Дода латифалар

Бир аёл такси тўхтатиб борадиган манзилини айтибди. Ҳайдовчи:
— Нечи пул берасиз? - дебди.
Нархини айтибди аёл.
— Ҳа, йўқ! Бензин ошди, кам бу пулиз, - деб кетиб қолибди.
Яна такси тўхтабди. У ҳам рози бўлмабди.
5-6та таксидан кейин охири биттаси "Ўтиринг" дебди.
Аёл таксичига:
— Ҳамма таксичилар бензин ошди деб олишмади. Сиз инсофли экансиз, - деса, ҳайдовчи:
— Ҳа, йўқ. Мен кечаги бензинда юрибман, - дермиш.

Бир олигарх касодга учраб, бу ҳақда рафиқасига маълум қилибди.
— Биласанми, биз "Мерседес"ни сотиб, "Лада" сотиб олишимизга, Рублёвкадаги данғиллама уйимизни сотиб, Москвадаги квартирамизга кўчиб ўтишимизга тўғри келади. Бироқ сен мени шунда ҳам севаверасан-ку, тўғрими?.
Рафиқаси эса унга:
— Ҳа севавераман ва жуда соғинаман, - деб жавоб қайтарибди

Тунги барлардан бирига ит етаклаган киши кириб ҳаммага дебди:
— Мени итим гапира олади!
Ҳеч ким ишонмабди ва шу ерни ўзида баҳс бошланиб, гаровга пул тикилибди.
Ҳалиги кишини ити ҳеч нарса гапирмабди. Катта пулни бой берган хўжайини кўчага чиқиб, итга бақира бошлабди:
— Нега била туриб гапирмадинг? Ахир шунча пул ютқазиб қўйдим-ку!!!
Шу вақт ит тилга кириб:
— Э, хўжайин! Лекин эртага биз қанча пул ютиб олишимизни билсангиз эди...!

Ўзбек, қозоқ, рус ва грузин тўрт аскар йигитлар поездда хизматдан қайтаётган эканлар.
Грузин йигит:
— Мен ватаним учун пул тўла ҳамёнимни аямайман, - деб, ойнадан ҳамёнини ташлаб юборибди.
Поезд Россияга келгач, рус йигит бошини деразадан чиқариб:
— Ватаним учун мен энг қиммат сувениримни аямайман, - деб ҳарбий хизматдан олиб келаётган эсдалик совғасини ташлаб юборибди.
Поезд Тошкентга кириб келгач, ўзбек йигит:
— Ўзбекистоним учун ҳамён, сувенир нима деган гап!? Ҳаттоки, яқин қардош дўстимни ҳам аямайман, - деб қозоқни ойнадан ташлаб юборган экан.

Ихчам, озғин қизларни ёқтирадиган йигитлар диққатига:
Илонларнинг семизи бўлмайди!

Бир куни журналист футболчидан сўрабди:
— Нега сиз бошқа иш қилмайсиз ёки истеъфога чиқмайсиз? Яхши ўйнай олмаяпсиз-ку.
Футболчи:
— Ие, унда оиламни ким боқади?! Майдонда сал-пал югуриб, катта маош оляпман..., - дермиш.

Дўконда.
Харидор:
— Сизда суяксиз балиқ борми?
Сотувчи:
— Йўқ, лекин гўштсиз колбасалар бор.

Мижозларни қўлллаб қувватлаш марказига қўнғироқ
— Алло, эшитаман?
— Кимдир борми?
— Мен ўша кимдирман...! Эшитаман сизни!?

Иккита участка нозири айланиб юришса, дарахтда бир одам осилиб турган экан. Нозирлардан бири иккинчисига:
— Нима қиламиз бошимизга ортиқча ташвиш келтириб. Шу мурдани нариги туманга олиб бориб осиб келайлик, - дебди.
Иккала нозир мурдадан қутулиб, йўлларида кетаверибди.
Нариги туманни нозирлари айланиб юриб, кўзи дарахтда осилиб турган одамга тушиб:
— Анавини қаранглар, яна шу ерга осиб кетишибди...- дермиш.

Жума куни кечқурун хотин эрига:
— Адаси, келинг шу дам олиш кунлари мазза қилиб дам олайлик...
Эри хурсанд бўлиб хотинига:
— Бўпти хотин, душанба куни кўришгунча унда! - деган экан.