Doda latifalar

Ommaviy bepul Wi-Fi hududlarni tashkil eting va soliq imtiyozlariga ega bo‘ling! Tadbirkorlar o‘zi nima qilishini bilmay yurishgan edi. O‘zbekturizm juda yaxshi o‘ylab topibdi-da!

Bir chol tilla baliq ushlab olgan ekan. Har doimgidek, baliq tilga kirib cholga debdi:
— Meni qo‘yib yubor! Istagan tilagingni bajo keltiraman...!
Chol ko‘pam o‘ylab o‘tirmay:
— Go‘zal ayol ber menga! – debdi.
Suvdan go‘zal pari chiqibdi.
— Bundan ham go‘zalroq bo‘lsin, - debdi yana chol.
Avvalgisidan ikki karra go‘zal husnli pari chiqibdi.
Chol yana:
— Go‘zallikda tengsiz bo‘lsin! – degan ekan, baliqni jahli chiqib:
— Noshud banda, yaxshilikni bilmading, - deb suvga kirib ketibdi.
Chol ne ko‘z bilan ko‘rsin-ki, suvdan o‘zini kampiri chiqib turganmish.

Kunlarning birida afandi bilan boy garov bog‘lashibdi. Kim tezroq va ko‘proq semirsa, pul yutug‘i o‘shaniki ekan.
Garov muddati tugay deb qolsa ham, afandi hech semirmasmish. Boyni esa kun sayin vazni ortib boraveribdi.
Vaqti kelib, boy afandining uyiga borib:
— Hoy afandi, chiq mana meni semirganimni ko‘r! Eshigingdan sig‘mayapman, - desa, afandi derazadan bilagini ko‘rsatib:
— Jimjaloq barmog‘imni o‘zi shunchalik bo‘lsa, qanday qilib eshikdan chiqaman?! – degan ekan.

Statistik maʼlumotlarga koʻra, bitta yigitga 8 ta qiz toʻgʻri keladi. Menda qiz yoʻq! Demak, qaysidir ablah 16 ta qiz bilan yuribdi…

O‘rmondagi hayvonlar zerikib, odamlarga o‘xshab "Gap" yeyishmoqchi bo‘lishibdi.
Hamma yig‘ilib, qura tashlashibdi. Birinchi bo‘lib “Gap” boshlash sherxonga tushibdi. Keyingi navbat quyonga to‘g‘ri kelibdi.
Kelasi hafta shanba kuni sherxonni gapiga hammasi yig‘ilishibdi. Sherxon ham sherligini qilib, har bir hayvonga 1 litrdan aroq quyibdi. Gap-gapga qo‘shilib, rosa ichishibdi. Tun yarmiga borganda aroq tugab qolibdi. Bo‘ri sherxonga qarab:
— Sherxon, gap-gapday bo‘lsin. Yana biror litr topgin, - debdi.
Sherxon bo‘lsa:
— Men-ku aroq topaman. Gazak yuq-ku!? - debdi.
Bo‘ri:
— Olib kelaver! Gazakni toparmiz..., - debdi.
Sherxon yana 1 litr aroq olib kelibdi. Keyin nima bo‘lib o‘tganini eslay olmasmish.
Ertalab turishsa, quyon ko‘rinmas emish. Hammasi quyon ularni uyg‘otmay ketib qolgan deb o‘ylashibdi.
Oradan 1 hafta o‘tib, “Gap” berish navbati quyonga kelibdi. Quyonni uyiga
borib, eshigini taqillatishibdi. Eshikni quyonning xotini ochibdi.
Bo‘ri:
— Ering qani? – desa, xotini:
— O‘tgan hafta “Gap”ga ketgandi, qaytib kelmadi... – dermish.

Ayol:
— Bosib ko‘rsam bu yerim og‘riyapti
Doktor:
— Bosmasangiz og‘rimayaptimi?
Ayol:
— Yo‘q
Doktor:
— Unda bosmang. Sizdan 30 ming so‘m

Bir kuni afandini urushga olib ketishibdi.
Borgan kunining ertasidan boshlab uch kun urush bo‘libdi va urush tugabdi.
Oradan yillar o‘tib afandini nevarasi so‘rabdi:
— Buvajon, urush qanday bo‘lgan?
— E, birinchi kuni biz nemislarni rosa quvladik. Ikkinchi kuni nemislar bizni quvladi. Uchinchi kuni esa o‘rmon qorovuli kelib hammani quvdi... - javob beribdi afandi.

O‘zbek, qirg‘iz va qozoq yigitlar Rossiyaga ishlagani borishibdi.
Ish beruvchilar ularga kunlik norma belgilashibdi. 1 kunda 100 ta daraxt arralashni topshirishibdi va qo‘llariga benzopila berishibdi..
O‘zbek va qirg‘iz yigit normani bajarib bo‘lib, ketayotishsa qozoq yerda holdan toyib yotgan ekan.
O‘zbek bilan qirg‘iz yigit unga yordam bermoqchi bo‘lib benzopilani yoqishsa, qozoqni ko‘zi ochilib ketibdi. O‘rnidan sakrab turib:
— Iye, bu arrani tishi aylanarmidi??? - dermush.

Boshliqni yoniga kirgan kotiba debdi:
— Korxonamiz hisobidan menga isitgich olib berilsa, moliyaviy ahvolimiz yomonlashib qolmaydimi?
Boshliq:
— Yo‘q, albatta.
Kotiba:
— Unda menga mo‘ynali palto olib berishlarini buyursangiz...!

Bir bolakay o‘rtog‘iga maqtanibdi:
—Meni dadam seni dadangga qarz bergan.
O‘rtog‘i javob qaytaribdi:
— Lekin dadang meni dadamdan o‘sha qarzini ololmay yuribdi-ku!