Doda latifalar

Shogirdning shiori:
7 martta so‘rab, 1 martta unut!

— Ko‘zlaringdan bilinib turibdi, yana ichib kelibsan.
— Qomatingdan bilinib turibdi, yana bo‘kib ovqat yebsan.

Mo‘ynali palto do‘koniga er-xotin xaridorlar kirishsa, yoniga sotuvchi qiz yugurib kelibdi:
— Biror nima qidiryapsizmi? - debdi xushfe’llik bilan.
Xaridor er:
— Kuya kapalagiga yemish qidiryapmiz, - degan ekan.

Oshxonada:
— Nima ovqatlar bor?
— Faqat tok osh bor.
— Axir bu 2 ta ovqat-ku!
— Endi bitta. Bizga qozon kerak bo‘lib qoldi.

Meni buvam Titanik cho‘kib ketishi haqida ogohlantirgan edi!
"Hozir aysbergga uriladi! Hozir cho‘kib ketadi" deb rosa baqirgandi. Lekin uni kinoteatrdan haydab chiqarishdi-da!

— Ozish uchun faqat salat yeyapman.
— Salatni ichi go‘sht, mayonez va tuxumga to‘la-ku!
— Axir men salat yeyapman-ku!

Tovuq xo‘rozdan bir hayolda qocharkan,
Ishqilib tez yugurib qo‘ymayapmanmi derkan.

Bir kuni shifoxonaga bir bemor kelibdi. Uni hamma yog‘i tirnalgan, shilingan, qontalash ekan.
— Sizga nima bo‘ldi? - debdi shifokor.
— Meni ari chaqib oldi, - javob beribdi bemor.
— Ari chaqsa, shu ahvolga tushasizmi??? - so‘rabdi yana shifokor.
— Axir men tok ustida uzum uzayotgan paytimda chaqdi ari, - degan ekan bemor.