Latifa.uz saytida eng ko'p ovoz olgan latifalar ro'yxati.
Bir erkak do‘stiga debdi:
— Kecha tungi klubda xotinimni bir mast odam bilan raqs tushayotganini ko‘rdim.
— Yoniga borib tarsaki tortib yubormadingmi?!
— Qanaqasiga yoniga boraman? Axir men zarur ish bilan xizmat safariga ketganman-ku!?
Demak, bunday! Yangi 2020 yilda:
Dehqonlarga - yer maydonlari,
Xizmatchilarga - fabrika, zavodlar,
Turmushga chiqmaganlarga - sovchilar,
Ishsizlarga - kira uchun Matiz,
Norozilarga - bir shapaloqdan!!! Bor sovg‘am shu...
Stomatolog vrach vafot etibdi. Hamkasb do‘stlari uning qabri ustiga katta tish haykalini qo‘yishibdi. Vrachlardan biri kular emish.
— Nega kulyapsan? – deyishsa, vrach:
— Men o‘lsam, qabrim ustiga nima qo‘yishar ekan? - dermish.
Bir yigit dorixonaga kirib:
— Bu yer bankmi? Menga kredit bering! – debdi.
— Yo‘q, - debdi apteka xodimi.
— Nega unda boyadan beri faqat pul sanaysiz? – degan ekan yigit.
Bir ayol radioga telefon qilib, efirga chiqibdi. Salom yo‘llamoqchi ekanini aytib, debdi:
— Salom zapravkadagilar. Orangizda 3 kun avval metan quygani ketgan o‘g‘lim ham bor.
O‘g‘lim Anvarjon, telefoningni quvvati tugab qolgan bo‘lsa kerak, telefon qilsam "o‘chirilgan" deyapti.
O‘g‘lim, sen meni tinglayotgan bo‘lsang, yaxshilab eshit! Sen ketgan kuning xotining o‘g‘il farzandlik bo‘ldi. Bugun uyga javob berishdi. Bolang va xotining sog‘-salomat.
O‘g‘lingni ismini yaxshi niyat bilan Metanbek deb qo‘ydik. Umri zapravkadagi navbatlardagidek uzoq bo‘lsin.
Keyingi hafta beshik to‘y. Imkon qilib kela olsang kelgin bolam. Bo‘lmasa xafa bo‘lmaymiz. Tushunamiz holatni, deb onang.
Bir kuni ikki rus va o‘zimizning afandi Yaltada uchrashib qolishibdi. Afandi ruslardan qaysi shahardan ekanligini so‘rabdi.
Ruslardan biri:
— Andrey Moskvich! – debdi.
Ikinchisi:
— Vladimir Zaporojets, - debdi.
Shunda ziyrak afandi:
— Nasriddin Neksiya, - degan ekan.
Yosh kelin eridan so‘rabdi:
— Rostini ayting, siz mengacha birortasiga qaraganmisiz?
Kuyov:
— Ha, juda ko‘piga qaraganman.
Kelin:
— G‘amxo‘rlik ham qilganmisiz ularga?
— Ha! Hammasiga!
— Kim ekan ular???
— Qo‘ylarga-de...!
Kasbi elektrik bo‘lgan yigitni tok urib kasalxonaga tushib qolibdi.
Kasalxonada yigit hushiga kelib, yonida yotgan xonadosh bemor bilan tanishib undan so‘rabdi:
— Qayerliksiz?
— Qarshilikman, - debdi xonadoshi.
Shunda elektrik:
— Rezistor ekansiz-da... – desa, xonadoshi:
— Tok yomon urganga o‘xshaydi... – dermish.