Bir kuni Moskvadan Afrikaga uchayotgan samolyot jungli o‘rmonlariga qulab tushibdi. Samolyot ichidagi odamlar hayron, hamma yokda turli xil hayvonlar...
Shunda bitta mahluq kelib samolyot ichiga qarab:
— Ayollarni yeyman, erkaklarni olib qolaman. Ular menga ovqat pishirib, kiyimlarimni yuvishadi, - debdi.
Shunda bir ayol o‘rnidan turib:
— Iltimos, bizni yemang, axir bunday ishlarni ayollar qilishadi-ku..., - desa, samolyot oxirida o‘tirgan barzangi erkak o‘rnidan turib:
— Hoy nodon ayol nimalar deyapsan?! Mahluq akamni o‘zi biladi nima qilishni, - dermish
O‘qituvchi to‘polonchi o‘quvchining tanobini tortib qo‘yish uchun unga savol beribdi:
— Qani, menga osmonda nechta yulduz borligini aytib ber-chi.
— Yuz mingta yulduz bor, - ikkilanmay javob beribdi o‘quvchi.
— Yaxshi. Kechqurun sanab tekshirib ko‘raman.
Ertasi kuni o‘qituvchi yana o‘sha o‘quvchini savolga tutibdi:
— Javobing noto‘g‘ri ekan. Osmonda 9997 ta yulduz chiqdi.
O‘quvchi chapak chalib yuboribdi:
— Aytgandim-ku, yuz ming yulduz bor deb. Kecha tunda uchta yuldzuz uchganini qo‘shsangiz javob to‘g‘ri bo‘ladi.
Ikkita jinni kasalxona tomiga chiqib olib, — “O‘n bir, o‘n bir”, - deb baqirar emish. Bosh vrach pastda turib:
Hoy, nega baqiryapsizlar?, - desa, jinnilar:
— Bu yoqqa chiqing, aytamiz, - deyishibdi.
Bosh vrach tomga chiqishi bilan, jinnilar uni pastga itarib yuborishibdi-da:
— O‘n ikki, o‘n ikki, - deb baqira boshlashibdi.
— Botir, sen ingliz tilini bilasanmi?
— Ha, bilaman.
— Bo‘lmasa, aytchi “nothing” so‘zi nimani anglatadi?
— «Hech nima».
— Bo‘lishi mumkin emas! U nimanidir anglatishi kerak!
Poyezd kupesiga bir nimjon kishi kirib:
— Bokschi, kurashchi, umuman sportchilar bormi?, - deb so‘rabdi.
— Yo‘q, - deyishibdi.
— Unda besh mingdan yig‘ib beringlar, - deb, pulni olib, chiqib ketibdi. Bu hol yana uch martta takrorlanibdi. To‘rtinchi martta kirib yana so‘rabdi.
— Bor, - debdi kupedagilardan bittasi.
— Unda shaxmat o‘ynaymiz, yutqazgan ellik ming beradi, - dermish.
Bir talaba oshxonaga kirib qahva bilan bulochka olibdi-da, qo‘lini yuvish uchun ketibdi. Qaytib kelsa, qahvasi yo‘q emish.
— Kim meni qahvamni ichdi?, - debdi.
Hamma jim-jit.
— Kim meni qahvamni ichdi?, - deb yana bir martta so‘rabdi.
Yana javob bo‘lmabdi.
Uchinchi martta ham jahl bilan, — Kim meni qahvamni ichdi?, - so‘rabdi.
Bir barzangi yigit o‘rnidan turib:
— Men ichdim, - desa,
— Bulochkani nega yemadingiz?, - dermish talaba.
Har yili imtihonga tayyorlanish o‘rniga aroq bilan pivoni aralashtirib yurgan abituriyentlar, imtihon kuni test varaqlari orasiga shpargalkalarni aralashtirib o‘tirishadi.
Bir odamga bank kredit berishni rad etibdi. Qanday qilib qasd olishini uzoq o‘ylab, oxiri shu bankdan shaxsiy yacheyka olibdi. Unga ikki kilogramm baliq olib kelib qo‘yibdi-da, yacheykaga faqat o‘zi biladigan kod raqamini o‘rnatib ketibdi.