Doda latifalar

Meni buvam Titanik cho‘kib ketishi haqida ogohlantirgan edi!
"Hozir aysbergga uriladi! Hozir cho‘kib ketadi" deb rosa baqirgandi. Lekin uni kinoteatrdan haydab chiqarishdi-da!

— Ozish uchun faqat salat yeyapman.
— Salatni ichi go‘sht, mayonez va tuxumga to‘la-ku!
— Axir men salat yeyapman-ku!

Tovuq xo‘rozdan bir hayolda qocharkan,
Ishqilib tez yugurib qo‘ymayapmanmi derkan.

Bir kuni shifoxonaga bir bemor kelibdi. Uni hamma yog‘i tirnalgan, shilingan, qontalash ekan.
— Sizga nima bo‘ldi? - debdi shifokor.
— Meni ari chaqib oldi, - javob beribdi bemor.
— Ari chaqsa, shu ahvolga tushasizmi??? - so‘rabdi yana shifokor.
— Axir men tok ustida uzum uzayotgan paytimda chaqdi ari, - degan ekan bemor.

AQSHda norozilik namoyishi ishtirokchilari shaxmat o‘yini qoidalarini o‘zgartirishni talab qilishmoqda!
Ular o‘yinda birinchi bo‘lib qoralar yurishini xohlaydilar.

Afandi davrida bir vazir maqtanchoqlikda dong qozongan ekan.
"Hamma ishni qila olaman, qo‘limdan hamma narsa keladi" deb maqtanarkan.
Bir kuni Afandi o‘sha vazirni oldiga kelib, hushtakni uzoq chalibdi-da:
— Endi mana shunga vergul qo‘yib bering-chi! - debdi.

Dinazavrlar qanday qirilib ketishgan?
Javob:
Erkak dinazavr ayol dinazavrga "Uyda o‘tir" degan.
Ayol dinazavr "Yo‘q" degan.
Erkak dinazavr ayol dinazavrga yana "Uyda o‘tir" degan.
Ayol dinazavr yana "Yo‘q" degan.
Shundan so‘ng Ayol dinazavr karantin vaqtida erkak dinazavrga "Uyda o‘tiring" degan.
Erkak dinazavr "Yo‘q" degan.
Shu bilan dinazavrlar qirilib ketishgan.

— Doktor,chap oyog‘im juda zirqirab og‘riyapti.
— Yosh tufayli bo‘lsa kerakda?!
— Ha, lekin o‘ng oyog‘im bilan tengdosh bo‘lsayam og‘rimayaptida...