Boshqalar haqida latifalar

— Allo, kompyuter ustaxonasimi?
— Ha, nima bo‘ldi?
— Kompyuterim ishlamay qoldi.
— O‘zingiz ichini kavlab ko‘ring.
— Shunday qilsam, ishlab ketadimi?
— Yo‘q! Bizga ish ko‘payadi. Daromad ham!
— Odamzod g‘alati-da!
— Nega?
— Agar osmonda 789301214756899 ta yulduz bor desang, ishonadi. Mabodo qayergadir «Ehtiyot bo‘ling, bo‘yalgan» deb yozib qo‘ysang, albatta barmog‘ini tekkizib, tekshirib ko‘radi.

— Nechanchi yil tug‘ilgansan?
— 1999 yilda.
— Demak, 20 ga to‘libsan-da!?
— Yo‘q. 19 ga.
— Qanaqasiga?
— Bir yili tug‘ilgan kunimni nishonlamagandim.

Hammaning o‘z baxt formulasi bor. Masalan man xonam shipiga "Ertadan yugurishni boshlayman!" deb yozib qo‘yganman. Va har kuni ertalab uyg‘onganda bu yozuvga ko‘zim tushadi va "Hayriyatki bugundan emas, ertadan ekan!" deb xursand bo‘lib qo‘yaman...
Odamlarni farishtadek ko‘rinishga urinishini ko‘rib, gunohkor bitta men ekanman deb o‘ylab qolaman...
Kecha tunda bir notanish telefon qildi va qabristonda uchrashuv belgiladi. G‘alati odam ekan. Kelmadi...
— Senga ikkita yangiligim bor.
— Yaxshisidan boshlayqol.
— Kim aytdi senga yaxshi xabar bor deb?!
Odnoda bir qiz “Hayotni jiddiyga olmang, hammasini o‘z holiga tashlab qo‘ying” deb yozibdi. Bu gapdan ilhomlanib, butun oilamiz bilan kommunal to‘lov qog‘ozlarini ustida pista chaqib o‘tiribmiz.
Ideal insonni izlamang. Bugun manda dam olish kuni. Uydaman...
Shanba kunim sokin va yoqimli o‘tayotgandi. Bu shanbamas yakshanba ekanligini bilib qolmagunimcha...