Doda latifalar

Sigir yong‘oq daraxtga chiqib ketayotgan ekan mushuk ko‘rib qolib, so‘rabdi:
— Hoy sigir, nega daraxtga chiqyapsan?
Sigir:
— Olma yemoqchiman, - debdi.
— Iye, bu yong‘oq daraxti-ku?! - so‘rabdi hayron bo‘lib mushuk.
Sigir bo‘lsa:
— Olma o‘zimda bor, - dermish.

Bir kampirni shifoxonaga olib kelishibdi.
Shifokor kampirga:
— Sizni o‘tgan safar ham qo‘ziqorindan zaharlanishdan davolagan edim. Nima bo‘ldi? - desa, kampir:
— O‘sha qo‘ziqorinni qolganini yeb qo‘yibman, - dermish.

O‘rmonda bir maymun banan po‘chog‘ini suvda yuvib o‘tirsa, ayiq kelib debdi:
— Nima qilyapsan?
Maymun:
— Ming so‘m bersang aytaman, - debdi.
Qiziqib ketgan ayiq maymunga ming so‘m berib:
— Endi aytaqol, banan po‘chog‘ini nima qilyapsan? - desa, maymun:
— Yuvyapman, - debdi.
Shunda ayiq kulib:
— Aqldan ozdingmi? - debdi. Maymun bo‘lsa unga javoban:
— Aqldan ozganmanmi, yo‘qmi, lekin kuniga o‘n ming pulim bor, - dermish...

— Yangi Lasetti olibsan. Qanaqa ekan? – deb so‘rabdi yigit do‘stidan.
Do‘sti bo‘lsa:
— Yaxshi. Ishxonaga 20 daqiqada boraman. Uyga esa 2 soatda kelaman, - debdi.
— Nega? – so‘rabdi yigit.
— Chunki oldingi yurishga beshta uzatma bor. Orqaga esa bitta, - dermish do‘sti.

Bir odam yo‘lda ketayotib, juda-yam isib ketibdi.
Do‘konlardan biriga kirsa, muzdekkina ekan. Biroz dam olib turmoqchi bo‘lsa, sotuvchi kelib so‘rabdi:
— Keling, nima olasiz?
Haligi odam:
— Dam olaman, bormi? – dermish.

Talabalar shiori:
3 baho oladiganlar: 3 qo‘y lekin mani tinch qo‘y!
4 baho oladiganlar: Yetsa bilim, yetmasa pulim!
5 baho oladiganlar: Harajatsiz harakat 0 ga teng!

Bir yigit chiroyli qizni oldiga kelib:
— Yaxshi qiz, menimcha siz oq otdagi shahzodangizni kutyapsiz, shundaymi?
Qiz:
— Ha, shunday!
Yigit:
— Ketdik unda...
Qiz:
— Shahzoda qani...?

— Cheburashka, meni eshityapsanmi? – debdi timsoh Gena.
— Esing joyidami? Menga yaxshilab qaraganmisan o‘zi? Qanday qilib seni eshitmasligim mumkin?!

Kunlarning birida xo‘roz tovuqni restoranga taklif qilibdi.
Restoranda ofitsiant:
— Nima buyurasizlar? - desa, xo‘roz:
— Menga bitta grill, tovuqga esa to‘rtta qaynatilgan tuxum olib keling, - dermish.

Qiz sevgan yigitiga debdi:
— Adam siz bilan uchrashib, yaqindan tanishmoqchilar.
— Nega? Axir kecha qo‘lida bolta ushlab, meni rosa quvladilar-ku?
— Adam yugurish bo‘yicha sport ustasi. Sizga yeta olmabdilar. Shunga sizni yoqtirib, uchrashib ko‘rmoqchilar-da.