фаришта қиз дердиз. У ҳеч ҳам фаришта эмас экан. Чунки, ҳозир уни балкондан ташлаб юборувдим, у осмонга учишни ўрнига, ерга қулаб тушди...
Боксчини суд қилишмоқда. Судья:
— Айбланувчи, нега рафиқангизнинг жағини синдирдингиз?
— Биласизми, жаноб судья, мусобақадан чарчаб уйга келдим, хотиним олдимга овқат келтириб қўйди-да, ўзи рўпарамга ўтириб олиб, қўлларини силкитганча гапираверди-гапираверди, қўлларини у ёқдан-бу ёққа силкитиб, гапираверди-гапираверди... Сўнг тўсатдан очилиб қолди!
2та ГАИ ходими радар билан йўл чеккасида турибди.
Бир машина катта тезликда учириб келаётган экан.
— Тезлиги неча экан? - деcа
Шериги:
— 50 000 сўм.
Талаба имтиҳонда йиқитган домласини кўриб қолди:
— Ассалому алайкум, домла!
— Мен аҳмоқлар билан саломлашмайман.
— Мен эса саломлашаман.
Latifa.uz лойиҳаси ҳақида
Latifa.uz - ҳар куни янги ва сара ичакузди латифалар, ҳангомаларни тақдим қиламиз. Турли мавзуларда энг зўр латифалар: эр-хотин, севишганлар, дўстлар, ишхона, бозор, ҳайдовчилар, ўқитувчилар, шифокорлар, 8 март, янги йил, футбол, афанди ва яна кўплаб мавзуларда латифалар биринчи бўлиб бизнинг сайтимизда чиқади. Вақтингиз мароқли ўтади, дўстлар давраси, чойхона ва гапларда бизнинг латифаларни айтиб даврани бемалол қиздира оласиз. Долзарб мавзуларда кулгули расмлар, юморга бой диалоглар ҳам сизни мутлақо бефарқ қолдирмайди.
Ижтимоий тармоқларда тарқалган латифаларнинг аксарияти айнан Latifa.uz сайтининг канал ва саҳифаларидан олинади. Телеграм, Инстаграм, Фейсбук, Твиттерда бизнинг латифалар орқали одамлар бир-бирига ҳуш кайфият улашадилар. Шу билан бирга сайтимиз одамларни кайфиятини кўтарган ҳолда ёшларнинг саводхонлик даражасини ошириш, сифатли матнлар билан уларни кўпроқ мутоалаа қилишга қизиқтириш. Биз интернетда секс, порно, зўравонлик ҳамда 18+ матнларни тарқалишига мутлақ қаршимиз. Белдан пастга тушмаган самимий юмор билан одамларнинг ҳордиғини мазмунли ўтишига ҳисса қўшиш учун астойдил ҳаракатдамиз, ёшлар орасида эротика ва порнография тарқалишини олдини олишни тўлиқ қўллаб қувватлаймиз.
Агарда бирон-бир латифа бўйича эътирозлар бўлса, бизга ҳабар берсангиз сайтдан ўчириб ташлаймиз.