Doda latifalar

Yosh o‘qituvchi sinfga kirib kelib:
— Salom bolajonlar, - desa, sinfdagi bolalar bir ovozdan:
— Yo‘qol, chiqib ket! - deb baqirishibdi.
Qo‘rqib ketgan yosh o‘qituvchi direktor xonasiga yugurib kirib, vaziyatni tushuntirsa, direktor:
— Bu sinf o‘quvchilariga avval "qarmoq" tashlab ilintirib olish kerak. keyin dars boshlaysiz. Yuring ko‘rsataman, - deb sinf eshigini tepib kiribdi-da:
— Orangizda kim globusni koptok qilib o‘ynay oladi? - so‘rabdi.
O‘quvchilar:
— Globus nima o‘zi? - deyishibdi.
— Globus haqida yangi o‘qituvchingiz gapirib beradi, - degan ekan.

Bir yigit qizni orqasidan yugurib:
— Yaxshi qiz, siz bilan tanishsam bo‘ladimi?
Qiz ortiga o‘girilib:
— Yo‘q, - desa, yigit qo‘rqib ketib:
— Voy, xudoga shukur-yey, - dermish.

Yigit sevgan qiziga:
— Men seni sevaman!
— Bu gapingizni yana kimlarga aytgansiz?
— Hammaga.
— Hammaga?!
— Seni sevishimni hammaga aytganman-da!

Bir kuni quyon o‘rmonga yangi Kaptiva minib kelibdi. Bo‘ri va boshqa hayvonlar qiziqib:
— Qaysi pulga olding, - deb so‘rashibdi, shunda quyon:
— Bir necha yil pul to‘plab oldim, - debdi. Bo‘riga qarab:
— Sen ham aroq ichavermay, pulingni to‘pla, - deb ketibdi.
Ertasiga o‘rmonda shovqin-suronmish. Hayvonlar qarasa bo‘ri vertolyotda uchib kelibdi.
Hamma hayvonlar vertolyot uchun buncha pulni qayerdan olding, - deb so‘rashibdi. Shunda bo‘ri, — Hamma aroq shishalarimni topshirib yubordim, - debdi.

Ikki ulfat ko‘l bo‘yida gaplashib o‘tirishsa, Xammer mashinasida bir boy kelib debdi:
— Yigitlar, ko‘lni qayeri sayoz? Mashinamda narigi qirg‘oqqa o‘tib ketmoqchiman.
— Mana bu yeridan o‘tsangiz bo‘ladi, - deb javob berishibdi.
Boy Xammerida ko‘lga qarab haydabdi-yu, shu zahoti cho‘kib ketibdi. Bir amallab suzib chiqqan boy:
— Sayoz degandilaring-ku!? - desa, ulfatlar hayron bo‘lib:
— Hozirgina shu yerdan bir to‘da o‘rdaklar o‘tib ketishgandi-da..., - dermish.

Ko‘chada ketayotgan yengiltak ayol bir erkakka qarab:
— Siz meni beshinchi erimga juda-yam o‘xshar ekansiz...!? - debdi
Erkak hayron bo‘lib:
— O‘zi erlaringiz nechta bo‘lgan? - deb so‘rasa, ayol:
— To‘rtta, - dermish.

Vikipediya: — Men hamma narsani bilaman!
Gugl:— Men istalgan narsani topa olaman!
Feysbuk:— Men hammani taniyman!
Internet: — Baribir mensiz hechkimsizlar!
Elektr: — Ovozlaringni o‘chirasanlarmi, yo‘qmi?!...

Cho‘lda suvsizlikdan tashna bo‘lib ketayotgan odamning
yo‘lidan quduq chiqib qolibdi.
Quduqni ko‘rgan haligi odam quvonganidan, — Suv, suv, - deb baqirgancha quduq tomon yuguribdi. Shu payt quduq ichidan bir odam otilib chiqib:
— Qani suv? Qani?! - debdi.

Bir odam uyini balkoniga chiqib, shaharni tomosha qilib tursa, qafasdagi to‘tisi:
— Hoy anqov, tentak, - debdi.
Egasini kayfiyati tushib, ichkariga kirib ketibdi. Ertasiga yana shu ahvol ...
To‘tisini jazolamoqchi bo‘lib, qafasni ustini yopib qo‘yibdi.
Ikki kundan keyin ochib qarasa, to‘tisiga hech narsa qilmabdi. U yana egasiga qarab:
— Sani tentak desam, g‘irt maraz ekansan-ku, - dermish.

Bir kishi xotinini stomatologga olib boribdi. Stomatolog hazillashib:
— Kenayi, tishlaringizni eringiz urib to‘kib tashladimi? - debdi. Shunda ayolni eri:
— Uka, seniki hozircha butun ekan. Tilinga ehtiyot bo‘l! - dermish.