Doda latifalar

Bir ayol dugonasiga hasrat qilibdi.
— Voy, dugonajon! Men yaqinda suvarakka aylanib qolsam kerak...
— Nega?
— Erimga “Ozaman” deb so‘z bergandim. Endi faqat kechalari qorong‘u oshxonaga chiqib, berkinib ovqatlanyapman. Kimdir chiroqni yoqsa, o‘zimni qayoqqa qo‘yishni bilmay shoshib har tomonga yugurib qolaman.

“Million”ni konsertidan chiqgan yigitdan so‘rashibdi:
— Konsert qalay bo‘ldi?
U yigit:
— Bravo, - degan ekan.

Sotsiologlar 500 nafar erkak o‘rtasida so‘rovnoma o‘tkazishibdi. Savol quyidagicha:
“Kimning taomi mazali? Xotin tayyorlaganimi yoki ma’shuqami?”
So‘rovnoma natijasida 300 nafar erkak “Xotinim tayyorlagan” deb, 200 tasi esa “Ma’shuqamning ovqatlari” deb javob bergan. Lekin birortasi ham “Bilmayman!” deb yozmagan.

Qamoqda oʻtirgan mahbus xotinidan xat oldi. Oʻqib chiqqach, kameradoshlari undan soʻrashdi:
— Xotining nima deb yozibdi?
— E, oʻgʻlim yana beshinchi sinfda qoladigan boʻpti… Oilamizni rossa sharmanda qildi yaramas.

Bir kishi doim “Non ursin!” deb qargʻanaverarkan. Kunlarning birida “Doka xleb”ni mashinasi urib ketibdi.

Basseyn navbatchisi:
— Yigitlar, sizlar jarimaga tortildinglar.
— Nima sababdan? Mayxo‘rlik qilib o‘tirganimiz uchunmi?
— Yo‘q! 4 soatdan beri ichib, bir martta ham hojatxonaga chiqmaganingiz uchun.

Bir mototsikl haydovchisi qoidani buzib, YPHdan qochib, ko‘p qavatli uylarni orasiga kirib ketibdi. Ularni chalg‘itish uchun mototsiklini o‘sha yerda qoldirib, katta yo‘lga chiqib tursa, inspektor kelib:
— Ho‘sh motosikl qani?
O‘g‘ri:
— Qanaqa mototsikl?
— Biroz avval qoidani buzib, mendan qochib kelayotganding-ku?!
— Bu nima deganing? Axir men piyoda aylangani chiqdim-ku...
— Aylangani chiqdingmi?
— Ha.
— Kaska kiyib olib-a??? Mototsikl bilan hujjatlarni ko‘rsat, - degan ekan inspektor.

Yo‘l yoqasida katta e’lon taxtasi turibdi va unda katta-katta yozuv bor:
"Haydovchi, oq yo‘l!"
Huddi shu taxtani pastrog‘ida kichikroq e’lon:
"Ko‘prik buzib tashlangan".

Buvi uxlab yotgan nabirasini uyg‘otyapti:
— Turaqol, bolajonim! "Kim erta tursa, xudo unga qo‘sh qo‘llab beradi" degan gap rost ekan. Qara,tong saharda sayrga chiqib nima topib oldim. Ichi pulga to‘la hamyon.
Nabirasi:
— Axir o‘sha hamyonni yo‘qotgan odam sizdan oldinroq turgan-ku!?

Bir qiz cho‘milgani ko‘l bo‘yiga borib qarasa, bir militsiya xodimidan boshqa hech kim yo‘q ekan. Qiz "mayli" deb yechinib, sekin suvga tusha boshlabdi. Shunda militsiya xodimi kelib:
— Yaxshi qiz, bu yerda cho‘milish ta’qiqlangan, - debdi.
Qizni jahli chiqib:
— Qanaqa odamsiz, nega oldinroq aytmadingiz?! Ko‘rdiz-ku kiyimlarimni yechayotganimni, - debdi.
Shunda militsiya xodimi:
— Yechinish ta’qiqlanmagan, cho‘milish ta’qiqlangan, - dermish.