Дода латифалар

Олдига фартук тақиб олиб идиш юваётган эркак олдига кичкина ўғилчаси югуриб келиб дебди:
— Ада, ада!
— Ҳа, ўғлим. Нима дейсан?
— Сиз неча йилдан бери ойимга хизмат қиласиз?

Дўкон кассасида турган қизни ёнига бир киши келиб мулойимлик билан:
— Яхши қиз, икки пачка беринг. Йўқ, уч пачка, тўрттасини берақолинг! - дебди.
— Нимани пачкасини? Антибиотик? Сироп? Ёки... Қаериз оғрияпти ўзи?
— Ҳозир кўрсатаман сенга қаерим оғриётганини! - деб шимини чўнтагидан қурол чиқариб:
— Кассадаги ҳамма пулларни бер бу ёққа! Биз ўғрилармиз!!!

Таҳририятга хат келибди:
"Мақоламни журналингизда чоп этсангиз. Учта мақоламни бирданига юборяпман!"
Таҳририятдан жавоб келди:
"Бу билан бизни қўрқита олмайсиз!"

Газетанинг "Танишув" рукнидаги эълон:
Ичмайман, чекмайман, овқат деярли емайман, ...
Суратимни қабристондаги мармар тошлардан бирида кўришингиз мумкин.

Вагон кузатувчиси Гулмира йўловчилардан чарчаган вақтида, уларнинг чойига уйқу дори қўшиб беради.
Агар-да зерика бошласа, "Уммон"ни қўшиқларини қўйиб беради.

Бир ҳайдовчи автомобилида катта тезликда кетаётса, йўл четида:
"Тезликни 50км/с га пасайтир!" деган ёзувни кўриб қолибди. Дарҳол пасайтириб, бироз юргач, яна ёзув чиқибди:
"Тезликни 20 км/с га тушир!" Бироз юргач, яна "10 км/с тезликда ҳайда!". 10км/с тезликда бир соат юрган ҳайдовчи, охирги ёзувга кўзи тушибди:
"Тошбақа" номли боғимизга хуш келибсиз!"

Даллолга қўнғироқ бўлибди:
— Алло, сиз далаҳовли сотиш билан шуғулланасизми?
— Ҳа.
— Нега ҳароба бўлиб кетган далаҳовлини қиммат нархда, рўпарасидаги данғиллама далаҳовлини арзон пулга сотяпсиз?
— Ҳароба далаҳовлидан чиройли, икки қаватли, данғиллама далаҳовлини томоша қилса бўлади. Данғиллама далаҳовлидан-чи, ҳароб бўлган жой кўриниб туради-ку...?!

Бир акахон қизил мерседесни миниб олиб, катта кўчанинг ўртасида, 150-170 тезликда кетаётса, ёнидан бир жисм яшин тезлигида ўтиб кетибди.
Ҳеч нарсага тушунмаган акахон, газни охиригача босиб, уни қувиб етибди. Қараса, ранги оқариб кетган бир одам ўтирган эмиш.
— Mенга қаранг, нима бало, моторингиз самолётникими?, – cўрабди акахон.
Бояги одам бўлса:
— Қаёқдан билай...?! Шунчаки, ’’американский горка”да учиб кўрмоқчи эдим...! – дермиш.

Талабалар кредит мавзусида дарс ўтишмоқда. Битта талаба ўқитувчисига савол берибди:
— Айтинг-чи домла, нега банклардан кредит олаётганимизда биздан гаров талаб қилишади-ю, биз банкка пул қўйганимизда бизга гаров учун ҳеч нарса беришмайди?!

Хотин эрига:
— Адаси, ўғлингизга ўзингиз тушунтиринг. Уни севимли кучуги ўлиб қолди...
Отаси:
— Ўғлим, бу ёққа кел! Турникда тортина оласанми? Бир, икки, уч, ..., ўн. Нимага тўхтадинг?
— Тамом бўлдим ада...
— Ўғлим, сен яхши кўрган кучугинг ҳам тамом бўлди!!!