Latifa.uz saytida eng ko'p ovoz olgan latifalar ro'yxati.
Ikki dugona suhbatidan:
— E dugonajon, anchadan beri tobim yo‘q. Juda mazam qochyapti. O‘tib ketarmikan-a?
— Havotir olma, o‘tib ketadi. O‘tgan yili yon qo‘shnim huddi shunaqa bo‘lib yurgandi. Rahmatli, o‘tib ketdi...
Adasi, kayfiyatimni ko‘taruvchi, orzularga beriluvchi biror narsa aytib bering.
— Faraz qil, sohilda yotibman. Okean to‘lqinlari yuzlarimga iliq suvlarini sachratmoqda. Yonimdagi stolda bir uyum sitrus myevalar va muzdekkina shampan vinosi...
Yon-atrofimda esa go‘zal ayollar ...
— Voy adasi, men o‘sha ayollar bilan gaplashib o‘tirgan bo‘lsam kerak-a?
— Sen uyda qolgansan xotin!
Afandi xotini bilan ketayotsa, bir yigit chiroyli qizni qo‘lini qattiq ushlab olib she’r o‘qib berayotgan ekan.
Afandi:
— Hoy yigit, nima qilyapsan? Qo‘yib yubor qizni qo‘lini! - desa, yigit:
— Mashq qilyapman. Uylansam, xotinimni ko‘nglini olish oson bo‘lsin deyapman.
Afandini xotini eriga qarab:
— Uylanmasdan avval qo‘lingiz singanmidi?! - dermush.
Mahalla oqsoqoli majlis o‘tkazib tursa, kimdir aksirib yuboribdi.
— Kim aksirdi? - so‘rabdi oqsoqol.
Hech kim javob bermabdi.
— Kim aksirdi deyapman?
Yana hamma jim...
— Oxirgi martta so‘rayapman, hozir kim aksirdi??? - qat’iy so‘radi oqsoqol.
— Men, rais, - deb bir kishi zo‘rg‘a ovoz chiqaribdi.
— Sog‘ bo‘ling!!! - debdi oqsoqol.
Bir odam ketayotib, to‘satdan qoqilib ketibdi-yu, boshi yerga dumalab ketibdi. Boshi yerda qolib, tanasi ketib borayotganmush. Boshi:
— To‘xta, to‘xta...!!! - deb baqiribdi. Tana to‘xtamasmush.
— Men bu yerda sen bilan qoldim-ku, nega baqirasan?! - dermish quloq...
Qari boy olamdan o‘tibdi. Farzandlari otasining o‘limidan so‘ng notarius yoniga borib, vasiyatnomani o‘qishibdi:
"Men, falonchi falonchiboyev sog‘lig‘im va aqlim joyida paytimda, hech kimning ta’ziqisiz, o‘z xohishimga ko‘ra o‘limim oldidan bor boyligim va hamma yiqqan-tergan pullarimni ishlatib yubordim!"
Bir ayol qo‘shnisiga dardini ayta boshlabdi:
— Bir haftadan beri erimdan hojatxonani ta’mirlab berishini so‘rayman.
— Xo‘sh, nima bo‘ldi?
— Yakshanba kuni hojatxona eshigiga "Kirish man etiladi. Ta’mirlanmoqda" degan yozuvni ilib, o‘zi choyxonaga ketib qolibdi.
Yangi kelin-kuyov tushlik ovqatdan keyin ota-onasi bilan gaplashib o‘tirishsa, kuyov bola kelinga "Tur uyga kiramiz" degan parolni bermoqchi bo‘lib, stol tagidan xotinini oyog‘i bilan turtib imlabdi. Yana bir ozdan keyin sal kuchliroq turtsa, kelin yana indamabdi. Bundan kuyov bolani jahli chiqib bir tepgan ekan, kuyovni adasini jahli chiqib:
— Gaping bo‘lsa gapir! Boyadan beri nega oyog‘imga tepasan?! - dermish.
Bir kuni Alisher Navoiy shogirdi Xo‘ja Osafiyga nasihat qila boshlabdi:
— Men bir narsaga hayronman. Shunday o‘tkir zehnli, baland ta’bli bo‘la turib, she’r yozish bilan shug‘ullanmaysiz.
— Mavlono xo‘b ayturlar. Afv maqomida uzr bayon qilamanki, endi she’r yozishga zo‘r ishtiyoq bilan kirishib ketdim. Hatto kechalari ham she’r yozish bilan mashg‘ul bo‘lyapman. Masalan, o‘tgan kecha ikki pulga olingan sham yonib bitguncha, ikki yuz juft bayt yozdim.
— Undoq bo‘lsa, har yuz juft bayting bir pul ekan-da...