Yigit va qizning telefondagi suhbatidan:
— Allo, azizim, bu yil ham kontraktga kiribsizmi?
— Ha!
— Unda yana to‘rt yil uylanmay turasiz...
— Nega?
— Men ham kontraktga kiribman...
Bir kishi katta ko‘lning qirg‘og‘ida o‘tirsa, turistlar kelib so‘rashibdi:
— Nega bu yerda o‘tiribsiz?
— Men ko‘lning narigi qirg‘og‘iga suzib o‘ta olaman, - debdi boyagi kishi.
— Qancha vaqtda o‘rgandingiz buni, - deyishibdi turistlardan biri.
— Besh yil umrim ketdi, - debdi.
Shunda turistlar ko‘lning narigi qirg‘og‘iga o‘tkazib qo‘yadigan qayiqqa o‘tirib, qayiqchini qo‘liga ikki ming pul berib, haligi kishiga deyishibdi:
— Besh yil umringiz ikki ming so‘m turar ekan-da!?
Onasi yosh qizalog‘idan:
— Senga uka olib kelaymi yoki singilmi? - deb so‘rasa,
Qizaloq xo‘mrayib turib:
— Hech kim kerakmas! Hozir zamon ko‘tarmaydi! - dermish.
Yosh yigit qo‘shni qizga murojat qilibdi:
— Yaxshi qiz, sizni dastingizdan tunlari uxlay olmayapman...Tuni bilan mijja qoqmayman... Ko‘zimga uyqu kelmayapti...
Qiz yigitni ko‘zlariga qaray olmasdan, uyalib, yerga boqib debdi:
— Yaxshisi bu gapni meni otamga ayting. Meni qo‘limdan nima ham kelardi... Otam bilan gaplashganingiz ma’qul. Hammasini otam hal qiladilar. Axir tuni bilan magnitafonni adam baland qilib eshityaptilar-ku...
Chekishning zarari aniq isbotlandi. Chekkani chiqqanimda o‘rtoqlarim ovqatimni yeb qo‘yishibdi.
Bugun ertalab ishga kelsam, kompyuterimni sichqonchasi ishlamayapti. Sherigimniki-yam, narigisida-yam, ... Butun bo‘limda ishlamayapti. Nega ishlamayotganini tushuna olmay peshingacha bosh qotirdik. Narigi bo‘limni sichqonchasini olib chiqib qo‘ysam, ishlayapti...
Bir payt siqchonchamni o‘girib qarasam, tagida sensor nuri tushadigan joyiga inventar raqamini yopishtirib ketishibdi. Ming la’nat, kecha buxgalteriya inventarizatsiya o‘tkazgan edi-ku...
Qari boy olamdan o‘tibdi. Farzandlari otasining o‘limidan so‘ng notarius yoniga borib, vasiyatnomani o‘qishibdi:
"Men, falonchi falonchiboyev sog‘lig‘im va aqlim joyida paytimda, hech kimning ta’ziqisiz, o‘z xohishimga ko‘ra o‘limim oldidan bor boyligim va hamma yiqqan-tergan pullarimni ishlatib yubordim!"
Tergovchi so‘roq qilinayotgan kishidan so‘rabdi:
— Faqatgina o‘z ko‘zingiz bilan ko‘rgan narsalarni ayting! Demak, tug‘ilgan sanangiz?
— Bilmayman, o‘rtoq tergovchi. Buni men ko‘zlarim bilan ko‘rmaganman!
Do‘kon kassasida turgan qizni yoniga bir kishi kelib muloyimlik bilan:
— Yaxshi qiz, ikki pachka bering. Yo‘q, uch pachka, to‘rttasini beraqoling! - debdi.
— Nimani pachkasini? Antibiotik? Sirop? Yoki... Qayeriz og‘riyapti o‘zi?
— Hozir ko‘rsataman senga qayerim og‘riyotganini! - deb shimini cho‘ntagidan qurol chiqarib:
— Kassadagi hamma pullarni ber bu yoqqa! Biz o‘g‘rilarmiz!!!
Bir erkak uyga kelsa, xotini yotoqxonada yotgan emish.
— Bemahalda nega bu yerda yotibsan? - desa, xotini:
— Yuragim huruj qilib qoldi, - debdi.
Eri tez yordamga qo‘ng‘iroq qilish uchun yo‘lakdagi telefonga yugurib chiqsa, o‘g‘li debdi:
— Ada, shkafni ichida qo‘shni amaki o‘tiribdi!
Er yotoqga qaytib kirib, shkafni ochsa, haqiqatdan qo‘shni kishi kiyimsiz o‘tirgan ekan.
Shu payt erini jahli chiqib ketib, shkaf ichidagi qo‘shnisiga qarab:
— Anavi yerda xotinimni yuragi huruj qilib yotibdi, sen bo‘lsa shkafni ichida xotirjam o‘tirishingni qara! - dermish.
Latifa.uz loyihasi haqida
Latifa.uz - har kuni yangi va sara ichakuzdi latifalar, hangomalarni taqdim qilamiz. Turli mavzularda eng zo'r latifalar: er-xotin, sevishganlar, do'stlar, ishxona, bozor, haydovchilar, o'qituvchilar, shifokorlar, 8 mart, yangi yil, futbol, afandi va yana ko'plab mavzularda latifalar birinchi bo'lib bizning saytimizda chiqadi. Vaqtingiz maroqli o'tadi, do'stlar davrasi, choyxona va gaplarda bizning latifalarni aytib davrani bemalol qizdira olasiz. Dolzarb mavzularda kulguli rasmlar, yumorga boy dialoglar ham sizni mutlaqo befarq qoldirmaydi.
Ijtimoiy tarmoqlarda tarqalgan latifalarning aksariyati aynan Latifa.uz saytining kanal va sahifalaridan olinadi. Telegram, Instagram, Facebook, Twitter'da bizning latifalar orqali odamlar bir-biriga hush kayfiyat ulashadilar. Shu bilan birga saytimiz odamlarni kayfiyatini ko'targan holda yoshlarning savodxonlik darajasini oshirish, sifatli matnlar bilan ularni ko'proq mutoalaa qilishga qiziqtirish. Biz internetda seks, porno, zo'ravonlik hamda 18+ matnlarni tarqalishiga mutlaq qarshimiz. Beldan pastga tushmagan samimiy yumor bilan odamlarning hordig'ini mazmunli o'tishiga hissa qo'shish uchun astoydil harakatdamiz, yoshlar orasida erotika va pornografiya tarqalishini oldini olishni to'liq qo'llab quvvatlaymiz.
Agarda biron-bir latifa bo'yicha e'tirozlar bo'lsa, bizga habar bersangiz saytdan o'chirib tashlaymiz.