Doda latifalar

Ikkita jinni kasalxonadan qochib ketibdi. Vrachlar, militsiya xodimlari ularni qidirib topa olishmabdi. Kechki payt ikkala jinni, qaytib kelibdi. Sheriklari ularga:
— Nega qaytdilaring? Silarni rosa qidirib, topa olishmadi-ku, - desa.
Ikki jinni:
— Bugun biz repetitsiya qildik, endi ertaga qochamiz, - dermish.

Ayol kishi mashina boshqarib ketyapti. Yonida eri o‘tiribdi:
—Adasi, manavi piyoda jonidan to‘yganmi?! 10 daqiqadan beri mashinani oldiga tushib olib yugurib ketyapti, - debdi xotini.
Eri bo‘lsa:
— Piyodalar yo‘lagida yurma deb senga necha martta aytganman! – debdi.

Maktabda o‘qituvchi bolalarga:
— Aytinglarchi, bizga oy yaqinmi Amerikami?
— Oy yaqin!
— Qanaqasiga axir bolalar?!
— Oy bizga ko‘rinib turadi. Amerika esa umuman ko‘rinmaydi, uzoqda!

Xitoy vokzalida yigit bilan qiz uchrashib qolibdi.
Yigit:
— Chan-chun mixaaa, - desa, qiz:
— Miankshinuka, - debdi.
— Kua miankshinuka, - debdi yana yigit.
Huddi bir narsani tushunayotgandek, davomini o‘qiyotganingizni qarang!

Boyning o‘g‘li imtihonda:
— Birinchi jahon urushi qachon bo‘lgan?
— 1914-1918 yillarda.
— O‘tiring, besh!
O‘rtahol oilaning farzandi imtihonda:
— Birinchi jahon urushi qachon bo‘lgan?
— 1914-1918 yillarda.
— Nechta odam halok bo‘lgan?
— Bir million uch yuz mingga yaqin.
— O‘tiring, besh!
Kambag‘al oilaning farzandi imtihonda:
— Birinchi jahon urushi qachon bo‘lgan?
— 1914-1918 yillarda.
— Nechta odam halok bo‘lgan?
— Bir million uch yuz mingga yaqin.
— O‘lganlarning familiyasini sana!

Xotini tug‘ruqxonaga ketgan er to‘ng‘ich farzandini uyqudan uyg‘otib, kiyintirib, choy ichirib bog‘chaga olib boribdi.
— Shu seni bog‘changmi?
— Yo‘q, ada!
Boshqa bog‘chaga olib kelib:
— Shunisimi?
— Yo‘q! Bu bog‘chani hatto ko‘rmaganman ham.
Yana boshqa bog‘chalarga olib kelib:
— Shunisimi? Shunisimi? - deb yursa, o‘g‘li:
— Ada, yana biroz bog‘chama-bog‘cha yursak, maktabimga kech qolamiz! - dermish.

Maktab o‘quvchisi ona tili ustozidan so‘rabdi:
— Ustoz, o‘zbek tiliga rus tilini aralashtirib gapirish mumkinmi?
Ustoz debdi:
— Konechno mumkin emas!

Yangi kelin instagrammga kirmoqchi ekanini eriga aytgan ekan, eri qulog‘ini tagiga "layk" qo‘yib yuboribdi.

Bir shilqim oshnasi bilan ketayotib, otda sayr qilib yurgan bir go‘zalni uchratib qoldi va do‘stiga dedi:
— Oh, shu go‘zalning oti bo‘lib qolsam ham mayli edi!
— So‘rab ko‘rchi, balki eshakda sayr qilishga ham rozi bo‘lar, taklif qildi sherigi.

Psixiatr vrachdan do‘sti so‘rabdi:
— Nimaga sen bemorlaringdan qanday mashinasi borligini so‘rayapsan? Buni kasallikka nima aloqasi bor?
— Eh do‘stim, shunga qarab bemorimdan qancha pul olishni mo‘ljallayman-da!