Бир йигит уйига қўнғироқ қилса, беш ёшли қизи олибди:
— Ойинг қани?
Қизалоқ:
— Тепадаги ётоқхонадалар. Битта амаки билан гаплашиб ўтиришибди, - дебди.
Йигитни ранги ўчиб :
— Ҳозироқ тепага чиқасанда, “Дадам келдилар!” дейсан, кейин менга нима бўлганини айтасан! - деб буюрибди.
Орадан беш дақиқа ўтиб қизалоқ гўшакни олиб:
— Алло! Дада! Ойим зинадан югуриб тушаётиб халатига уралашиб йиқилиб, "Вой-войлаб" ётибдилар. Ҳалиги амаки иккинчи этаждан ўзини ҳовузга ташлаб, сув йўқлиги учун ухлаб қолди, - деса, йигит ҳайрон бўлиб:
— Ие, уйимизда ҳовуз йўқ эди-ю?!
— Дада, ўзингиз қурдирдингиз-ку ҳовузни... - дебди. Йигит баттар ажабланиб:
— Бу ўзи Эшматовлар хонадоними? - деб сўраса, қизалоқ:
— Йўқ, уларники эмас - дебди.
Йигит телефонига терилган рақамларга бир қарабди-да, жилмайиб:
— Узр қизалоқ, адашибман, - деган экан.
— Алло, менга ёрдам керак!
— Нима гап?
— Иккита қиз мени талашиб уришмоқда!
— Хўш, нима бўпти?!
— Хунуги ғалаба қиляпти!
2060-йилда шогирд устозидан сўради:
— Устоз 50йил олдин қизлар нима кийишган?
Устоз жавоб қилди:
— 50йил олдин қизлар калта бўлса ҳам юбка кийишган.
— Яхши қиз, сиз билан бугун бирор жойда учрашсак бўладими?
— Келинг, эртага учрашамиз... Бугун эримни туғилган куни эди, болаларни боғчадан олишим керак!
Иккита дугона учрашиб қолишибди. Биринчи қиз мақтанишни бошлабди:
— Йигитим менга тилла узук совға қилди.
— Ажойиб-ку. Табриклайман!
— У менга яна машина ҳам совға қилди.
— Ажойиб-ку. Табриклайман!
— Ўзингда нима янгиликлар?
— Этика курсларига қатнашяпман. "Алдама, тентак" сўзини ўрнига "Ажойиб-ку. Табриклайман!" дейишни ўрганиб олдим.
Бир қиз чўмилгани кўл бўйига бориб қараса, бир милиция ходимидан бошқа ҳеч ким йўқ экан. Қиз "майли" деб ечиниб, секин сувга туша бошлабди. Шунда милиция ходими келиб:
— Яхши қиз, бу ерда чўмилиш таъқиқланган, - дебди.
Қизни жаҳли чиқиб:
— Қанақа одамсиз, нега олдинроқ айтмадингиз?! Кўрдиз-ку кийимларимни ечаётганимни, - дебди.
Шунда милиция ходими:
— Ечиниш таъқиқланмаган, чўмилиш таъқиқланган, - дермиш.
— Ҳаётимда 3 та аёл бор улар: онам, хотиним ва қизим, - деб интервью берган қўшиқчига, бувисидан смс келибди:
— Пенсия пулимга оберган совғаларим тешиб чиқсин!
Қайнона келинидан сўрабди:
— Лағмон чўзишни биласизми келинпошша?
— Ҳа, биламан ойижон!
— Лағмонларингиз ингичка ва мазали бўлиши учун сизга нима керак?
— Оёғимни тагида ҳеч ким ўралашмаслиги керак!
Бизнесмендан қандай қилиб миллионер бўлганини сўрашди.
— Хотиним туфайли.
— Қанақасига?
— Қанча пул топганимда хотиним пул йўқлигидан нолишни тўхтатишини билмоқчи эдим...
Эркак дўстига деди:
— Кеча кечқурун келаётсам, йўл четида қурбақа ётибди. Раҳмим келиб уйга олиб келдим. Ухлашга ётаётиб уни ёнимга ётқиздим. Эрталаб уйғонсам қурбақа маликага айланиб қолибди. Ишонасанми дўстим?
— Ҳа ишонаман.
— Негадир хотиним ишонмаяпти.
— Менда-ям шунақа бўлганди-да...