Бир йигит дўстидан:
— Нега кечаси ухламайсан? Бирор муаммоинг борми?
— Ҳа, муаммоим бор! Тунги сменам!
Офис фарроши эрта тонгдан ишга келса, ҳамма ходимлар келиб бўлишган экан. Улар хонадаги жиҳозларни жойини алмаштирар, шкаф ва столларни у ёқдан, бу ёққа сурар эканлар. Фаррош ҳайрон бўлиб:
— Нима қиляпсизлар? – деса, ходимлар:
— Холажон, биз доим шунақа қиламиз. Фирмамиз ишлари юришмай қолса буюм ва жиҳозларни жойини алмаштирамиз. Шунда савдо ҳам юришиб кетади, - дейишибди.
Шунда фаррош:
— Эҳ... Мен бу ерда анча йилдан бери ишлайман. Бошлиқ савдо пасайиб, ишлар юришмай қолганидан хабар топган заҳоти мебелларни эмас, ходимларни алмаштиради, - дермиш.
Офис ходимлари суҳбатидан:
— Қара, яна бир ҳоким пора билан ушланибди.
— Эски хабарларни ўқияпсан!
— Эски эмас, янги...
— Буни янгилиги қолмади!
Раҳбар ходимидан сўрабди:
— Икки кундан бери сизни кўрмаяпман! Нега ишга келмаяпсиз?
— Ўтроқ бошлиқ, мен ишга келяпман. Мен келган маҳал ихшонада ҳеч ким бўлмаяпти?!?!
Бир эркак ҳамкасбига дермиш:
— Хотинимни ангинаси оғриб қолди. Бечорага жуда-ям раҳмим келяпти. Бақиргиси, мен билан жанжал қилгиси келяпти ахир...
— Ишхонангиздаги раҳбарга муносабатингиз қандай?
— Худди хотинимга ўхшаш. Раҳбаримиз озгина ёқади,озгина қўрқаман ва бирозгина бошқаси бўлишини истайман...
Бир аёлни ҳамкасб эркак учрашувга таклиф қилса, аёл унга қараб дебди:
— Нималар деяпсиз?! Мени эртага учрашувга таклиф қиляпсизми?! Турмушга чиқган аёлман-ку ахир!
Ҳамкасби унга:
— Унда бугун таклиф қилсам-чи? – дермиш.
— Бошлиқнинг хонасига кириб, столга қаттиқ муштлаб, маошимни оширишни талаб қилдим.
— Ҳӯш, натижаси нима бӯлди?
— Ҳеч нима, чунки бошлиқ хонасида йӯқ эди.
Ҳамма одамлар оқ қоғоздан қор парчаларини кесиб ўтирган вақтда, ишхонамдаги йиллик ҳисобот ҳужжатлари мени миямни арралаб ўтирибди.
Йирик нефть ишлаб чиқариш заводи директорига савол беришди:
— Ўртоқ бошлиқ, сиз ҳайдовчилик гувоҳномаси бўлмаган одамни ўзингизга ҳайдовчи қилиб ишга олган бўлармидингиз?
Директор:
— Йўқ албатта! Ахир мен ўз жонимни хавфга қўя олмайман-ку!
— Унда нега фалсафа факультетини битирган жиянингизни ўзингизга ўринбосар этиб тайинладингиз?