Дода латифалар

Қимор ўйнаб ўтирган эркаклар орасида биттаси тўсатдан вафот этибди. Оила аъзоларига бу шумхабарни қандай етказишни билмай, охири энг катта қиморбоз бориб айтадиган бўлибди.
Вафот этган қиморбозни уйини эшигини хотини очибди:
— Биласизми, сизни эрингиз қимор ўйнаб ўтириб, ҳамма нарсасини ютқазиб қўйди. Машинани ҳам, уйни ҳам, пулларни ҳам, далаҳовлини ҳам...
— Ўлиб кетмайдими, менга деса, - дебди ғазабланган хотини.
Бу гапдан енгил тортган қиморбоз шошилиб:
— Шунақа бўлди, сиз айтгандек бўлди! - дермиш.

Маҳалла раиси ҳаммани йиғиб мажлис ўтказа туриб дебди:
— Aёл эркаксиз яшай олмайди, эркак аёлсиз! Иккаласи гўёки сув билан балиққа ўхшайди. Сув бўлмаса балиқ ўлиб қолади, балиқ бўлмаса, сувга ўрдак қўнмайди...
Раисни гапини бир қари онахон бўлиб:
— Бекор гап! Мени чолим ўлганига 30 йилдан ошди. Яшаяпман-ку, ўлганим йўқ, - деса Маҳалла раиси:
— Онахон, мен балиқ ҳақида гапираяпман, капчённый ҳақида эмас, - дермиш.

Талабалар қаттиққўл ўқитувчисига янги йилга совға беришмоқчи:
— Домлажон, сизга нима совға қилсак бўлади?
— Менга ҳеч нарса керакмас!
— Айтақолинг, бирор орзуингиз бордир ахир...
— Ягона орзуим, сизлар мени талабам бўлганингизни ҳеч ким билмасин!

Агар сизни хотинингиз жуда-ям уйқучи бўлса, тонгда будильник товушига ҳам уйғонмаса, буни йўли осон:
Бегона аёлни исмини айтиб уйғотинг!

Миллион савол-жавоб ўйинида юз миллион учун баҳс кетмоқда.
Бошловчи:
— Ҳурматли Эшмат, сизга биринчи савол: Беморга ёзилган шифокор рецептидан Цитромон дориси деган сўзни топинг.
а).∕ł∕łł∕ł.∕∕łł∕ł
б).∕ł∕ł.∕łł.∕ł∕ł.∕łł
с)łłრ.∕ł∕łฑ.∕łłน.∕ł∕ł

— Қизингизга бундай ёмон сўзларни, қарғашларни ким ўргатяпти???
— Турқи қурсин, жуварнамак, ... қаёқдан билай...!

Севган қизим билан IMOда гаплашиб ўтирибман. У бир дақиқага туриб кетганди, мониторда отаси кўриниб қолди:
— Ассалому алайкум, - десам, адаси ён-атрофга қараб:
— Ё тавба, ким у??? - дейди...

— Мени қўшниларим ярим тунда деворимни тақиллатаверишади. Ҳеч тинчлик беришмайди-я...
Яхши-ям мен ўша вақт ухламай, барабан чалаётган бўламан!

Иккита дугона суҳбатлашмоқда:
— Дугонажон, кечаси "Гап"га боришга эрингдан қандай қилиб рухсат олдинг?
— Буни йўли осон! Кўпикли ванна қилиб бердим-да, чиқиб кетдим.
— У шунга кўндими?
— Кўпикни қурилиш моллари дўконидан сотиб олгандим-да!

Бўлинма командири:
— Ким пахта теримига боради?
— Мен, - деб сафдан чиқибди иккита аскар.
— Баракалла!, - дебди командир, — Сизлар мен билан машинада, қолганлар эса пиёда қадам бос!