Bugun avtobusda uyga qaytayotsam, negadir hamma yo‘lovchilar tovush chiqarmasdan jimgina ketishmoqda.
Tushayotganda ham jim... Yo‘lovchilar nega bunday ovoz chiqarmay, shovqin qilmay ketayotishganiga hayron bo‘lib, chiptachiga qarasam, chiptachi uxlab qolgan ekan...
Instruktor mashinalar tirband yo‘ldan ketayotsa, oldindagi avtomobil qoidalarni buzib, xavfli harakatlar bilan hayday boshlabdi. Jahli chiqqan instruktor avtomobilni quvib o‘tib, oynadan baqiribdi:
— Qaysi ahmoq o‘rgatgan senga mashina boshqarishni?!
— Voy ustoz, assalomu alaykum! - dermish haydovchi...
Tergovchi gumondorni so‘roq qilyapti:
— Siz jinoyatni sodir etganlikda shuhba qilinmoqdasiz. Familiyangiz nima edi, yodimdan chiqdi...?
— Boshingiz uyda yodingizdan chiqib qolmadimi, mabodo?
Agar dushanba kuni ishga chiqishga qiynalsangiz, dam olish kunlarisiz ishlang!
Istirohat bog‘idagi kursida ikki nafar iste’fodagi general suhbatlashib o‘tirishibdi:
— Esingdami, Kolya, birinchi jahon urushi yillarida okoplarda ayollar haqida o‘ylamasligimiz uchun bizga tabletkalar berishgan edi?
— Esimda, albatta, pushti tabletkalar berishgan. Tinchlikmi, nega eslab qolding?
— Shunchaki o‘zim... Nazarimda o‘sha tabletkalar endi ta’sir qilyapti shekilli...
Dugonalar suhbatidan:
— Erimni fe’li juda-yam og‘ir, umuman yashab bo‘lmaydi.
— Unda ajrash u bilan...
— Ajrash?! Nimalar deyapsan?! Meni hayotimni rasvo qilgan odamni shunchaki ozodlikka qo‘yib yuborib, baxtli hayotga qaytaraman-mi?
Do‘konga kirgan qaysar xaridor yangi ish boshlagan sotuvchi qizga debdi:
— Xizmat ko‘rsatishingiz juda-yam yomon! Men so‘ragan buyumlarni hattoki turgan joyini ham bilmaysiz. Mahsulotlar pala-partish taxlangan, umuman tartib yo‘q...!
Qo‘rqib ketgan yosh sotuvchi yig‘lab yuboray deb tursa, boyagi xaridor yana baland ovozda:
— Sizda o‘zi insof bormi? - desa, sotuvchi qiz shoshilib:
— Bor-bor, bo‘lishi kerak! Hozir topib beraman...! - dermish.
Ota-ona o‘g‘lini armiyaga kuzatyapti.
Ona:
— Doim haqiqatni yozgin!
Ota:
— E, uyoqda har bitta xatni tekshirishadi.
Ona:
— Unda ahvoling yomon bo‘lsa, qizil, yaxshi bo‘lsa, ko‘k rangli siyohda xat yozgin!
O‘g‘il jo‘nab ketdi. Oradan qanchadir vaqt o‘tib, ko‘k siyohda yozilgan xat kelibdi:
"Onajon, otajon, hammasi yaxshi! Faqat, bu xatimni qizil ko‘zoynak taqib o‘qinglar..."
Bir piyonista kishi doktorga boribdi. Vrach:
— Nima bo‘ldi, shikoyatingiz? - deb so‘rasa, haligi odam:
— Kecha og‘aynilarim bilan bolalarni sog‘ligi uchun ichdik, ayollarimizni sog‘ligi uchun ichdik, qo‘shnilarni sog‘ligi uchun ichdik, oxiri negadir o‘zimni sog‘lig‘im yomonlashdi, - dermish.
Qizni uyiga sovchilar kelib, yigitni maqtay boshlashibdi:
— O‘g‘limiz ichmaydi, chekmaydi, qizlar bilan-ku umuman gaplashmaydi...
Qizning onasi:
— Sog‘lig‘i joyidami ishqilib???
Latifa.uz loyihasi haqida
Latifa.uz - har kuni yangi va sara ichakuzdi latifalar, hangomalarni taqdim qilamiz. Turli mavzularda eng zo'r latifalar: er-xotin, sevishganlar, do'stlar, ishxona, bozor, haydovchilar, o'qituvchilar, shifokorlar, 8 mart, yangi yil, futbol, afandi va yana ko'plab mavzularda latifalar birinchi bo'lib bizning saytimizda chiqadi. Vaqtingiz maroqli o'tadi, do'stlar davrasi, choyxona va gaplarda bizning latifalarni aytib davrani bemalol qizdira olasiz. Dolzarb mavzularda kulguli rasmlar, yumorga boy dialoglar ham sizni mutlaqo befarq qoldirmaydi.
Ijtimoiy tarmoqlarda tarqalgan latifalarning aksariyati aynan Latifa.uz saytining kanal va sahifalaridan olinadi. Telegram, Instagram, Facebook, Twitter'da bizning latifalar orqali odamlar bir-biriga hush kayfiyat ulashadilar. Shu bilan birga saytimiz odamlarni kayfiyatini ko'targan holda yoshlarning savodxonlik darajasini oshirish, sifatli matnlar bilan ularni ko'proq mutoalaa qilishga qiziqtirish. Biz internetda seks, porno, zo'ravonlik hamda 18+ matnlarni tarqalishiga mutlaq qarshimiz. Beldan pastga tushmagan samimiy yumor bilan odamlarning hordig'ini mazmunli o'tishiga hissa qo'shish uchun astoydil harakatdamiz, yoshlar orasida erotika va pornografiya tarqalishini oldini olishni to'liq qo'llab quvvatlaymiz.
Agarda biron-bir latifa bo'yicha e'tirozlar bo'lsa, bizga habar bersangiz saytdan o'chirib tashlaymiz.