Latifa.uz saytida eng ko'p ovoz olgan latifalar ro'yxati.
“Bonusli somsa” deb yozilgan somsaxonaga kirgan xo‘randa, sotuvchidan so‘radi:
— Qanday qilib “bonusli somsa” yesam bo‘ladi?
Sotuvchi:
— Go‘shtli somsa deganidan istaganingizcha sotib olib, yeb ko‘rasiz. Agar birorta somsani ichidan go‘sht chiqib qolsa, bonusga yana bitta shunaqa somsa beramiz, - dermish.
Bir kuni er-xotin janjallashib qolishibdi. Xotinini jahli chiqib eriga:
— Sizga tekkandan ko‘ra shaytonga tekkanim yaxshi edi, - desa, eri qarab turib:
— Buni iloji yo‘q, yaqin qarindoshlarning nikoh qurishi man etiladi, - debdi.
Xotini ota-onasini uyidan xomush qaytib kelib, erini yoniga o‘tirib unga debdi:
— Otamni biznesi muvafaqqiyatsizlikka uchradi. Endi umuman pulsiz qoldilar...
Eri bu gapni eshitib, jig‘ibiyron bo‘la boshlabdi:
— Bilardim, otang bizni ajratish yo‘lini baribir topishlariga ishonchim komil edi...!
Mutaxasisilarning fikricha hozirgi zamonda ayollarga emas, erkaklarga haykal qo‘yish kerak.
Chunki ayollarning haykali har bitta dorixonaning tepasida bor!
Xotin eriga dedi:
— Azizim, sizni telefoningizdan dugonamga qo‘ng‘iroq qilib olsam maylimi? O‘zimnikida pul qolmabdi.
Eri:
— Mayli, qilaver!
Xotini dugonasini raqamini tersa, go‘shakni u tomonidan javob kelibdi:
— Allo, bormisiz jonim...
Ishxonaga yuzlari tirnalgan erkak kirib kelibdi. Bu ahvolni ko‘rgan do‘sti undan:
— Nima bo‘ldi? - deb so‘rasa,
— Xotinim! - debdi.
— Xotining onasiniki ketgan deb o‘ylagandim?!
— Men ham shunaqa deb o‘ylagandim...
Juhud yaqin do‘stiga dedi:
— Fima, iltimos, sendan qarz olganimni xotinimga aytib qo‘ymagin!
— Aytmayman. Lekin menam sendan bir narsani iltimos qilmoqchiydim.
— Nimani?
— Senga qarz berganimni xotinimga aytib qo‘ymagin!
Bir mast kishi Chorsuda taksiga o‘tirib haydovchiga:
— Meni Chorsuga olib borib qo‘ying, - debdi.
Shunda taksist:
— Siz allaqachon Chorsudasiz desa, haligi mast chontagidan pulini chiqarib, yo‘l haqqini ikki hissa to‘lab haydovchiga:
— Ikkinchi bunaqa tez haydamang, - degan ekan.
— Enajon, yoshingiz 80 ga yetibdi. Sizning hujjatlaringizni institutga qabul qila olmaymiz. Qarigan chog‘ingizda nima uchun o‘qishga kirmoqchisiz?
— Bolam, hamma gap cholimda. Cholim talaba qizlarni yaxshi ko‘radi-da.
Militsiya bo‘linmasida yarim kechasi telefon jiringlab qolibdi. Navbatchi trubkani ko‘tarib:
— Militsiya navbatchisi eshitadi.
Narigi tomondan vahimaga to‘la, qo‘rquvdan qaltiragan ovoz kelibdi:
—Tezda Tolzor ko‘cha 18-uyga naryad yuboringlar. Uyda qora mushuk yuribdi. Vajoxati juda yomon.
— Bir mushukni deb militsiyani bezovta qildingmi lanati! Bu ishing uchun javobgarlikka tortilasan. Kimsan o‘zing?
— To‘timan men to‘ti! - dermish trubkani u tomonidan.