Doda latifalar

Avtobusda ketayotgan yosh yigitcha o‘rindiqda bo‘yniga tilladan yasalgan samolyot zanjirini ilib olgan ayolga termulib ketayotsa, ayol unga qarab:
— Ha, yigitcha, samolyot yoqib qoldimi? - desa,
Yigit:
— Yo‘q, aeroport yoqdi, - deb javob beribdi.

Ko‘chada uchta odam ketayotgan ekan. Biri ko‘r, ikkinchisi cho‘loq, uchinchisi kal ekan. Yonidan katta tezlikda mashina o‘tib ketsa ko‘r debdi:
— Mashinani raqamini yozib oldim!
Cho‘loq debdi:
— Shu mashinaga yetib olaymi?!
Kal bo‘lsa jahl bilan:
— Chiroyli soch turmagimni buzib yubordi, - degan ekan.

Bir o‘smir yigit uyidagilardan berkitib sigaret chekar ekan.
O‘qishga otlanib chiqqan yigit qarasa, gugurt uyida qolib ketibdi. Sigaretni labiga qistiribdi-da, ko‘chadagilardan “olov” so‘ray boshlabdi.
Yigitcha bir odamni yuziga qaramasdan, sigaretni yoqib olishga gugurt so‘rasa, yuziga shapaloq tushibdi.
— Yondimi? – debdi haligi kishi.
Yigit qarasa, ro‘parasida adasi turganmish.
— Yonish ham gapmi? Chaqmoq chiqdi, - degan ekan o‘smir yigit.

Ikkita yoshi katta chol-kampirlar bir-birinikiga mehmonga borishibdi.
Kampirlar oshxonada pishir-kuydir qilguncha, ikkala qariya gap boshlashibdi:
— O‘tgan kuni kampirimni restoranga olib borgandim. Unga yoqmadi.
— Qaysi restoran ekan u?
— Esim qursin! Hozir yodimdan chiqdi... Ayollarga bahorda sovg‘a qiladigan gul nomi nima edi?
— Nastarinmi?
— Yo‘q!
— Lolami?
— Yo‘q!
— Atir gulmi?
— Yo‘q!
— Nargis gulmi?
— Ha!
Chol oshxona tarafga o‘girilib:
— Nargizaxon, o‘tgan kuni biz borgan restoranni nomi nima edi?

Teatrda katta premera ketyapti. Sahnada aktyorlar rol ijro etishyapti. To‘satdan tomoshabinlar orasida mast odamning ovozi:
— Zalda vrach bormi? Bormi vrach orangizda?
Hamma o‘rnidan turib, zalda vahimali shovqin boshlanib ketibdi. Aktyorlar ham to‘xtab qolishibdi.
Shu payt oldingi qatordan bir odam:
— Ha, men vrachman. Nima gap? - desa, shirakayf ovozda haligi mast kishi:
— Zo‘r spektakl ekan-a, hamkasb!? - dermish.

"Bir haftada qaytaraman", - deb qarz olgan va bir oyda qaytarganlarni qizil kitobga kiritish kerak.
Chunki bunchalik tez qarzini qaytaradigan insonlar kamayib ketmoqda!!!

Ikkita hamkasblar kechki payt ishdan chiqishibdi. Birinchisi debdi:
— Bitta iltimosim bor, hozir boshlig‘imiz ishdan chiqadi. Sen uni haydovchisisan-ku! Mashina buzilgan deb biroz shu yerda uni ushlab turgin. Bugun boshlig‘imizni qizi bilan uchrashmoqchi edim, - debdi.
Haydovchi istar-istamas zo‘rg‘a rozi bo‘libdi.
Boshliq ishdan chiqib:
— Qani ketdik-mi?! - desa, haydovchi:
— Mashina negadir o‘t olmayapti!? - deb bahona qilib, ancha vaqtgacha ushlab turibdi. Buni sezgan rahbar:
— Nega meni aldayapsan? To‘g‘risini ayt! Aks holda ishdan bo‘shataman! - deb baqira ketibdi.
Boshqa chorasi qolmagan haydovchi bor gapni aytib beribdi. Shu yerda ishlaydigan do‘sti uning qizi bilan uchrashmoqchi ekanini, shunga u mashina buzildi deb, bahona qilganini aytsa, boshliq xoxolab kulib:
— Laqma ekansan-ku! Meni umuman qizim yo‘q. Undan ko‘ra uyingga borib o‘zingni qizingdan xabar ol!!! - degan ekan.

Maktab o‘quvchisi Shokirdan so‘rashibdi:
— Shokirjon ayt-chi, Afrika uzoqmi, yaqinmi?
— Yaqin, - debdi Shokir.
— Nega unday deyapsan? - deyishsa, u:
— Yuqori sinfdagi negr bola maktabga har kuni velosipedda kelib-ketadi-yu?!

Boy odam bilan o‘g‘ri odam do‘st ekan. O‘g‘ri boydan so‘rabdi:
— Seni seyfingni kodi nechi?
Boy:
— Seyfimni kodini nima qilasan?
O‘g‘ri:
— Agar esingdan chiqib qolsa, senga aytaman.
Boy:
— Kodini bir daftarga yozib qo‘yganman.
O‘g‘ri:
— Daftaring qayerda?
Boy:
— Seyfimni ichida.

— O‘rtoq komandir, televizor ko‘rsak bo‘ladimi?
— Ko‘ringlar. Faqat yoqmanglar.